Nfabel 2:17 - EBƆRƐ BE KAWƆL

¹⁷ Kusɔ nɛ Enyɛnpe Ebɔrɛ na kre nseŋ kaŋɛ fanɛ e beeŋ wora na nɛ e wora na. Dra na kikɛ nɛ e kpele anyi kusoe fanɛ e maaŋ wu anyi kuwɔr; e yɛ e beeŋ mur anyi, mo alɛ mur anyi kashenteŋto. E shin nɛ an doŋana pɔɔ anyi so nɛ bumo be ŋgbene fuli, ŋkpal an ka kɔ n tɔr so so.

Nfabel 2:17 ပူးပေါင်းရင်းမြစ်များ

1 Bewura 9:7

kumo ere meeŋ lara ma basa Israɛlebi ashi kasawule nɛ n ta n sa bumo ere so, nseŋ lar bɔrɛlambu nɛ n nɛfa ŋ kaŋɛ fanɛ meeŋ baa wɔ ndoŋ nɛ b baa bunyaŋ ma na to. Saŋɛ na so basa kikɛ beeŋ ba fɛl Israɛlebi nsaa keni bumo jiga.

Nshɛ 35:24

Enyɛnpe Ebɔrɛ, ŋkpal fo ka la esa niŋiso so, n shin nɛ b pin fanɛ m maŋ wora n foe. Sa maŋ shin nɛ ma doŋana e mushe ma.

Nshɛ 35:26

Shin nɛ bumo nɛ bumo be ŋgbene bee fuli ŋkpal ma awurfoŋ so na be nfɛra e wea to nɛ b kɔ n tɔr cheche. Shin nɛ bumo nɛ baa kaŋɛ fanɛ b bɔ ma na e ji nyɔmɔ nseŋ sipa.

Nshɛ 38:16

Sa maŋ shin nɛ b wora ma eyurto; ŋko a wu bumo be amu n wɔtɔ ma ŋkpal ŋ ka fɛrge n tɔr so.

Nshɛ 89:42

Fo shin nɛ mo doŋana sɔ kelempo mo so, nɛ bumo kikɛ be ŋgbene fuli bumo.

Nshɛ 89:43

Fo shin nɛ mbe akɔsɔ kikɛ ki asɔ jiga, nseŋ shin nɛ e kɔ kena n tɔr.

Aizaaya 14:29

Filistiebi, men sa maŋ shin nɛ menyi be ŋgbene e fuli menyi ŋkpal kekpabi nɛ k bee gberge menyi kusoe na ka bu to so. Kekpabi butoso na beeŋ ki fanɛ kuwɔ lubi. Kumo be kaman nɛ k ki kusɔ gbeyeso nɛ k du fanɛ laŋchaŋ nɛ k kɔ mbuibi be aba a firgi na.

Jɛremaya 18:11

Amoso kaŋɛ Juda nɛ Jerusalɛm be basa fanɛ n teŋ kre nseŋ wora shiriya nɛ ŋ gberge bumo kusoe. Kaŋɛ bumo b yige asheŋ lubi be kebaawɔtɔ na nseŋ fara a wora asheŋ niŋiso.

Jɛremaya 4:28

Durnya to beeŋ ki fanɛ b kaa bee shu keeli na, nɛ esoso e ki m biri to. Ŋkpal manɛ so, Enyɛnpe Ebɔrɛ na teŋ malga, mo alɛ maaŋ chɛrga mbe nfɛra n leŋi kamalga na. E teŋ yili kusɔ nɛ e beeŋ wora, mo alɛ maaŋ yige kusɔ nɛ e yili na be kewora.

Jɛremaya 40:3

naniere e wora kusɔ nɛ e kaŋɛ e beeŋ wora na. Ade kikɛ malɛ wora nna ŋkpal fo basa ka wora alubi n da mo ere Enyɛnpe Ebɔrɛ na so nsaa maŋ wora mo kasonu so.

