Nfabel 1:1 - EBƆRƐ BE KAWƆL

¹ Jerusalɛm be kadegboŋ nɛ basa daŋ bɔlɔ kumo to na e dese fuloŋ naniere na! Kadegboŋ nɛ durnya kikɛ daa nyi kumo be asheŋ nsaa sa kumo bunyaŋ ga na e ki fanɛ ekulpoche na! Kadegboŋ nɛ efuliana kikɛ daa shuŋ a sa na, e ki somaŋji na!

Nfabel 1:1 ပူးပေါင်းရင်းမြစ်များ

1 Bewura 4:21

Ewura Sɔlɔmɔn be efuli daŋ yili Yufreetes be Lɔr na ase ashi epeŋilarkpa be kaba so nna n ya fo Filisti be efuli ashi epeŋitɔrkpa, ŋ keta loŋ n ya gbuŋ Ijipt be kasawule. Loŋ be efuli na so be basa daa ka lampo nna a sa mo nsaa shuŋ mo hale nɛ e ba wu.

2 Bewura 23:33

Ijipt be efuli so be ewura Neeko daŋ pɛ Jehowahaz nna n ya ti ebu ashi Ribla nɛ k mata Hamaf na nseŋ tintiŋ Judaebi nɛ b ka gbiti kilo ŋgboŋ asa nɛ alfa ana nɛ shuwa kilo adesa nɛ ana n sa mo.

2 Bewura 23:35

Ewura Jehowakim daŋ tintiŋ Judaebi na nna nɛ b ka lampo kananɛ ekama be eleŋ sa, saŋɛ na so e beeŋ tiŋ ŋ ka Ijipt be ewura Neeko be shuwa nɛ gbiti be kukɔ n sa mo.

2 Kronikɛls 9:26

Mo e daa ji bewura nɛ b wɔ Lɔrgboŋ nɛ baa tre Yufreetes na ashi kelargato be esoso n ya fo Filistiebi be efuli so ashi kelargato be kaseto n ta n ya fo Ijiptebi be kasawule be egbaŋ to kikɛ so eleŋ.

Ɛzra 4:20

Bewura nɛ b daŋ ji eleŋ ga daŋ chena Jerusalɛm to nseŋ daŋ ji kuwura basa nɛ b daa tase Yufreetes be epeŋitɔrkpa be kasawule so, bumo alɛ daa tu bumo a sɔ elampo nɛ atoto nna.

Nehemaya 5:4

Kumo be kaman nɛ beko malɛ kaŋɛ le: “An paŋ amansherbi nna pɔɛŋ nseŋ tiŋ ŋ ka anyi be adɔsawule nɛ ndibi sɔrso be akɔ n sa ewura.

Nehemaya 9:37

Kasawule na malɛ be asɔrso lela kikɛ ki bewura nɛ fo lara fanɛ b baa ji kuwura anyi so ŋkpal anyi be alubi so na peya nna; bumo alɛ naa ji eleŋ anyi nɛ anyi be asɔbɔya so, ŋkpal loŋ so an wɔ kagbenejija to nna.”

Nshɛ 122:4

K la kakpa nɛ Israɛl be eyiriana na bee wora Enyɛnpe Ebɔrɛ kasonu nna, nsaa ba ndoŋ m baa kaa di mo epaŋ.

Aizaaya 14:12

Fo Babilɔn be efuli so be ewura nɛ fo du fanɛ kachipurso be kechɛkpabi na, shi ebɔrɛso n tɔr to kasawule so! Jemanɛ nɛ k choŋ na fo daŋ kɔ m pɔɔ efuliana so nna, ama naniere fo alɛ gba nɛ b kɔ m pɔɔ so na.

Aizaaya 22:2

Awɔr e sɔ kadegboŋ na kikɛ to nɛ basa bee ji a nuu nsaa boŋ nshɛ a cha kaplɛkama. Menyi be basa nɛ b wu kena ere to ere be ekama maa kɔ kena nna nseŋ wu.

Aizaaya 3:26

nɛ kadegboŋ na e ka a dese fanɛ eche ka chena kasawule n teŋi aya a shu keeli na. Ŋkpal manɛ so kumo to be basa kikɛ maaŋ naa wɔtɔ.

