Nfabel 1:18 - EBƆRƐ BE KAWƆL

¹⁸ Enyɛnpe Ebɔrɛ na kɔ ekpa nɛ e wora loŋ, ŋkpal manɛ so, anyi maŋ wora mo kasonu nna. Kaplɛkama be basa, men nu nfe. Men keni ebesa nɛ anyee ji. An doŋana pɛ anyi be mbifɔlbi nna n yɔ kenyaya to ashi efuli wɔfɔ so.

Nfabel 1:18 ပူးပေါင်းရင်းမြစ်များ

1 Bewura 13:21

fanɛ e kaŋɛ Juda be anebi na le: “Enyɛnpe Ebɔrɛ yɛ, fo maŋ wora mo kasonu, nseŋ kini kusɔ nɛ e kaŋɛ fanɛ fo wora na.

Ɛzra 9:13

Kusogberge nɛ k ba anyi so ŋkpal anyi be alubi so ere kikɛ be kaman, an wu fanɛ fo, anyi be Ebɔrɛ na, kraŋ shu anyi so nna. Ŋkpal manɛ so, mannɛ kasogberge nɛ k daga anyi nɛ fo sa anyi na. Fo kraŋ shin nɛ anyi to be beko kraa wɔ ŋkpa to.

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Nehemaya 9:33

Fo kɔ ekpa nɛ fo tɔrɔ anyi ŋkpal fo kashenteŋ so, ama fo yige alubi nɛ an wora ere kikɛ m paŋ anyi.

Nshɛ 107:11

ŋkpal men ka daŋ kini Enyɛnpetale Ebɔrɛ na n lɛ, nseŋ kplaŋ mbe kasotoji so na so.

Nshɛ 119:137

O Enyɛnpe Ebɔrɛ, fo niŋi nna nɛ fo mbraana malɛ bɔla ekpa.

Nshɛ 119:75

Enyɛnpe Ebɔrɛ, n nyi fanɛ fo mbra niŋi nna; fo ekpa so nɛ fo gberge ma kusoe.

Nshɛ 145:17

Enyɛnpe Ebɔrɛ na be kesheŋ wora kikɛ niŋi nna, mo alɛ kɔ kasha nna n sa mbe asɔ to so kikɛ.

Ɛksodɔs 9:27

Ndoŋ nna nɛ Fɛɛro naŋ shuŋi n tre Mosis nɛ Ɛɛrɔn m ba kaŋɛ bumo le: “Kede bre to, m pin fanɛ n wora kulubi. Enyɛnpe Ebɔrɛ na e kɔ akpa. Ma nɛ ma basa kikɛ wora alubi.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Jɛremaya 32:23

Ama b ka ba kasawule ere so m ba sɔ kumo ŋ ki bumo peya na be kaman, b maŋ wora fo kasonu ŋko m bɛ fo mbra so. Kusɔ kama nɛ fo yili bumo fanɛ b wora na b maŋ wora kumo. Amoso nɛ fo shin nɛ kemur ere ba bumo so na.

Jɛremaya 4:17

nsaa ba nɛ b ba kulti Jerusalɛm ŋ kɔ kumo kena. Ŋkpal manɛ so, basa na kini Enyɛnpe Ebɔrɛ na nseŋ lar mbe kaman. Ma, Enyɛnpe Ebɔrɛ e kaŋɛ na.”

Jɛremaya 49:12

Efuliana nɛ bumo be basa maŋ daga kasogberge gba ka beeŋ nuu ma agbo be kawiebi to, manɛ nna nɛ menyi ere maaŋ nya kasogberge? Menyi alɛ gba beeŋ nuu kawiebi na to.

Nfabel 1:12

Esa kama nɛ e bɔla ndoŋ a choŋ baaŋ kaŋɛ mo le: “Keni, chɛ anyi to! Esa kikɛ maŋ naŋ ji awurfoŋ nɛ k fo awurfoŋ nɛ anyee ji ere so. Enyɛnpe Ebɔrɛ na e nya agbo n shin k ba anyi so.

Nfabel 3:42

An lar fo kaman n wora alubi!

Nfabel 5:16

Asɔ nɛ an daa puchi so na be kekama maŋ naa wɔtɔ. Ŋkpal anyi ka wora alubi so, asheŋ maa nyalɛ a sa anyi.

Danɛl 9:5

an wora alubi nsaa kɔ alubi ashi anyi be ŋgbene to. An wora amu kpakpaso n ya baŋ so nseŋ kini kebɛ fo mbra nɛ fo keŋini so.

Danɛl 9:7

Kusɔ nɛ k walɛ nɛ fo ere Enyɛnpe Ebɔrɛ bee wora saŋkikɛ. Ama anishinyɔr nɛ anyi ere bee kil a sa anyi be amu. Anyi bekama nɛ an wɔ Judiya be kasawule so nɛ Jerusalɛm to nɛ bekama nɛ fo shin nɛ b pesaŋ to n yɔ efuli wɔfɔana nɛ amo nɛ a taga to kikɛ so wora alubi ŋkpal an ka daa maa ji kashenteŋ a sa fo so na.

Eemɔs 8:13

Kumo be kamɔnchɛ na achukoŋ beeŋ pɛ menyi be mbrantiɛfɔlbi nɛ menyi be besuŋgurbi nɛ b kɔ eleŋ ga na nɛ b tɔr ŋ kreŋ.

Zefanaiya 3:5

Ama Enyɛnpe Ebɔrɛ kraa wɔ kadegboŋ na to a wora kusɔ nɛ k daga, nsaa ji asheŋ nɛ amo be ekpa so karechɛ kikɛ. Basa nɛ b maŋ niŋi na bre maa ŋana anishinyɔr nsaa wɔtɔ a wora alubi saŋkama.

Zakareya 1:6

N daŋ bɔla anebiana nɛ b la ma nyɛrbi na so nna n sa men nanaana ma mbraana nɛ kefiɛso be mmalga, ama b daa maŋ tuge ma, nɛ kumo be kasogberge ba bumo so. Kumo be kaman nɛ b chɛrga bumo be nfɛra nseŋ shuli so fanɛ ma, Enyɛnpetale Ebɔrɛ na e sa bumo kasogberge nɛ k daga bumo, fanɛ kananɛ ŋ kre kumo na.”

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Demujipoana 1:7

Ndoŋ nna nɛ Adoni Bɛzɛk kaŋɛ: “Bewura adushunu nɛ n shin nɛ b ku bumo be ashilbinioana nɛ bumo be anashibinioana so nseŋ shin nɛ baa tise ma ejikpa be ejiŋka a ji. Kusɔ nɛ n wora bumo na be kukɔ nɛ Ebɔrɛ bee ka ma na.” Nɛ b ta mo n yɔ Jerusalɛm nɛ e ya wu ndoŋ.

1 Samuɛl 15:23

Kekini kenu n sa Enyɛnpe Ebɔrɛ du fanɛ kegbaya nna. Nɛ kamoowu malɛ du fanɛ kagbirshuŋ. Ŋkpal fo ka kini kenu n sa Enyɛnpe Ebɔrɛ na so, mo alɛ gba kini fo fanɛ ewura.”