Nfabel 2:15 - EBƆRƐ BE KAWƆL

¹⁵ Basa nɛ b bɔla kadegboŋ na ase a choŋ bee fɛl menyi nna. Baa keni Jerusalɛm be alambure na nna nsaa fifi amu a mushe. Kumo be kaman nɛ b bishi le: “Kadegboŋ lela na nde a? Kadegboŋ nɛ durnya kikɛ daa puchi so na nde a?”

Nfabel 2:15 ပူးပေါင်းရင်းမြစ်များ

2 Bewura 19:21

nɛ Enyɛnpe Ebɔrɛ na malga a laŋɛ mbe kabɔrɛkule na be kaplɛa so. E yɛ: “Sennakerɛb, Jerusalɛm be basa bee mushe fo nna nsaa keni fo jiga.

2 Kronikɛls 7:21

Kashenteŋ nna fanɛ bɔrɛlambu na walɛ, ama nɛ kumo be loŋ kaŋ ba wora, k beeŋ chinchiŋ basa kama nɛ baa bɔla kumo ase a choŋ nɛ b baa bishi le: ‘Manɛ nna nɛ Enyɛnpe Ebɔrɛ wora mbe basa nɛ b wɔ mbe bɔrɛlambu to le?’

Nshɛ 109:25

Bedoŋ baŋ wu ma gba, baa mushe nna nsaa fifi amu.

Nshɛ 22:7

Ekama nɛ e wu ma bee wora ma shia nna. Baa fifi amu nna nsaa tege ma a kaŋɛ:

Nshɛ 48:2

Mbe kebeegboŋ cheembi na du jeŋgreŋ nna nsaa walɛ. Nɛ Ebɔrɛ Ewurgboŋ nɛ e wɔ kumo so na bee sa durnya to be basa kikɛ kagbenefuli.

Nshɛ 48:3

Ebɔrɛ na e wɔ kumo so a kuŋ kumo. E shin nɛ basa pin fanɛ, mo Ebɔrɛ na e la kadegboŋ na be ekumpo.

Nshɛ 50:2

Ebɔrɛ wɔ kadegboŋ nɛ k walɛ ga, nɛ baa tre kumo Jerusalɛm na to a kpa edɛ pɛlpɛl nna.

Nshɛ 64:8

Bumo gbagba be mmalga beeŋ kilgi n ji bumo, nɛ kufu e pɛ bekama nɛ b wu bumo, nɛ b fifi amu n chicha.

Aizaaya 28:21

Kananɛ Enyɛnpe Ebɔrɛ na baŋ kɔ kenishipereso ashi kebee nɛ baa tre Perazim na so nɛ ketaŋɛ nɛ baa tre Gibiɔn na to na nɛ e beeŋ naŋ kɔ le be jemanɛ ere gba. Saŋɛ na so e beeŋ wora kusɔ nɛ e kre kewora na, nɛ k chinchiŋ menyi ŋkpal men ka maa tama kumo so.

Aizaaya 37:22

nɛ Enyɛnpe Ebɔrɛ na malga a laŋɛ mbe kabɔrɛkule na be kaplɛa so. E yɛ: “Sennakerɛb, Jerusalɛm be basa bee mushe fo nna nsaa fɛl fo a keni fo jiga.

Aizaaya 64:11

Edɛ chɔɔ anyi be bɔrɛlambu nɛ k daa walɛ ga nsaa du cheembi nɛ an nanaana daa luri kumo to a bunyaŋ fo na m mur. Anyi be nwu lela nɛ an daa sha ga na kikɛ ki alambure m biti abar so a dese.

Jɛremaya 18:16

B shin nɛ kasawule na ki kufugboŋ be kakpa nna nɛ ekama ta kumo fanɛ kusɔ fuloŋ a keni kumo jiga. Asɔ nɛ basa nɛ baa bɔla kumo so bee wu na bee chinchiŋ bumo nna nɛ baa fifi amu.

Jɛremaya 19:8

Meeŋ shin nɛ Jerusalɛm be kadegboŋ na e ki alambure a dese nɛ k chinchiŋ nseŋ ta kufu m pɛ bekama nɛ baaŋ baa bɔla ndoŋ a choŋ na.

