Nfabel 2:16 - EBƆRƐ BE KAWƆL

¹⁶ Menyi doŋana kikɛ bee mushe nna a wora menyi eyurto, nsaa gbɛlɛ menyi yurkishi so. Baa mɛr nnɔ nna nsaa kaŋɛ le: “An mur kumo! Kachɛ nɛ an baa jo na nna na!”

Nfabel 2:16 ပူးပေါင်းရင်းမြစ်များ

Nshɛ 109:2

Kumukpakpasowuraana nɛ befɛpo bee kɔ ma nna a ku efɛ a deŋi ma,

Nshɛ 112:10

Basa lubi baŋ wu basa nɛ b kɔ le be kebaawɔtɔ ere, baa nya agbo nna a we anyi to yurkishi so nseŋ foe eyur to. B maaŋ nya bumo be kepar kikɛ.

Nshɛ 124:3

B daa sha kemɔ anyi kikɛ nna m mur, ŋkpal b ka daŋ nya agbo ga so.

Nshɛ 22:13

N doŋana na du nna fanɛ ebuluŋ nɛ b ya bumo be nnɔ to a ponte to, nsaa kpɛa kusɔ kama nɛ b pɛ to na.

Nshɛ 35:16

B wora ma eyurto nna fanɛ kananɛ basa nɛ b maa ŋana Ebɔrɛ bee wora ebobi eyurto na; nsaa keni ma yurkishi so.

Nshɛ 35:21

Baa nya manaŋ a ku asheŋ a deŋi ma nna; nsaa ponte a kaŋɛ le: “An gbagba be kenishi e wu kusɔ nɛ fo wora.”

Nshɛ 35:25

Sa maŋ shin nɛ b kaŋɛ le: “Mannɛ mo nde a? An nya mo n wɔtɔ enɔ to a!”

Nshɛ 37:12

Belubiworapo bee kre basa lela asheŋ lubi nna, nsaa keni bumo yurkishiso.

Nshɛ 41:8

a kaŋɛ fanɛ kulɔ mɔso e kɔ mo, amoso e maaŋ naŋ koso ashi kakpa nɛ e dese ere.

Nshɛ 56:2

Bumo be bedamta baa yuu ma so nna, a kɔ ma kamoowuso.

Nshɛ 57:3

Feeŋ shin nɛ kechɛto e shi ebɔrɛso m ba sɔ ma n yige. Nseŋ shin nɛ tɔrɔ e tɔr bumo nɛ baa kɔ ma kenishipereso na bre so. Fo la eshinteŋjipo nɛ esa beeŋ tiŋ n yirda nna.

Aizaaya 49:19

Jerusalɛm be kadegboŋ daŋ bure nna a dese fuloŋ, ama naniere k beeŋ baa du fimbi ga a maaŋ tiŋ n sɔ basa nɛ baaŋ ba chena kumo to na. Basa nɛ b daŋ mur fo nseŋ yige fo n nase fuloŋ na beeŋ lar fo to n yɔ kufɔ kufɔ.

Jɛremaya 26:6

Nɛ men kraŋ kini kewora kasonu, kumo ere meeŋ mur bɔrɛlambu ere fanɛ kananɛ n daŋ mur kade nɛ baa tre Shilo na, nɛ durnya to be efuliana kikɛ so be basa e ta Jerusalɛm be ketre a sho basa kɔnɔ.”

Jɛremaya 29:18

Meeŋ ta kena nɛ akoŋgboŋ nɛ alɔ m bɛ bumo so nɛ efuli pɔtɛana be basa e wu loŋ nɛ k chinchiŋ bumo n ta kufu n lɛ bumo so. Kusɔ nɛ k beeŋ nya bumo kaplɛkama nɛ meeŋ pesaŋ bumo to n yɔ na beeŋ chinchiŋ ndoŋebi n ta kufu n lɛ bumo so. Kumo be kaman basa beeŋ wora bumo eyurto nseŋ ta Juda nɛ Jerusalɛm be atre a shoduu basa.

Jɛremaya 50:17

Kumo be kaman nɛ Enyɛnpe Ebɔrɛ na kaŋɛ le: “Israɛl be basa na du fanɛ mbolpɔ nɛ ebuluŋ ju bumo nɛ b pesaŋ bumo to nna. Asiriya be Ewurgboŋ e juŋkpar m ba kɔ bumo kena, kumo be kaman nɛ Babilɔn be ewura Nebukadneeza malɛ ba we bumo be awibi m bure to.

