Nfabel 2:1 - EBƆRƐ BE KAWƆL

¹ Enyɛnpe Ebɔrɛ na daŋ nya agbo nna n shin nɛ Zayɔn be kebee nɛ k wɔ Jerusalɛm to na paŋ kumo be kemaŋkuragboŋ kikɛ. Kumo e daa la kakpa nɛ Israɛlebi daa puchi so nseŋ naa la kakpa nɛ mo gbagba be bɔrɛlambu wɔ. Ama kachɛ nɛ e nya agbo na, e daŋ bure kumo nna n lɛ kasawule.

Nfabel 2:1 ပူးပေါင်းရင်းမြစ်များ

2 Samuɛl 1:19

Kashɛ na nde: O Israɛl, fo kemaŋkura nɛ fo be bejuŋkparpoana e wu a dese abee so na! Fo be benapo lempo kikɛ tɔr kena to. Benapo lempo na kikɛ wu!

1 Kronikɛls 28:2

Ewura Deevid daŋ niŋito nna n yili bumo be anishito nseŋ kaŋɛ bumo le: “Ma basa, men nu nfe. N daa sha kepɔr bɔrɛlambu nɛ ŋkre be deka na beeŋ baa wɔtɔ ndoŋ nna mbaanaayɔ, saŋɛ na so anyeeŋ baa yɔ ndoŋ n ya ka bunyaŋ Enyɛnpe Ebɔrɛ na. N wora asɔ kama nɛ a daga fanɛ an ta m pɔr loŋ be bɔrɛlambu na be shiriya

Nshɛ 132:7

Ndoŋ nna nɛ an kaŋɛ le: Men shin nɛ an yɔ Enyɛnpe Ebɔrɛ na pe n ya gbir mbe aya ase m bunyaŋ mo.

Nshɛ 89:45

Fo shin nɛ e bel katinso nɛ e kraa la kebifɔlbi, nseŋ ta anishinyɔr be piŋi m buu mo nɛ nyɔmɔ pɛ mo.

Nshɛ 99:5

Men baa maŋ Enyɛnpe anyi be Ebɔrɛ na so, nsaa bunyaŋ mo ashi mbe kuwurputi ase. Ŋkpal manɛ so, e du cheembi nna.

Aizaaya 64:11

Edɛ chɔɔ anyi be bɔrɛlambu nɛ k daa walɛ ga nsaa du cheembi nɛ an nanaana daa luri kumo to a bunyaŋ fo na m mur. Anyi be nwu lela nɛ an daa sha ga na kikɛ ki alambure m biti abar so a dese.

Jɛremaya 30:14

Menyi be beshapo kikɛ teŋ menyi be asheŋ so, menyi be asheŋ maŋ naa tir bumo. Ŋ kɔ menyi nna fanɛ edoŋ, nɛ menyi be kasogberge malɛ shi ga n sa menyi ŋkpal menyi be alubi damta nɛ kumu kpakpaso damta so.

Nfabel 1:1

Jerusalɛm be kadegboŋ nɛ basa daŋ bɔlɔ kumo to na e dese fuloŋ naniere na! Kadegboŋ nɛ durnya kikɛ daa nyi kumo be asheŋ nsaa sa kumo bunyaŋ ga na e ki fanɛ ekulpoche na! Kadegboŋ nɛ efuliana kikɛ daa shuŋ a sa na, e ki somaŋji na!

Nfabel 1:12

Esa kama nɛ e bɔla ndoŋ a choŋ baaŋ kaŋɛ mo le: “Keni, chɛ anyi to! Esa kikɛ maŋ naŋ ji awurfoŋ nɛ k fo awurfoŋ nɛ anyee ji ere so. Enyɛnpe Ebɔrɛ na e nya agbo n shin k ba anyi so.

Nfabel 2:17

Kusɔ nɛ Enyɛnpe Ebɔrɛ na kre nseŋ kaŋɛ fanɛ e beeŋ wora na nɛ e wora na. Dra na kikɛ nɛ e kpele anyi kusoe fanɛ e maaŋ wu anyi kuwɔr; e yɛ e beeŋ mur anyi, mo alɛ mur anyi kashenteŋto. E shin nɛ an doŋana pɔɔ anyi so nɛ bumo be ŋgbene fuli, ŋkpal an ka kɔ n tɔr so so.

