Nehemaya 9:37 - EBƆRƐ BE KAWƆL

³⁷ Kasawule na malɛ be asɔrso lela kikɛ ki bewura nɛ fo lara fanɛ b baa ji kuwura anyi so ŋkpal anyi be alubi so na peya nna; bumo alɛ naa ji eleŋ anyi nɛ anyi be asɔbɔya so, ŋkpal loŋ so an wɔ kagbenejija to nna.”

Nehemaya 9:37 ပူးပေါင်းရင်းမြစ်များ

Ɛzra 4:13

Yiramu, nɛ basa ere baŋ lɔŋɛ kade ere m pɔr nɛ kumo be egbalana kikɛ yili, kumo ere b maaŋ naŋ ka lampo ŋko toto kikɛ n sa ewura. Loŋ malɛ beeŋ shin nɛ ewura be kpanjawu to be amansherbi a duga so.

Ɛzra 6:8

Ma alɛ naa yili kumo nna a sa menyi fanɛ men chɛ bumo to m pɔr bɔrɛlambu na. Kukɔ kama nɛ k ba kapɔr na be kaplɛa so, men lara amansherbi ashi amansherbi nɛ menyee sɔ Yufreetes be epeŋitɔrkpa be efuli so na to ŋ ka, nɛ kushuŋ na e sa maaŋ shir n yili.

Ɛzra 7:24

A maŋ daga fanɛ b tu bɔrɛmatapoana na nɛ Livaiebi na nɛ beshɛbompo na nɛ mbunagboŋ kenipoana na nɛ bekama nɛ baa shuŋ bɔrɛlambu na to na kikɛ n sɔ toto be yiri kikɛ.

Nehemaya 5:8

An wora ania n tɔ anyi be basa nɛ b pɛ anya n yɔ efuli pɔtɛana so na m bɛta m ba. Ama naniere menyi e naa fa bumo be bedamta na, nɛ an naŋ ya tɔ bumo!” Ekrachi na nɛ bejuŋkparpoana na daa maŋ kaŋɛ shɛŋ, ŋkpal b ka nyi k kaa la kashenteŋ so.

Nfabel 5:5

Basa nɛ baa ju anyi na baa ji anyi ayabi nna, an gben ama anyi alɛ maaŋ tiŋ n yili n wushi.

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Baru lela nɛ Jɔn kute na 8:33

Ndoŋ nna nɛ Juwebi na kaŋɛ mo le: “Eebraham mo nanabiana e la anyi, anyi ere maŋ naŋ ki esa kikɛ be anya, nɛ a ji nuso nna nɛ fee kaŋɛ fanɛ anyeeŋ lar kenyaya to?”

Ditɛronɔmi 28:33

Efuli pɔtɛ so be basa beeŋ ba suge menyi be adɔjibi nɛ men gben n dɔ n nya na. Menyi maaŋ naŋ nya shɛŋ ama kɔrfɛ nɛ kamɛaŋ nawule.

Ditɛronɔmi 28:39

Menyeeŋ dɔ ndibi sɔrso be adɔ nseŋ keni amo so nɛnɛ, ama menyi alɛ maaŋ nya amo be asɔrso n chuge ŋko n nya amo be yabra belbelso n nuu. Kumo be kaman nɛ ashushombi e ji ndibi na gbagba.

Ditɛronɔmi 28:48

e beeŋ shuŋi bedoŋ menyi kutɔ nɛ men shuŋ bumo nɛ ketir e pɛ menyi nɛ men maaŋ nya ajibi n ji ŋko nchu n nuu ŋko asɔbuuso gba m buu. Men doŋana na beeŋ kɔrfɛ menyi hale n ya mur menyi.

Ditɛronɔmi 28:51

Baaŋ suge menyi be asɔbɔya nɛ adɔjibi kikɛ nɛ akoŋ a mɔ menyi. B maaŋ yige ayu ŋko yabra belbelso ŋko ɔlifs be ŋku ŋko ana ŋko mbolpɔ kama n sa menyi.