Nfabel 1:5

Bedoŋ e naa ji kadegboŋ na so kuwura nsaa wɔ kumo to a wora bumo be kepar. Enyɛnpe Ebɔrɛ na e gberge Jerusalɛm be basa kusoe ŋkpal asheŋ lubi damta nɛ b wora na so. E shin nɛ bedoŋ pɛ bumo ŋ ki anya nna n yɔ efuli wɔfɔ so.

Nfabel 2:8

Enyɛnpe Ebɔrɛ na gbagba daŋ yili kumo mbe kagbene to fanɛ a daga egbalana nɛ a kulti Jerusalɛm na ka bure n tɔr. E ka fara kumo be kebure e maŋ naŋ yige kikɛ, a ŋini fanɛ e bee sha kumo be kemur cheche nna. Naniere kumo be mboŋ lempoana nɛ egbalana kikɛ bure a dese.

Nfabel 3:43

Fo ka nya agbo so, fo maŋ wu anyi kuwɔr nseŋ ju m buu anyi so n ya mɔ anyi.

Nfabel 4:11

Enyɛnpe Ebɔrɛ ka daŋ nya agbo ga so, e daŋ shin nɛ Jerusalɛm be kadegboŋ na ji edɛ nna m mur cheche.

Ezikɛl 5:11

Ma, Enyɛnpetale Ebɔrɛ na, e naa bɔ ntaŋ a kaŋɛ fanɛ, ŋkpal men ka ta menyi be agbirana nɛ aworbi lubiana n shin nɛ ma bɔrɛlambu ki kakpa nɛ esa maaŋ naŋ tiŋ n shuŋ ma ndoŋ so, m maaŋ wu menyi kuwɔr ŋko n shu menyi so ŋko n shin nɛ men nya menyi be amu n ya ji kikɛ.

Ezikɛl 8:18

Ŋkpal loŋ so, meeŋ gberge bumo kusoe agbo so. M maaŋ wu bumo kuwɔr ŋko n yige bumo nɛ b ta bumo be amu n ya ji. Hale nɛ b shu n tre ma gba m maaŋ nu nseŋ chɛ bumo to.”

Ezikɛl 9:10

Amoso m maaŋ wu bumo kuwɔr ŋko n shu bumo so kikɛ. Kananɛ b wora beko na nɛ ma alɛ gba beeŋ wora bumo.”

Danɛl 9:12

Kusɔ nɛ fo kaŋɛ fanɛ feeŋ wora anyi nɛ anyi be bejuŋkparpoana na bɔlɔ so. Fo gberge Jerusalɛm kusoe a chɔ kade kama kasawule ere so.

Maika 2:3

Amoso kusɔ nɛ Enyɛnpe Ebɔrɛ na kaŋɛ nde: “Mee kre keshin nɛ tɔrɔgboŋgboŋi e ba menyi so nna. Menyi alɛ maaŋ tiŋ ŋ gelge kumo n nya menyi be kumu n ji kikɛ. Menyeeŋ luri etɔrɔ to, saŋɛ na so menyi maaŋ naa nite a wu menyi be amu.

Zefanaiya 1:2

Le nɛ Enyɛnpe Ebɔrɛ na daŋ kaŋɛ: “Meeŋ shin nɛ kusɔ kikɛ e mur kasawule so.

Zakareya 1:6

N daŋ bɔla anebiana nɛ b la ma nyɛrbi na so nna n sa men nanaana ma mbraana nɛ kefiɛso be mmalga, ama b daa maŋ tuge ma, nɛ kumo be kasogberge ba bumo so. Kumo be kaman nɛ b chɛrga bumo be nfɛra nseŋ shuli so fanɛ ma, Enyɛnpetale Ebɔrɛ na e sa bumo kasogberge nɛ k daga bumo, fanɛ kananɛ ŋ kre kumo na.”