Nfabel 4:1

Anyi be shuwa nɛ k bee nyɛkpɛ ga na kreŋ so nɛ ajembu nɛ b ta m pɔr bɔrɛlambu na pesaŋ to a dese agbembi so.

Nfabel 4:11

Enyɛnpe Ebɔrɛ ka daŋ nya agbo ga so, e daŋ shin nɛ Jerusalɛm be kadegboŋ na ji edɛ nna m mur cheche.

Ezikɛl 13:13

To, egbal na e la Jerusalɛm be kadegboŋ na. Kusɔ nɛ ma, Enyɛnpetale Ebɔrɛ na kaŋɛ nde: “Meeŋ kaa agbo ga n shin nɛ afugboŋ nɛ bɔrɛgboŋ nɛ abɔrɛjembubi a bure egbal na.

Ezikɛl 19:12

Ama agbo so nɛ n tia kumo n lɛ kasawule. Afu nɛ a shi epeŋilarkpa daŋ shin nɛ k bolo nɛ kumo be asɔrso gbaŋgbaŋ n tɔr; nɛ kumo be ayabi lempo na wɔl nɛ edɛ ji amo.

Ezikɛl 24:21

ŋ kaŋɛ menyi, Israɛl be basa kubɔya ere fanɛ menyee puchi bɔrɛlambu na be eleŋ so na nna. Menyi alɛ nseŋ naa sha kebaa wu kumo nsaa yɔ kumo to, ama Enyɛnpe Ebɔrɛ na bee shin nɛ e jija kumo nna nɛ k maaŋ naaŋ daga keshuŋ Ebɔrɛ kumo to. Menyi be mbia nɛ b wɔ Jerusalɛm to naniere na malɛ beeŋ wu kena to.

Ezikɛl 30:18

Jemanɛ nɛ meeŋ jija Ijipt be eleŋ nɛ baa puchi so nseŋ shin nɛ k ba ekar na, tentembiri beeŋ tɔr kadegboŋ nɛ baa tre Taapanes na so. Kuwɔlpa beeŋ buu Ijipt be efuli na so nɛ b pɛ kumo be ndegboŋ to be basa ŋ ki anya.

Jowɛl 2:2

Loŋ be kachɛ na beeŋ biri to le tuum nseŋ bar kagbenejija damta. Kamɔnchɛ beeŋ ba kaa la kachɛ nɛ kusɔ kama beeŋ biri to nna nɛ bɔrɛwɔlpa e biri n sɔ kaplɛkama. Benapo lempo be katuŋgboŋ na beeŋ salga to n sɔ abee na so. Le be kesheŋ ere maŋ naŋ wora ŋ ku so kikɛ, kumo alɛ maaŋ naŋ wora kikɛ mbaanaayɔ.

Matiu 11:23

Nɛ menyi alɛ Kapɛɛniamebi, menyi daa sha kemaŋ menyi be amu so nna n yɔ ebɔrɛso ŋko? To, baaŋ ta menyi n lɛ n wɔtɔ Setani be edɛ to. Emamachisheŋ nɛ n wora menyi to ere, nɛ n daŋ wora amo Sodɔm to nna, dafanɛ k kraa wɔtɔ hale m ba fo mbre.

Luuk 10:15

Nɛ menyi alɛ Kapɛɛniamebi, menyi daa sha kemaŋ men be amu so nna n yɔ ebɔrɛso ŋko? To, baaŋ ta menyi n lɛ n wɔtɔ Setani be edɛ to.”

Luuk 10:18

Nɛ Yesu kaŋɛ bumo: “N wu Setani ka shi ebɔrɛso n tɔr a ba fanɛ bɔrɛ ka nyɛkpɛ na.

1 Samuɛl 4:21

nseŋ kaŋɛ: “Kebia na be ketre e la Ikabod, kumo be kifito bee ŋini fanɛ, Ebɔrɛ be kemaŋkura maŋ naa wɔ Israɛl so.” Ŋkpal b ka suge ŋkre be deka na nɛ mo shanyɛn nɛ mo kul kikɛ be luwu so nɛ e kaŋɛ loŋ na.

1 Samuɛl 4:22

Ebɔrɛ be kemaŋkura maŋ naa wɔ Israɛl so ŋkpal b ka ta Ebɔrɛ be ŋkre be deka na n yɔ so.