Nehemaya 9:6 - EBƆRƐ BE KAWƆL

⁶ Ndoŋ nna nɛ basa na kule Ebɔrɛ ŋ kaŋɛ: “Fo nawule e la Enyɛnpe anyi be Ebɔrɛ na. Fo e to ebɔrɛso nɛ achɛkpabi kikɛ, Fo e to kasawule nɛ asɔ nɛ e wɔ kumo so kikɛ. Fo e to teku nɛ kumo to be asɔ keniso kikɛ Ŋkpa kikɛ shi fo kutɔ nna, nɛ achɛkpabi nɛ a wɔ awɔlpa to kikɛ bee fur fo a kpaŋ fo.

Nehemaya 9:6 ပူးပေါင်းရင်းမြစ်များ

Jɛnesis 1:1

Durnya be sososo na, esoso nɛ kasawule nɛ Ebɔrɛ to.

Jɛnesis 1:9

Kachɛ nyɔsopo na be kaman nɛ Ebɔrɛ naŋ kaŋɛ: “Shin nɛ nchu nɛ a wɔ awɔlpa be kaseto na e gama abar so kaboŋ koŋwule n shin nɛ kasawule malɛ e di efuli.” Nɛ loŋ wora.

Jɛnesis 2:1

To, kananɛ Ebɔrɛ daŋ to esoso nɛ kasawule nɛ kusɔ kama, kebɛso kebɛso loŋ n ya loge nyam nna na.

Jɛnesis 32:2

Jeekɔb ka wu bumo nɛ e kaŋɛ: “Ebɔrɛ be benapo be echenakpa nde.” Kumo be kaman nɛ e nase kaboŋ na Mahanayim.

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

1 Bewura 8:27

Ebɔrɛ beeŋ tiŋ a wɔ edimɛdi to durnya ere to a? Esoso kikɛ gba maaŋ tiŋ n sɔ fo. Nɛ nuso nɛ bɔrɛlambu nɛ m pɔr ere bre beeŋ tiŋ n sɔ fo?

2 Bewura 19:15

nseŋ kule Ebɔrɛ ŋ kaŋɛ le: “Enyɛnpetale nɛ fo la Israɛl be Ebɔrɛ, fo e chena fo kuwurputi so awɔlto nɛ asɔkeniso nɛ a du fanɛ emalaika nɛ baa tre amo Chɛrubim na wɔ fo aya ase. Fo nawule e la Ebɔrɛ. Fo e to esoso nɛ kasawule nsaa ji kuwura durnya kikɛ so.

2 Bewura 19:19

Ama fo Enyɛnpe e la anyi be Ebɔrɛ! Anyee kule fo nna nɛ fo mɔlga anyi ashi Asiriya be ewura be enɔ to, saŋɛ na so ekama nɛ e wɔ durnya to be efuli kama so beeŋ pin fanɛ fo nawule e la Ebɔrɛ.”

Nehemaya 9:5

Ndoŋ nna nɛ Joshuwa nɛ Kadmiɛl nɛ Bani nɛ Hashabnaya nɛ Sherebia nɛ Hodia nɛ Shebania nɛ Petahiya nɛ b shi Livai be yiri to na kaŋɛ basa le: “Men koso n yili nseŋ boŋ to m maŋkura Enyɛnpe menyi be Ebɔrɛ nɛ e wɔ ŋkpa to mbaanaayɔ na. Men maŋkura mbe mamachi be Ketre na, E shi ga nɛ kɔnɔ to be mmalga maaŋ tiŋ n ji mbe asheŋ.”

Nshɛ 102:25

Sososo na kikɛ nɛ fo to durnya n yili kumo be gbaltɔlase so. Fo gbagba be enɔ nɛ fo ta n to ebɔrɛso gba.

Nshɛ 103:21

Menyi ebɔrɛso be apɔrso nɛ menyee shuŋ a sa Ebɔrɛ nsaa wora mo kasonu na kikɛ e baa kpaŋ Enyɛnpe Ebɔrɛ!

Nshɛ 115:15

Enyɛnpe Ebɔrɛ nɛ e to esoso nɛ kasawule na e nɛfa menyi!

Nshɛ 124:8

Anyi be kechɛto bee shi Enyɛnpe Ebɔrɛ nɛ e to esoso nɛ kasawule na kutɔ nna.

Nshɛ 146:6

Ebɔrɛ e to esoso nɛ kasawule; mo e to teku nɛ kumo to be asɔ kikɛ nyam. Jemanɛ kikɛ e bee wora a bɔlɔ mbe nnɔ naseso so nna.

Nshɛ 24:10

Wanɛ e la ewura nɛ kemankura kulti ere? Mo e la Enyɛnpetale Ebɔrɛ, elempo na.

Nshɛ 33:6

Enyɛnpe Ebɔrɛ na be kamalga so nɛ e bɔla n to esoso. E malga nna nɛ epeŋi nɛ kufɔl nɛ achɛkpabi lar.

Nshɛ 36:6

Fo asheŋ woraso niŋi ekpa nna nsaa du fanɛ kebeegboŋ nɛ k maa gbuŋgbuŋ na. Kananɛ fee mige basa be asheŋ to a ji asheŋ nɛ amo be ekpa so du chiŋgeliŋ fanɛ teku nna. Fo enɔ to nɛ edimɛdi nɛ asɔbɔya kikɛ wɔ.