Aizaaya 49:21

Ndoŋ nna nɛ fo alɛ e kaŋɛ fo kumu le: ‘Wanɛ e kurge mbia ere kikɛ n sa ma? N daŋ paŋ ma mbia nna nsaa maaŋ naŋ tiŋ ŋ kurge ebi. B daŋ pɛ ma kenya nna n yɔ efuli pɔtɛ so; wanɛ e bela mbia ere nɛ b daŋ? N nawule e daŋ ka a wɔtɔ; nnɛ nɛ mbia ere shi m ba?’ ”

Aizaaya 50:5

Enyɛnpe Ebɔrɛ na e shin nɛ m pin asheŋ to a maŋ lar mo kaman ŋko n shile mo na.

Aizaaya 52:2

Jerusalɛm to ebi, men lar menyi be asheŋ lubi to! Men lar men be asheŋ lubi nɛ a du fanɛ efɔl ŋkre menyi be ebɔ to na to.

Aizaaya 52:7

K la mamachi be kesheŋ nna fanɛ esa ka beeŋ wu kabɔ ka ta kagbenewushi be baru n shi abee so a gbelge to a ba nɛ e ba sa basa. Kekɔmpɔɔso be kebomboŋ nɛ e bee ber a sa Jerusalɛm to ebi a kaŋɛ le: “Menyi be Ebɔrɛ e la Ewura!”

Aizaaya 54:4

Men sa maa ŋana kufu ŋko anishinyɔr. Menyi alɛ e sa maŋ pɔ aba kikɛ. Men teŋ menyi be kebifɔlbi to be asheŋ lubi na so. Men sa maŋ shin nɛ menyi be kebaawɔtɔ nɛ k du fanɛ ekulpoche be kebaawɔtɔ na e baa keta menyi nyɔmɔ.

Jɛremaya 31:7

Kede be kaman, nɛ Enyɛnpe Ebɔrɛ na naŋ kaŋɛ le: “Men boŋ kagbenefuli be nshɛ n sa Israɛl be efuli, nɛ k la efuligboŋ ashi efuliana na kikɛ to na. Men boŋ nshɛ ŋ kpaŋ ma ŋ kaŋɛ le: ‘Enyɛnpe Ebɔrɛ na mɔlga mbe basa; mo e kɔ n sɔ bekama nɛ b ka na.’

Jɛremaya 40:9

Ndoŋ nna nɛ Gɛdaliya kaŋɛ bumo le: “Ma e kaŋɛ menyi na fanɛ a maŋ daga fanɛ men tɔr kapɔŋ n sa Babilɔnebi na. Menyeeŋ tiŋ n chena nfe nsaa shuŋ Babilɔn be ewura nɛ asheŋ e nite nɛnɛ n sa menyi.

Jɛremaya 42:2

m ba kaŋɛ ma le: “Jande, wora kusɔ nɛ anyee kule fo ere n sa anyi. Kule Enyɛnpe, anyi be Ebɔrɛ na n sa anyi kikɛ nɛ an ji efute nsaa wɔ ŋkpa to ere. Jemanɛ nɛ k choŋ na an daa shi nna, ama fo gbagba beeŋ tiŋ n wu fanɛ naniere anyi basa gbrɛbi e ka.

Jɛremaya 44:2

Kusɔ nɛ Enyɛnpetale, Israɛl be Ebɔrɛ na kaŋɛ nde: “Menyi gbagba wu kemur nɛ n shin nɛ k ba Jerusalɛm nɛ Juda be efuli so be ndegboŋana na kikɛ so. Hale nɛ mbre a kraa dese fuloŋ nɛ esa kikɛ maŋ wɔ amo to,

Jɛremaya 44:6

Amoso nɛ n chulgi ma agbogboŋ n wurge Juda be ndeana nɛ Jerusalɛm be agbembi so nseŋ puga edɛ n lɛ amo so na. A daŋ ba dese fuloŋ nna nseŋ ki mboŋ nɛ amo be asheŋ bee chinchiŋ basa nsaa keta kufu hale nɛ mbre.

Jɛremaya 50:23

Babilɔn daa du fanɛ hama nna nseŋ daŋ bɛa durnya kikɛ to kpachɛrkpachɛrbi, ama loŋ be hama na gba e bɛa to kpachɛrkpachɛrbi na! Kusɔ nɛ k wora na daŋ chinchiŋ efuliana na be basa n shin nɛ bumo be nnɔ bumo.

