Nfabel 1:4 - EBƆRƐ BE KAWƆL

⁴ Naniere esa kikɛ maŋ naa ba bɔrɛlambu nɛ k yil Zayɔn be kebeegboŋ so na to m ba kaa bunyaŋ Ebɔrɛ nchɛgboŋachɛ. Beche fɔlbi nɛ baa boŋ nshɛ ndoŋ na bee ji awurfoŋ nna, nɛ bɔrɛmatapoana na malɛ bee munto a shu. Kadegboŋ na be mbunagboŋana na ase wora shruum nɛ k wora fanɛ kebɔltofinfin ka pɛ Jerusalɛm na.

Nfabel 1:4 ပူးပေါင်းရင်းမြစ်များ

Aizaaya 3:26

nɛ kadegboŋ na e ka a dese fanɛ eche ka chena kasawule n teŋi aya a shu keeli na. Ŋkpal manɛ so kumo to be basa kikɛ maaŋ naa wɔtɔ.

Jɛremaya 10:22

Men nu nfe! Baru ko bee ba! Kebagato gboŋ ko wɔ efuli ko nɛ k wɔ kelargato be esoso be kaba so a ba. Efuli na be benapo beeŋ shin nɛ Juda be efuli so be ndegboŋ e ki keshishɛrsawule nɛ ejiŋkaamu e baa wɔ kumo so.”

Jɛremaya 14:2

“Juda be efuli so nɛ Jerusalɛm to ebi bee shu ŋkpal kasawule na ka wɔl a dese so.

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Nfabel 1:21

Ekama nu anyi ka bee munto a shu, ama esa kikɛ maŋ wɔtɔ nɛ e lolo anyi. An doŋana nyi etɔrɔ nɛ fo, Enyɛnpe Ebɔrɛ na, bar anyi so, nɛ bumo be ŋgbene fuli bumo ŋkpal loŋ so. Jande, nya manaŋ ŋ gberge bumo kusoe, fanɛ kananɛ fo nase kɔnɔ na.

Nfabel 5:13

B nyaŋ anyi be mbrantiɛfɔlbi nɛ baa kɔr ayu abo so fanɛ anya, nɛ anyi be mbinyɛnsobi malɛ bee sulɔ ndibi gbɛgbɛso a jante.

Nfabel 5:14

Basakpar maŋ naa chena kadegboŋ na be mbunagboŋana na ase a ji asheŋ. Mbifɔlbi malɛ gba maŋ naa boŋ nshɛ.

Hoziya 2:13

Meeŋ gberge mo kusoe ŋkpal e kaa ta nchɛ damta n chɔɔ duwu m bunyaŋ Baal be kegbir so. Ma alɛ beeŋ naŋ gberge mo kusoe ŋkpal e ka teŋ ma so nseŋ ta mbe abitasɔ n wɔtɔ n lar a sha benyɛn so. Ma Enyɛnpe Ebɔrɛ e malga na.

Levitikɔs 26:22

Meeŋ shin nɛ asɔbɔya lubi e luri menyi to m mɔ menyi be mbia nseŋ mur menyi be asɔbɔya. Menyi be basa gbrɛbi ko e naaŋ ka, saŋɛ na so nɛ menyi be agbembi e dese fuloŋ.

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.