Nshɛ 86:10

Fo ka la Ebɔrɛ so, fo nawule e naa wora emamachisheŋ nɛ e bee mɔ kɔnɔ.

Aizaaya 37:16

“Enyɛnpetale Israɛl be Ebɔrɛ, fo e chena fo kuwurputi so awɔlto nɛ emalaika nɛ baa tre chɛrubim na wɔ fo aya ase. Fo nawule e la Ebɔrɛ. Fo e to esoso nɛ kasawule nsaa ji kuwura durnya be kuwurjiana kikɛ so.

Aizaaya 37:20

Ama fo ere la Enyɛnpe, anyi be Ebɔrɛ nna! Anyee kule fo nna nɛ fo mɔlga anyi ashi Asiriya be ewura be enɔ to, saŋɛ na so, ekama nɛ e wɔ durnya to be efuli kama so, beeŋ pin fanɛ fo nawule e la Ebɔrɛ.”

Aizaaya 43:10

Menyi Israɛl be basa e la ma eshɛdajipoana; ma e lara menyi nɛ men baa la ma nyɛrbi, saŋɛ na so menyeeŋ pin ma nseŋ yirda ma nseŋ naŋ pin to fanɛ n nawule e la Ebɔrɛ. Ebɔrɛ kikɛ maŋ naa wɔtɔ n ti ma so. Ekama malɛ maaŋ naa wɔtɔ n ti ma so.

Aizaaya 44:6

Enyɛnpe Ebɔrɛ nɛ e bee ji kuwura Israɛl so nsaa kuŋ kumo na e kaŋɛ le: “Ma e la sososo nɛ lalaloge; n nawule e la Ebɔrɛ. Ma kaman, Ebɔrɛ kikɛ maŋ wɔtɔ.

Aizaaya 44:8

Men sa maa lɔ kufu, ma basa! Men nyi yili dra dra na kikɛ m ba fo mbre, ma e naa kaŋɛ asɔ nɛ e beeŋ baa wora kikɛ; menyi alɛ e la ma eshɛdajipoana. N nawule e la Ebɔrɛ, shɛŋ maŋ naa kɔ eleŋgboŋ fanɛ ma.”

Aizaaya 45:12

Ma e to durnya nseŋ to edimɛdi be yiri yiri n wɔtɔ kumo to. Ma eleŋgboŋ so nɛ awɔlpa parga to n sɔ kaplɛkama nɛ epeŋi nɛ kufɔl nɛ achɛkpabi kikɛ wɔ kumo so na.

Jɛremaya 32:17

“Enyɛnpetale Ebɔrɛ, fo e bɔla fo eleŋgboŋ nɛ yuku so n to esoso nɛ kasawule. Sheŋ malɛ maŋ du kpakpa n sa fo.

Ezikɛl 20:11

Ndoŋ nɛ n sa bumo ma mbraana nɛ ma keŋini, nɛ b wora amo kasonu nseŋ pin kananɛ baŋ baa keta bumo be amu.

Jona 1:9

Ndoŋ nna nɛ Jona kaŋɛ le: “N la Hibruw be esa nna. Enyɛnpe Ebɔrɛ nɛ e wɔ ebɔrɛso nseŋ to teku nɛ kasawule kikɛ na nɛ mee shuŋ.”

Baru lela nɛ Jɔn kute na 10:30

Ma nɛ n Tuto na la kukoŋwule nna.”

Ashuŋ Shunso 4:24

B ka nu kesheŋ na nɛ bumo kikɛ kule Ebɔrɛ kɔnɔkoŋwuleso ŋ kaŋɛ: “Enyɛnpe nɛ Etopo nɛ e to esoso nɛ kasawule nɛ nchuana nɛ asɔ nɛ a wɔ amo to na kikɛ,

Ditɛronɔmi 10:14

Kusɔ kama la Enyɛnpe menyi be Ebɔrɛ na peya nna, mannɛ kasawule ere nɛ asɔ nɛ a wɔ kumo to nawule ama awɔlpa nɛ ebɔrɛso kikɛ la mo peya nna.

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.

Ditɛronɔmi 6:4

Israɛlebi, men nu nfe! Enyɛnpe Ebɔrɛ na nawule e la anyi be Ebɔrɛ.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Hibruwebi 1:6

Ade be kaman, Ebɔrɛ ka daa sha kebar mo Pibinyɛn juŋkparso na durnya to na, le nɛ e daŋ kaŋɛ: “A daga fanɛ Ebɔrɛ be emalaika kikɛ ka bunyaŋ mo.”

Kelaraŋŋini 14:7

Kumo be kaman nɛ e kaŋɛ awɔrso fanɛ: “Men baa ŋana Ebɔrɛ nsaa maŋkura mo, ŋkpal manɛ so, mbe demuji be saŋɛ na fo naniere. Men baa maŋ emo nɛ e to ebɔrɛso nɛ kasawule nɛ teku nɛ mbombiana kikɛ na so.”

Kelaraŋŋini 4:11

“An Nyɛnpe nɛ an be Ebɔrɛ, fo e daga kenya kemaŋkura nɛ bunyaŋ nɛ eleŋ, ŋkpal manɛ so, fo e to kusɔ kikɛ, fo alɛ be keparso nɛ b to kusɔ kama nɛ k wɔ ŋkpa to.”