Jɛremaya 50:7

Bekama nɛ b daŋ wu bumo daa kɔ bumo kena nna. Le nɛ bumo doŋana bee kaŋɛ: ‘B wora alubi nna n da Enyɛnpe Ebɔrɛ nɛ e sa bumo nananyɛnana tama na so. Amoso kusɔ nɛ an wora na maŋ lubi. Bumo nananyɛnana daŋ yirda Enyɛnpe Ebɔrɛ nna, nɛ a daŋ daga fanɛ bumo alɛ gba ka ji kashenteŋ n sa mo.’

Jɛremaya 51:34

Ndoŋ nna nɛ Jerusalɛm be basa kaŋɛ le: “Babilɔn be ewura Nebukadneeza shin nɛ kufugboŋ tɔr anyi so. E suge anyi be kadegboŋ na to be asɔ lela kikɛ ŋ ki mo peya fanɛ kuwɔ ka min kusɔ na. Asɔ nɛ e bee sha nɛ e suge n ta, nseŋ ta amo nɛ a ka na n lɛ.

Nfabel 1:21

Ekama nu anyi ka bee munto a shu, ama esa kikɛ maŋ wɔtɔ nɛ e lolo anyi. An doŋana nyi etɔrɔ nɛ fo, Enyɛnpe Ebɔrɛ na, bar anyi so, nɛ bumo be ŋgbene fuli bumo ŋkpal loŋ so. Jande, nya manaŋ ŋ gberge bumo kusoe, fanɛ kananɛ fo nase kɔnɔ na.

Nfabel 3:46

An doŋana bee tege anyi nsaa wora anyi eyur to.

Ezikɛl 23:32

Ade kikɛ be kaman, nɛ Enyɛnpetale Ebɔrɛ na kaŋɛ fanɛ “Kurwa nɛ fo da nuu to na nɛ fo alɛ gba beeŋ nuu to, k la kurwa nɛ k shi nsaa du chuŋguluŋ nna. Ekama beeŋ keni fo jiga nseŋ wora fo eyur to, ŋkpal manɛ so, ma agbogboŋ e bɔlɔ kurwa na to.

Ezikɛl 25:15

Ade kikɛ be kaman, nɛ Enyɛnpetale Ebɔrɛ na kaŋɛ le: “Filisti be efuli so be basa nyaŋnyaŋso na daŋ wora n tal bumo be dra dra be bedoŋana to nna a fin kemur bumo yurkishi so.

Ezikɛl 25:3

Kaŋɛ bumo fanɛ b kaŋ asoe n nu kusɔ nɛ ma, Enyɛnpetale Ebɔrɛ na bee kaŋɛ: E yɛ menyi be ŋgbene daŋ fuli menyi nna jemanɛ nɛ men daŋ wu ma bɔrɛlambu ka jija kuraa nɛ Israɛl be efuli mur nɛ b pɛ Juda be basa n yɔ efuli wɔfɔ so na nna.

Ezikɛl 25:6

Kusɔ nɛ ma, Enyɛnpetale Ebɔrɛ na bee kaŋɛ e la fanɛ men daŋ kpla enɔ nseŋ daŋ tɛto kagbenefuliso a ŋini kekishi nɛ men kɔ n sa Israɛl be basa nna.

Ezikɛl 36:3

Amoso bɔ kubɔya nɛ ma Enyɛnpetale Ebɔrɛ na bee kaŋɛ ere. Jemanɛ nɛ efuli nɛ a chena ŋ kulti Israɛl na kɔ n suge Israɛl be abee na, ekama na daŋ wora Israɛl eyurto nna.

Ezikɛl 5:15

Menyeeŋ ki kemɔmɔshia nɛ katege be kusɔ nsaa la kefiɛso n sa efuliana nɛ a kulti menyi na nɛ menyi be asheŋ a chinchiŋ bumo.

Hoziya 8:8

Israɛlebi gba ki fanɛ efuli pɔtɛana so ebi nna a shuŋ agbir. Amoso b maŋ kɔ tɔnɔ n sa ma fanɛ kapuliya bureso na.

Maika 4:11

Efuli damtaana gama abar so nna nɛ b kɔ menyi kena. B yɛ: “A daga fanɛ Jerusalɛm ka mur! Anyi be kenishi pere nna a fin kewu kumo be ŋaba.”

Ashuŋ Shunso 7:54

Nshɛrwuraana na ka nu kusɔ nɛ Stiven bee kaŋɛ na nɛ b nya agbo ga n we anyi to agboso.