Jɛremaya 25:18

Jerusalɛm to nɛ Juda be ndeana to be basa kikɛ, n ta bumo be bewura nɛ benimuana gba kikɛ n ti so beeŋ nuu kawiebi na to be asɔ nuuso na, saŋɛ na so bumo alɛ gba be kasawule beeŋ ki fanɛ keshishɛrsawule nɛ esa e wu kumo nɛ k chinchiŋ mo. A loŋ beeŋ shin nɛ basa e baa ta bumo be ketre e shoduu fanɛ kananɛ baa wora m ba fo kabre na.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 26:6

Nɛ men kraŋ kini kewora kasonu, kumo ere meeŋ mur bɔrɛlambu ere fanɛ kananɛ n daŋ mur kade nɛ baa tre Shilo na, nɛ durnya to be efuliana kikɛ so be basa e ta Jerusalɛm be ketre a sho basa kɔnɔ.”

Jɛremaya 29:18

Meeŋ ta kena nɛ akoŋgboŋ nɛ alɔ m bɛ bumo so nɛ efuli pɔtɛana be basa e wu loŋ nɛ k chinchiŋ bumo n ta kufu n lɛ bumo so. Kusɔ nɛ k beeŋ nya bumo kaplɛkama nɛ meeŋ pesaŋ bumo to n yɔ na beeŋ chinchiŋ ndoŋebi n ta kufu n lɛ bumo so. Kumo be kaman basa beeŋ wora bumo eyurto nseŋ ta Juda nɛ Jerusalɛm be atre a shoduu basa.

Jɛremaya 48:27

Mowab be basa, men baa nyiŋi kananɛ men daŋ wora Israɛl be basa eyurto. Men daŋ wora bumo nna fanɛ b ka la beyu nɛ besugepo na.

Jɛremaya 51:37

Babilɔn be efuli na beeŋ bure a dese, nseŋ ki kupuŋ to be asɔbɔya fanɛ ejiŋkaamu be kakpa. Basa beeŋ baa mushe kumo. Ama bumo alɛ beeŋ baa ŋana kebɔla alambure na to n choŋ.

Nfabel 1:21

Ekama nu anyi ka bee munto a shu, ama esa kikɛ maŋ wɔtɔ nɛ e lolo anyi. An doŋana nyi etɔrɔ nɛ fo, Enyɛnpe Ebɔrɛ na, bar anyi so, nɛ bumo be ŋgbene fuli bumo ŋkpal loŋ so. Jande, nya manaŋ ŋ gberge bumo kusoe, fanɛ kananɛ fo nase kɔnɔ na.

Nfabel 1:8

Jerusalɛm to be asheŋ lubi so, k ki kadegboŋ nɛ ekama bee keni jiga nna. Basa kama nɛ b daa sha kumo nsaa keni kumo a bɔlɔ kenishi, kikɛ kishi kumo be asheŋ naniere nna. Jerusalɛm be basa gbagba be asheŋ woraso shin nɛ k wora eyurpi daŋkare be ekpa so nna.

Nfabel 2:16

Menyi doŋana kikɛ bee mushe nna a wora menyi eyurto, nsaa gbɛlɛ menyi yurkishi so. Baa mɛr nnɔ nna nsaa kaŋɛ le: “An mur kumo! Kachɛ nɛ an baa jo na nna na!”

Nfabel 2:6

E daŋ shin nɛ mbe bɔrɛlambu nɛ anyee shuŋ mo kumo to na daŋ bure n tɔr nna fanɛ kudɔtobuu na. Nseŋ shin nɛ nchɛgboŋ nɛ kewushiachɛ na be keji ba ekar. Mbe agbogboŋ na so, e daŋ kini ewura na nɛ bɔrɛmatapo na gba nna n lɛ.

