Nehemaya 9:35 - EBƆRƐ BE KAWƆL

³⁵ Ŋkpal fo nɛfa nɛ fo daŋ ta n sa fo basa so bewura e daa juŋkpar bumo. Loŋ be saŋɛ na, nɛ b daa wɔ kasawule nɛ fo ta n sa bumo na so, ama b kini nsaa wɔ kulubi to.

Nehemaya 9:35 ပူးပေါင်းရင်းမြစ်များ

Nehemaya 9:25

Kumo be kaman nɛ b suge ndegboŋ nɛ egbalana kulti na nɛ adɔsawule nɛ e walɛ. B daŋ suge nwu nɛ basa daa wɔ amo to nɛ atirbu nɛ b kur n laa to a saŋ nchu, nɛ ndibi sɔrso be adɔana, nɛ ɔlifs be ndibi be adɔana nɛ ndibi sɔrso damtaana nna. B daa ji nna a moɛ nseŋ daa ji eyur ŋkpal fo enɛfa damta so.

Nehemaya 9:34

Anyi be bewura nɛ bejuŋkparpo nɛ bɔrɛmatapoana nɛ an nanaana maŋ bɛ fo mbra nɛ mmalga kpakpaso mo nɛ fo ŋini bumo fanɛ b bɛ so na so.

Aizaaya 63:7

Meeŋ malga Enyɛnpe Ebɔrɛ na be alelasheŋ be asheŋ nseŋ kpaŋ mo ŋkpal asɔ nɛ e bee wora a sa anyi so. E nɛfa Israɛl be basa ga nna ŋkpal mbe kuwɔrwu nɛ kasha nɛ k wɔtɔ jemanɛ kikɛ na so.

Jɛremaya 5:19

Basa nɛ baaŋ ji efute kaŋ bishi le: ‘Manɛ nna nɛ Enyɛnpe, anyi be Ebɔrɛ na shin nɛ le be asheŋ lubi ere tu anyi?’ Nɛ fo kaŋɛ bumo fanɛ kananɛ b kini ma nseŋ shuŋ efuli pɔtɛana so be agbirana ashi bumo gbagba be kasawule so na, aloŋ nɛ baaŋ ya shuŋ basa pɔtɛ ashi efuli pɔtɛ so.”

Ezikɛl 5:6

Ama Jerusalɛm to be basa lar ma kaman nseŋ kini kewora m bɛ ma mbraana nɛ ma atande so. B kplaŋ ma mbraana so nsaa wora alubi a chɔ efuliana nɛ a kulti bumo na gba.

Ditɛronɔmi 28:47

Enyɛnpe Ebɔrɛ na bre nɛfa menyi ekpa kama so, ama ŋkpal men ka kini keshuŋ mo kagbene koŋwule so n ta kemaŋkura n sa mo na so,

Ditɛronɔmi 28:48

e beeŋ shuŋi bedoŋ menyi kutɔ nɛ men shuŋ bumo nɛ ketir e pɛ menyi nɛ men maaŋ nya ajibi n ji ŋko nchu n nuu ŋko asɔbuuso gba m buu. Men doŋana na beeŋ kɔrfɛ menyi hale n ya mur menyi.

Ditɛronɔmi 31:21

Kumo be loŋ beeŋ shin nɛ kumu lubi gboŋgboŋi e ba bumo nɛ bumo be kaman to ebi so. Ama b kraa beeŋ baa boŋ kashɛ ere nɛ k baa ji shɛda a gbiti bumo. Pɔɛŋ nɛ meeŋ keta bumo n yɔ kasawule nɛ n nase kumo be kɔnɔ n sa bumo na gba so, n tea nyi kusɔ nɛ baa fɛ.”