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Nfabel 1:19

An kela n tre basa nɛ anyi nɛ bumo kre fanɛ anyeeŋ baa chɛ abar to kena be jemanɛ, ama b kini keba chɛ anyi to. Bɔrɛmatapoana na nɛ bejuŋkparpoana na daŋ fin ajibi nɛ b ji kadegboŋ na to ŋ gben nseŋ wu n dese agbembi so.

Nfabel 2:1

Enyɛnpe Ebɔrɛ na daŋ nya agbo nna n shin nɛ Zayɔn be kebee nɛ k wɔ Jerusalɛm to na paŋ kumo be kemaŋkuragboŋ kikɛ. Kumo e daa la kakpa nɛ Israɛlebi daa puchi so nseŋ naa la kakpa nɛ mo gbagba be bɔrɛlambu wɔ. Ama kachɛ nɛ e nya agbo na, e daŋ bure kumo nna n lɛ kasawule.

Nfabel 2:10

Jerusalɛm be benimuana na daŋ buu nli be asɔbuuso a tase kasawule a maŋ naa kɔ shɛŋ nɛ b kaŋɛ abar, nseŋ wora eshishɛr ŋ gbiti bumo be amu to a ŋini bumo be kagbenejija nna. Nɛ bechefɔlbi na malɛ chena ŋ kurgi amu n yuu to a keni kasawule.

Nfabel 4:1

Anyi be shuwa nɛ k bee nyɛkpɛ ga na kreŋ so nɛ ajembu nɛ b ta m pɔr bɔrɛlambu na pesaŋ to a dese agbembi so.

Nfabel 5:16

Asɔ nɛ an daa puchi so na be kekama maŋ naa wɔtɔ. Ŋkpal anyi ka wora alubi so, asheŋ maa nyalɛ a sa anyi.

Ezikɛl 26:16

Saŋɛ na so nɛ bekama nɛ baa ji kuwura efuliana nɛ a chena m mata teku ase na e gbelge bumo be nwurputi so. Kumo be kaman nɛ b gbaŋ bumo be bewura be epiŋiana nɛ bumo be asɔbuuso nɛ b jɔɔ amo na kikɛ nseŋ chena kasawule a chicha. Ŋkpal kusɔ nɛ k beeŋ tu menyi na so, kufu beeŋ pɛ bumo ga hale nɛ b maŋ tiŋ n yige kebaachicha.

Ezikɛl 26:2

“Dimɛdi pibi, Ezikɛl, kadegboŋ nɛ baa tre Tayɛ na be basa daŋ ji eyur nna nseŋ boŋ kashɛ ere ŋkpal Jerusalɛm ka daŋ kɔ n tɔr so: ‘Jerusalɛm bure n tɔr! Nɛ kumo be yawu be keji be eleŋ loge! Amoso k maaŋ naa kɔ anyi kukɔrkɔ ŋkpal yawu be keji so!’

Ezikɛl 5:5

Kumo be kaman nɛ Enyɛnpe Ebɔrɛ na naŋ kaŋɛ: “Jerusalɛm nɛ n ta n yili durnya kikɛ be nferinto nɛ efuliana kulti kumo ŋ wɔtɔ a keni kumo a yɛlga nna na.

Levitikɔs 26:31

Meeŋ shin nɛ menyi be ndegboŋana e ki alambure nɛ m mur mboŋ nɛ menyee shuŋ agbirana na. Menyi be esarga be efɛa maaŋ naa par ma.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Zefanaiya 2:15

Kusɔ nɛ k beeŋ wora kadegboŋ nɛ baa ji njɔŋ kumo to nsaa puchi kumo be eleŋ so, a fɛ fanɛ shɛŋ shɛŋ maaŋ tiŋ n wora kumo na nna na. Kumo be basa bee fɛ nna fanɛ kadegboŋ kikɛ maŋ naŋ fo kumo so ashi durnya ere to. K beeŋ ki kade bureso, kakpa nɛ kupuŋ to be asɔbɔya kikɛ beeŋ baa dese nɛ ekama e baa choŋ a wu kumo nsaa pɛ kɔnɔ a kooba.

Kelaraŋŋini 18:7

Men sa mo tɔrɔ nɛ kagbenejija ga nɛ a fo fanɛ kananɛ e daŋ sa mbe kumu kemaŋkura nɛ dama na, ŋkpal manɛ so, le nɛ e wɔtɔ a kaŋɛ mbe kumu: ‘Ewurche e la ma nɛ n tase. M maŋ la ekulpoche, kagbenejija maaŋ tu ma kikɛ.’