Ezikɛl 16:13

Shuwa nɛ gbiti be abitasɔ nɛ fo daa wɔtɔ nsaa buu epiŋi nɛ b jɔɔ nɛ yawu kpakpaso be asɔbuuso. Nyifu lela nɛ fo daa ta a wora bodobodo nseŋ daa ji mushoŋ nɛ ɔlif be ŋku. Ŋkpal loŋ so, nɛ fo kebita lar nɛnɛ nɛ fo ki ewurche.

Ezikɛl 16:14

Ndoŋ nna nɛ fo asheŋ sɔ kaplɛkama nɛ ekama bee ji fo kebita be asheŋ ashi efuliana na kikɛ so, ŋkpal kananɛ ma, Enyɛnpetale Ebɔrɛ na shin nɛ fo kela lar nɛ ekama bee wu kumo so.

Ezikɛl 23:32

Ade kikɛ be kaman, nɛ Enyɛnpetale Ebɔrɛ na kaŋɛ fanɛ “Kurwa nɛ fo da nuu to na nɛ fo alɛ gba beeŋ nuu to, k la kurwa nɛ k shi nsaa du chuŋguluŋ nna. Ekama beeŋ keni fo jiga nseŋ wora fo eyur to, ŋkpal manɛ so, ma agbogboŋ e bɔlɔ kurwa na to.

Ezikɛl 25:6

Kusɔ nɛ ma, Enyɛnpetale Ebɔrɛ na bee kaŋɛ e la fanɛ men daŋ kpla enɔ nseŋ daŋ tɛto kagbenefuliso a ŋini kekishi nɛ men kɔ n sa Israɛl be basa nna.

Ezikɛl 5:15

Menyeeŋ ki kemɔmɔshia nɛ katege be kusɔ nsaa la kefiɛso n sa efuliana nɛ a kulti menyi na nɛ menyi be asheŋ a chinchiŋ bumo.

Danɛl 9:16

Dra na kikɛ nɛ fo kɔ n sa anyi, amoso sa maŋ nya agbo n wɔtɔ Jerusalɛm n chɛr ŋkpal manɛ so k la fo kadegboŋ nna ashi fo kebeegboŋ cheembi na so. Efuliana nɛ anyi nɛ bumo chena m mata abar na kikɛ bee keni Jerusalɛm nɛ fo basa jiga nna ŋkpal anyi nɛ an nananyɛnana be alubi so.

Maika 6:16

Le be asheŋ ere beeŋ ba menyi so nna ŋkpal men ka bɛ ewura Omri nɛ mo pibinyɛn, ewura Ehab be asheŋ lubi so so. Bumo be edaŋkare to nɛ men bee kute to. Amoso meeŋ shin nɛ men mur cheche nɛ ekama e baa tege nsaa mushe menyi fanɛ asɔ jiga na.”

Nahum 3:19

Kudur kikɛ maŋ wɔtɔ nɛ k tiŋ n chɛ ebesa nɛ doro nɛ a wɔ fo to ere. Ekama nɛ e nu fo kemur be kubɔya ere, bee kpla enɔ kagbenefuliso nna ŋkpal ebesa nɛ b ji ŋkpal fo kumukpakpaso so.

Zefanaiya 2:15

Kusɔ nɛ k beeŋ wora kadegboŋ nɛ baa ji njɔŋ kumo to nsaa puchi kumo be eleŋ so, a fɛ fanɛ shɛŋ shɛŋ maaŋ tiŋ n wora kumo na nna na. Kumo be basa bee fɛ nna fanɛ kadegboŋ kikɛ maŋ naŋ fo kumo so ashi durnya ere to. K beeŋ ki kade bureso, kakpa nɛ kupuŋ to be asɔbɔya kikɛ beeŋ baa dese nɛ ekama e baa choŋ a wu kumo nsaa pɛ kɔnɔ a kooba.

Matiu 27:39

Basa nɛ b daa choŋ gba daa maŋ bumo be amu so nna a tege mo a kaŋɛ:

Maak 15:29

Basa nɛ b daa choŋ gba daa maŋ bumo be amu so nna a tege Yesu a kaŋɛ: “Aha, fo yɛ feeŋ bure bɔrɛlambu na nseŋ pɔr kumo nchɛ asa be kefɛato.