Nfabel 1:17 - EBƆRƐ BE KAWƆL

¹⁷ An teŋi anyi be enɔana to nna a fin kechɛto, ama esa kikɛ maŋ chɛ anyi to. Enyɛnpe Ebɔrɛ na tre efuliana nɛ a kulti anyi na nna nɛ b ba kɔ anyi kena kaba kama so. Baa keni anyi nna fanɛ basa jiga.

Nfabel 1:17 ပူးပေါင်းရင်းမြစ်များ

1 Bewura 8:22

Ndoŋ nna nɛ ewura Sɔlɔmɔn yili bɔrɛsure na be anishito Israɛlebi na kikɛ be anishito m maŋ mbe enɔana so ŋ kule Ebɔrɛ le:

1 Bewura 8:38

kumo ere fo nu bumo be kekule. Nɛ fo basa Israɛlebi baŋ ta kagbenejija n teŋi bumo be enɔana kabɔrɛkule to n shoŋi bɔrɛlambu ere,

2 Bewura 25:1

Zɛdikaya ka ji Juda be efuli so be kuwura be kafɛ kpanusopo to be kufɔl kudusopo be kachɛ kudusopo to nɛ Babilɔn be ewura, Nebukadneeza nɛ mbe benapo kikɛ ba nɛ b ba kɔ Jerusalɛm kena. B daŋ ba wora bumo be keeyi to nna m mata kade na nseŋ pugi ŋ kulti Jerusalɛm be kadegboŋ na kikɛ n wɔtɔ nsaa gbare shishɛr a deŋi abar so a mata kumo be egbal na nɛ b dii so n luri to.

Kaŋinichiŋgeliŋ 4:1

Ade kikɛ be kaman nɛ n naŋ keni n wu fanɛ keji asheŋ nɛ amo be ekpa so maŋ naa wɔ durnya to. Basa nɛ b wɔ kamɛaŋ to na bee shu anishichubi nɛ esa kama maa chɛ bumo to, ŋkpal basa nɛ baa mɛaŋ bumo na ka kɔ eleŋ a chɔ bumo so.

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

Aizaaya 54:11

Enyɛnpe Ebɔrɛ na yɛ: “O Jerusalɛm be kadegboŋ nɛ fee ji awurfoŋ nsaa maa kɔ echɛtopo, nɛ esa nɛ e bee lolo fo; meeŋ ta yawu kpakpaso be ajembu lela n tɔl fo gbaltɔlase.

Jɛremaya 12:9

Ma basa laraso ki fanɛ kabuibi nɛ e bee ji eblaŋ nɛ kumo braana ba kulti kumo n wɔtɔ nseŋ mɔ kumo a ji nna. Tre kupuŋ to be asɔbɔya lubi nɛ amo alɛ gba e ba ti so n ji kumo m moɛ.

Jɛremaya 15:5

Kumo be kaman nɛ Enyɛnpe Ebɔrɛ na naŋ kaŋɛ le: “Wanɛ e naŋ shu menyi Jerusalɛm to be basa so, nɛ mbe kagbene e jija mo ga ŋkpal menyi so? Wanɛ e naŋ yige kusɔ nɛ e bee wora nseŋ bishi menyi so fanɛ nuso nɛ asheŋ du?

Jɛremaya 16:6

Betirpo nɛ damawuraana kikɛ beeŋ wu kasawule ere so, nɛ esa kikɛ maaŋ shu bumo be nli ŋko m puli bumo gba kuraa. Menyi to be ekama maaŋ ku mbe eyur ŋko n she mbe emin a ŋini fanɛ mbe kagbene jija mo ŋkpal esa ko ka wu so.

Jɛremaya 34:22

Meeŋ kaŋɛ bumo nɛ b bɛta m ba kadegboŋ ere to m ba kɔ n sɔ nseŋ chɔɔ kumo n lɛ. Meeŋ shin nɛ Juda be ndeana e ki fanɛ keshishɛrsawule nɛ esa kama maŋ wɔ amo to. Ma, Enyɛnpe Ebɔrɛ e kaŋɛ na.”

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Jɛremaya 6:3

Bewura beeŋ ba yuu bumo be ewajɛbu n chena ŋ kulti kumo be kaplɛkama nɛ baa sha.

Jɛremaya 8:18

Ma kagbene jija ma ga nɛ k bee wora ma fanɛ tama kikɛ maŋ naa wɔtɔ n sa ma basa.

Nfabel 1:16

Amoso nɛ anyee shu anishichubi ga na. Esa kikɛ maaŋ tiŋ n lolo anyi n ti anyi kagbene, esa kikɛ malɛ maaŋ tiŋ n leŋ anyi to nɛ an naŋ nya kenyɛn. Ŋkpal manɛ so, an doŋana pɔɔ anyi so nɛ anyi maŋ naa kɔ shɛŋ kebaawɔtɔ to.

Nfabel 1:19

An kela n tre basa nɛ anyi nɛ bumo kre fanɛ anyeeŋ baa chɛ abar to kena be jemanɛ, ama b kini keba chɛ anyi to. Bɔrɛmatapoana na nɛ bejuŋkparpoana na daŋ fin ajibi nɛ b ji kadegboŋ na to ŋ gben nseŋ wu n dese agbembi so.

Nfabel 1:2

Kanyɛso kikɛ, kumo to be basa bee shu nna nɛ anishichubi bee pɔ bumo be ŋgbuŋ. Kumo beshapo kikɛ maŋ naa wɔtɔ nɛ b lolo kumo n wushi kumo kagbene. Kumo teriana kikɛ lar kumo kaman nseŋ debɔr kumo, naniere b ki kumo be bedoŋ nna.

Nfabel 1:21

Ekama nu anyi ka bee munto a shu, ama esa kikɛ maŋ wɔtɔ nɛ e lolo anyi. An doŋana nyi etɔrɔ nɛ fo, Enyɛnpe Ebɔrɛ na, bar anyi so, nɛ bumo be ŋgbene fuli bumo ŋkpal loŋ so. Jande, nya manaŋ ŋ gberge bumo kusoe, fanɛ kananɛ fo nase kɔnɔ na.

Nfabel 1:8

Jerusalɛm to be asheŋ lubi so, k ki kadegboŋ nɛ ekama bee keni jiga nna. Basa kama nɛ b daa sha kumo nsaa keni kumo a bɔlɔ kenishi, kikɛ kishi kumo be asheŋ naniere nna. Jerusalɛm be basa gbagba be asheŋ woraso shin nɛ k wora eyurpi daŋkare be ekpa so nna.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Nfabel 4:15

Kusɔ nɛ basa bee kaŋɛ bumo nde: “Men shile anyi so! Men wora eyurpi nna. Men sa maŋ beta anyi ere!” Ŋkpal loŋ so efuli kama so nɛ b yɔ, ndoŋebi gba bee kini bumo nna.

Ezikɛl 36:17

“Dimɛdi pibi, Israɛlebi na ka daa wɔ bumo be kasawule so na, b daŋ bɔla bumo be kebaawɔtɔ nɛ asheŋ woraso so nna n jija kumo. Kananɛ eche nɛ e bee lar ntamaŋ maŋ walɛ so daŋkare be ekpa so na, nɛ bumo be kebaawɔtɔ na daa du n sa ma.

Hoziya 8:8

Israɛlebi gba ki fanɛ efuli pɔtɛana so ebi nna a shuŋ agbir. Amoso b maŋ kɔ tɔnɔ n sa ma fanɛ kapuliya bureso na.