Nfabel 2:11 - EBƆRƐ BE KAWƆL

¹¹ M baŋ shu nna m pere anishi hale nɛ ma epun to bee besa. Ma basa ka mur na shin nɛ ma kagbene jija ma hale nɛ m bɛlɛ. Mbi wurbi nɛ mbi popɔrbi kikɛ kreŋ a dese agbembi so ŋkpal esa kikɛ ka maŋ wɔtɔ nɛ e keni bumo so ashi kadegboŋ na to so.

Nfabel 2:11 ပူးပေါင်းရင်းမြစ်များ

Job be kawɔl 16:13

ta mbe atanyembi n yuu so n to nna. Mo alɛ maŋ wu ma kuwɔr nseŋ futi ma epun n lara ma apuntosɔ n lɛ kasawule.

Job be kawɔl 30:27

Kafɔŋ nɛ ebesa shin nɛ ma apumbi to bee kii to, karechɛ kama malɛ, awurfoŋ to nɛ n wɔ.

Nshɛ 119:82

N to kenishi a keni fo kɔnɔ naseso ekpa n ya gben. Saŋɛ mo nɛ feeŋ wu ma kuwɔr nseŋ chɛ ma to?

Nshɛ 22:14

Ma eleŋ kikɛ loge nna fanɛ nchu ka feeto na, nɛ ma echɛkpaana du fanɛ ma awibi ka maŋ naa chɔ abar so na. Ma kagbene malɛ ki fanɛ ŋku bumbuŋ ka ŋalga na nna.

Nshɛ 31:9

Enyɛnpe Ebɔrɛ wu ma kuwɔr ŋkpal tɔrɔ nɛ n wɔtɔ so. N shu nɛ ma anishi puŋi m puŋi; hale ma eyur to kikɛ bee besa ma.

Nshɛ 38:8

Ma eyur kikɛ bɛa ma to nna, nɛ eleŋ fimbi kikɛ maŋ naa wɔ ma to.

Nshɛ 6:7

N doŋana shin nɛ kagbenejija pɛ ma, nɛ n shu nɛ ma anishi puŋi a maŋ naa wu nɛnɛ.

Nshɛ 69:3

N shu n tre fo hale ma eleŋ kikɛ loge, nɛ ma ebɔl to wɔl. N mɛrge anishi ŋ keni fo ekpa, hale ma anishi bee kurge.

Aizaaya 22:4

Men yige ma nɛ n shu ga ŋkpal ma basa nɛ b wu na so. Men sa maŋ wora ania fanɛ menyeeŋ lɔlɔ ma.

Aizaaya 38:14

N daa shu nna fanɛ kabɔrɛpɔpɔbi, nseŋ daa naa shu kuwɔr so fanɛ lepɔ na. N daŋ dese nna a keni fo Enyɛnpe Ebɔrɛ na anishito, hale nɛ ma anishi gben, a maŋ naa wu nɛnɛ. Jande, Enyɛnpe Ebɔrɛ, mɔlga ma ashi etɔrɔ ere kikɛ to.

Aizaaya 51:20

Menyi be basa bee bɛlɛ nna a tɔr ashi kegbembi be kukɔlɔbi kama to. B ki fanɛ echibir nɛ bekpampo sho ajigbelɛ m pɛ nna. Bumo alɛ pin kananɛ Enyɛnpe menyi be Ebɔrɛ be agbo du kashenteŋto.

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 4:19

Ebesa nɛ k wɔ ma to na shi ga! M maaŋ tiŋ ŋ keta kumo! Ma kagbene bee ku ma alegaiso nna! Ma alɛ maaŋ tiŋ n lo ma kɔnɔ to. Ŋkpal manɛ so, mee nu mbel ka bee shu nseŋ naa nu kena be awɔr nna.

Jɛremaya 44:7

To, ma, Enyɛnpetale, Israɛl be Ebɔrɛ na bee bishi nna fanɛ manɛ so nɛ menyee wora menyi gbagba be amu le be kulubi ere? Menyee sha fanɛ benyɛn nɛ beche nɛ mbia wurbi nɛ mbi popɔrbi kikɛ e mur nna nɛ menyi be esa kama maaŋ naŋ ka a wɔtɔ a?

Jɛremaya 8:19

Ma basa bee shu ashi efuli pɔtɛana so nna. Fo kaŋ kusoe, feeŋ nu b ka bee shu a kaŋɛ le: “Enyɛnpe Ebɔrɛ na maŋ naa wɔ Zayɔn be kebee nɛ k wɔ Jerusalɛm to na nna a? E maŋ naa la kumo be ewura nna a?” Nɛ Enyɛnpe Ebɔrɛ, nɛ e la bumo be ewura na kaŋɛ le: “Manɛ nna nɛ menyee shuŋ agbir; a jɔŋɛ asɔ nɛ e maŋ kɔ tɔnɔ ase a bunyaŋ amo, a shin nɛ ma kagbene bee kaa?

Nfabel 1:11

Jerusalɛm be basa na kikɛ daa fubel nna, jemanɛ nɛ b daa fin kusɔ jiso nɛ b ji na. B daa ta bumo be asɔ lela a chɛr ajibi nɛ baaŋ ji nseŋ nya ŋkpa nna. Le nɛ b daa kaŋɛ: “Enyɛnpe Ebɔrɛ, keni awurfoŋ nɛ anyee ji.”

Nfabel 1:16

Amoso nɛ anyee shu anishichubi ga na. Esa kikɛ maaŋ tiŋ n lolo anyi n ti anyi kagbene, esa kikɛ malɛ maaŋ tiŋ n leŋ anyi to nɛ an naŋ nya kenyɛn. Ŋkpal manɛ so, an doŋana pɔɔ anyi so nɛ anyi maŋ naa kɔ shɛŋ kebaawɔtɔ to.

Nfabel 1:20

O Enyɛnpe Ebɔrɛ, keni awurfoŋ nɛ ebesa damta nɛ anyee ji ere! Anyi be ŋgbene jija anyi nna ga ŋkpal anyi be alubi so. Basa be kamɔ e sɔ agbembi so, nɛ anyi be elaŋana gba to.

Nfabel 5:17

Anyi be eyur be kaplɛkama bee besa nna; anyi maŋ naa wu nɛnɛ ŋkpal anishichubi so.

Luuk 23:29

Ŋkpal manɛ so, saŋko bee ba nɛ b kaŋɛ le: ‘Begbentepoana nɛ basa nɛ b maŋ naŋ kurge ŋ ku so nɛ beche nɛ mbia maŋ naŋ nyipo ŋ ku so nu ebel kashenteŋto bre.’

1 Samuɛl 30:4

nɛ b shu ga hale n ya chɛl pɔɛŋ nseŋ yige.