Nfabel 1:2 - EBƆRƐ BE KAWƆL

² Kanyɛso kikɛ, kumo to be basa bee shu nna nɛ anishichubi bee pɔ bumo be ŋgbuŋ. Kumo beshapo kikɛ maŋ naa wɔtɔ nɛ b lolo kumo n wushi kumo kagbene. Kumo teriana kikɛ lar kumo kaman nseŋ debɔr kumo, naniere b ki kumo be bedoŋ nna.

Nfabel 1:2 ပူးပေါင်းရင်းမြစ်များ

Job be kawɔl 6:15

Ama menyi nɛ men la n nekpaana ere bee fule ma nna nsaa du fanɛ mbombi nɛ bɔrɛ baŋ yili gbrɛbi kikɛ nɛ e wɔlto na. M maaŋ tiŋ n ta ma egbɛ n lɛ menyi so.

Job be kawɔl 7:3

Ebɔrɛ shin nɛ ma nchɛ maŋ naa kɔ tɔnɔ n sa ma nɛ kanyɛso bar ma keboltofinfiŋ damta.

Nshɛ 126:5

Shin nɛ bekama nɛ baa gben a du asɔduu so na, e teŋi amo nɛ kagbenefuli nseŋ ji eyur.

Nshɛ 31:11

N doŋana nɛ ma bechenashapo kikɛ bee keni ma jiga nna. Ŋ ki kusɔ ŋana so n teriana kutɔ, nɛ baa wu ma nsaa shile.

Nshɛ 6:6

Kebɔltofinfin e naa mɔ ma. Kanyɛso kikɛ, ma anishichubi bee pɔ ma gedo nɛ kaputi nna.

Nshɛ 69:21

Baa ta kɔrtɔ nna a wɔtɔ ma ajibi to nsaa sa ma nsa nyaŋnyaŋso fanɛ nchu nuuso.

Aŋasa 19:7

Etirpo maŋ kɔ eniopibi, a bishi eteri. Kanaŋ kamaso nɛ e pere kenishi a sha bumo baa shile nna a ka mo.

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 2:25

Israɛl be basa, men yige kebaaju a buu agbirana so nɛ menyi be asɛbta e sa maŋ ji n loge ŋ ka menyi be aya fuloŋ, ŋko nɛ menyi be ebɔl to e sa maŋ wɔl to. Ama le nɛ men kaŋɛ: ‘Ayai, anyi maaŋ tiŋ n yige amo be kebaa shil a bɛ so. Anyee sha agbir pɔtɛana na nna ga, amoso nɛ anyee shuŋ amo kenishipereso na.’ ”

Jɛremaya 3:1

Nɛ Enyɛnpe Ebɔrɛ kaŋɛ Israɛl be basa na le: “Nɛ enyɛn baaŋ kini mbe eche nɛ eche na ya kil enyɛn pɔtɛ, loŋ be eche na maaŋ naŋ tiŋ m bɛta n yɔ mo kul dra na kutɔ. Nɛ e wora loŋ kasawule na beeŋ wora eyurpi daŋkare be ekpa so. Ama menyi Israɛl be basa kɔ agbir damta nɛ e chɔ sakaleche be benyɛnana gba. Nɛ manɛ so nɛ ma ere beeŋ naŋ sɔ menyi?

Jɛremaya 30:14

Menyi be beshapo kikɛ teŋ menyi be asheŋ so, menyi be asheŋ maŋ naa tir bumo. Ŋ kɔ menyi nna fanɛ edoŋ, nɛ menyi be kasogberge malɛ shi ga n sa menyi ŋkpal menyi be alubi damta nɛ kumu kpakpaso damta so.

Jɛremaya 4:30

Jerusalɛmebi, menyi be kasawule mur cheche nna na. Ama men kraa wora asheŋ nna a fin fanɛ men doŋana e baa sha menyi; fanɛ kananɛ sakaleche bee ji kebita a fin beshapo na. Ama kumo alɛ maŋ chɛ menyi to kikɛ, ŋkpal manɛ so menyi be beshapo na bee fin menyi nɛ b mɔ nna.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Nfabel 1:19

An kela n tre basa nɛ anyi nɛ bumo kre fanɛ anyeeŋ baa chɛ abar to kena be jemanɛ, ama b kini keba chɛ anyi to. Bɔrɛmatapoana na nɛ bejuŋkparpoana na daŋ fin ajibi nɛ b ji kadegboŋ na to ŋ gben nseŋ wu n dese agbembi so.

Nfabel 1:21

Ekama nu anyi ka bee munto a shu, ama esa kikɛ maŋ wɔtɔ nɛ e lolo anyi. An doŋana nyi etɔrɔ nɛ fo, Enyɛnpe Ebɔrɛ na, bar anyi so, nɛ bumo be ŋgbene fuli bumo ŋkpal loŋ so. Jande, nya manaŋ ŋ gberge bumo kusoe, fanɛ kananɛ fo nase kɔnɔ na.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Nfabel 2:11

M baŋ shu nna m pere anishi hale nɛ ma epun to bee besa. Ma basa ka mur na shin nɛ ma kagbene jija ma hale nɛ m bɛlɛ. Mbi wurbi nɛ mbi popɔrbi kikɛ kreŋ a dese agbembi so ŋkpal esa kikɛ ka maŋ wɔtɔ nɛ e keni bumo so ashi kadegboŋ na to so.

Ezikɛl 16:37

meeŋ gama fo jipoana nɛ fee sha nɛ bumo nɛ fo kishi kikɛ abar so. Nseŋ shin nɛ b yili ŋ kulti fo nɛ n delge fo so bumo kikɛ be anishito nɛ b wu fo kayurkpaŋ.

Hoziya 2:7

E beeŋ shile m bɛ mo jipoana so, ama mo alɛ maaŋ naŋ nya bumo. E beeŋ fin bumo, ama mo alɛ maaŋ wu bumo. Saŋɛ na so nɛ e kaŋɛ le: Meeŋ bɛta n yɔ ma kul dra kutɔ ŋkpal manɛ so ndoŋ be kebaawɔtɔ bɔ kakpa nɛ n wɔ naniere.

Maika 7:5

Sa maŋ kaŋ yirda fo echenashapo ŋko fo teri kikɛ. Baa de kusɔ nɛ fee kaŋɛ fo eche gba so.

Kelaraŋŋini 17:13

Bumo basa kudu na kikɛ kɔ nfɛra koŋwule nna a kɔ bumo be eleŋ nɛ ekpa nɛ b kɔ kikɛ a sa kusɔbɔya na.

Kelaraŋŋini 17:16

Kusɔbɔya na nɛ alambɛ kudu mo nɛ fo wu na beeŋ kishi sakaleche na. Baaŋ sɔ kusɔ kama nɛ e kɔ ŋ ka mo eyurkpaŋ n yili. Baaŋ we mo nseŋ ta edɛ m mur mo.