Nehemaya 9:32 - EBƆRƐ BE KAWƆL

³² O, anyi be Ebɔrɛ mo nɛ eleŋ kikɛ bɔɔ fo enɔ, nɛ fo asheŋ kɔ kufu; fo maa lar fo kamalga kaman kikɛ, kasha malɛ bɔlɔ fo to kiŋkiŋ. Nyiŋi awurfoŋ nɛ k ba anyi nɛ anyi be bewura nɛ bejuŋkparpo nɛ bɔrɛmatapoana nɛ anebiana nɛ an nanaana nɛ anyi be basa kikɛ so, yili Asiriya be ewura be jemanɛ kikɛ so m ba fo kabre.

Nehemaya 9:32 ပူးပေါင်းရင်းမြစ်များ

1 Bewura 8:23

Enyɛnpe nɛ fo la Israɛl be Ebɔrɛ na, ashi esoso nɛ kasawule kikɛ, Ebɔrɛ kikɛ maŋ naa wɔtɔ fanɛ fo. Fo maa teŋ ŋkre nɛ fo nɛ fo basa nase n sa abar na so kikɛ. Fo alɛ bee ŋini bumo fo kasha saŋɛ nɛ b ta bumo be ŋgbene kikɛ a wora kasonu a sa fo na nna.

2 Bewura 15:19

Asiriya be ewurgboŋ Tiglaf Pilesa daŋ ba kɔ Israɛl kena nna nɛ Menahɛm sa mo shuwa kilo ŋgboŋ adesa saŋɛ na so mo nɛ mo beeŋ ba wɔ ebel nɛ e chɛ mo to n shin nɛ mbe efuli so ebi e baa nu a sa mo.

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

2 Bewura 17:23

hale nɛ Enyɛnpe Ebɔrɛ na ba ju bumo n lɛ fanɛ kananɛ e bɔla mbe nyɛrbi anebiana so ŋ kaŋɛ na. Kumo so nɛ b daŋ tintiŋ Israɛlebi na n lara bumo ashi bumo gbagba be kasawule so n yɔ Asiriya be efuli so kenyaya to, nɛ b wɔ ndoŋ hale kabre na.

2 Bewura 17:3

Saŋɛ so nɛ Hoshiya bee ji kuwura na, Asiriya be ewurgboŋ Shalmaneesa daŋ kre kena nna n ya kɔ m pɔɔ Israɛl so nɛ ewura Hoshiya bee ka lampo a sa mo kafɛ kikɛ.

2 Bewura 17:6

Hoshiya be kuwurji be kafɛ kpanusopo to nɛ Asiriya be ewura kɔ m pɔɔ Samɛria be kade so nseŋ pɛ Israɛlebi na n yɔ Asiriya n ya ti ebu. E daŋ yɛr bumo be beko Halaf be kade to nna nseŋ yɛr beko malɛ Gozan be efuli so a mata Lɔr nɛ baa tre Habɔɔ na, nseŋ yɛr beko malɛ Midia be nde to nɛ b ya chena ndoŋ.

2 Bewura 23:29

Ewura Josaya be kuwurji be jemanɛ so nɛ Ijipt be efuli so be ewura Neeko keta mbe benapo m bɔla kelargato be esoso be kaba so n yɔ Yufreetes be Lɔrgboŋ na ase nɛ e ya chɛ Asiriya be efuli to ŋ kɔ. Ndoŋ nna nɛ ewura Josaya keta mbe benapo n lar nɛ b ya kɔ ewura Neeko kena. B ka bee kɔ kena na ashi Majido nɛ b mɔ ewura Josaya ndoŋ.

2 Bewura 25:7

Ndoŋ nna nɛ Nebukadneeza shin nɛ b mɔ ewura Zɛdikaya be mbinyɛnsobi nɛ e yil a keni. Kumo be kaman nɛ ewura Nebukadneeza shin nɛ b chule ewura Zɛdikaya be anishi nseŋ chɛ mo ŋgbɛlɛbi n ta mo n yɔ Babilɔn be efuli so n ya ti ebu.

Ɛzra 4:10

basa nɛ bunyaŋwura Ashubanipal daŋ shin nɛ b ba chena Samɛria be kadegboŋ to na nɛ nde nɛ a wɔ Yufreetes be epeŋitɔrkpa be kasawule so na kikɛ e naa sibɛ kawɔl ere na.

Ɛzra 4:2

nɛ b yɔ Zerubabel nɛ mbuna mbuna be benimuana na kutɔ n ya kaŋɛ le: “Men shin nɛ an chɛ menyi to n pɔr. Ŋkpal manɛ so, anyi nɛ menyi kikɛ bee shuŋ Ebɔrɛ koŋwule nna. Yili jemanɛ nɛ Asiriya be ewura, Esahadɔn, bar anyi kasawule ere so hale m ba fo kabre; menyi be Ebɔrɛ ere nɛ anyi alɛ gba bee shuŋ nsaa lara sarga a sa.”

Ɛzra 9:13

Kusogberge nɛ k ba anyi so ŋkpal anyi be alubi so ere kikɛ be kaman, an wu fanɛ fo, anyi be Ebɔrɛ na, kraŋ shu anyi so nna. Ŋkpal manɛ so, mannɛ kasogberge nɛ k daga anyi nɛ fo sa anyi na. Fo kraŋ shin nɛ anyi to be beko kraa wɔ ŋkpa to.

Nehemaya 1:5

“O Enyɛnpe Ebɔrɛ nɛ fo wɔ ebɔrɛso, fo e kɔ eleŋ ga nɛ fo bunyaŋ shi m baŋ so. Fo alɛ e naa wora a bɛ fo nnɔ naseso so a sa bekama nɛ baa sha fo nsaa wora fo mmalga kasonu.

Nshɛ 47:2

Enyɛnpetale Ebɔrɛ na be asheŋ woraso kɔ mamachi nɛ kufu nna. Mo e la ewurgboŋ, a ji durnya kikɛ so kuwura.

Nshɛ 66:3

Men kaŋɛ Ebɔrɛ fanɛ mbe aworbi kikɛ kɔ kufu nna, nɛ mbe eleŋgboŋ na bee shin nɛ mo doŋana bee chicha a jɔŋɛ mo ase kufuso.

Nshɛ 66:5

Ba keni kusɔ nɛ Ebɔrɛ wora; nɛ ashuŋ nɛ a bee keta kufu nɛ e shuŋ dimɛdi be kaplɛa so.

Ɛksodɔs 18:8

Nɛ Mosis kaŋɛ mo shanyɛn asheŋ nɛ Enyɛnpe Ebɔrɛ wora Fɛɛro nɛ Ijipt be basa kikɛ ŋkpal Israɛlebi be kenya kumɔlga so. Kumo be kaman nɛ e naŋ kaŋɛ mo etɔrɔ nɛ a tu bumo ashi ekpa to na kikɛ nɛ kananɛ Enyɛnpe Ebɔrɛ chɛ bumo to ashi amo kikɛ to.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Danɛl 9:4

Ma kabɔrɛkule na to nɛ m bugi to ŋ kaŋɛ Enyɛnpetale Ebɔrɛ na alubi nɛ ma basa wora ŋ kaŋɛ le: “Enyɛnpe Ebɔrɛ nɛ fo shibi nɛ anyee bunyaŋ fo nɛ fee ji kashenteŋ a sa fo ŋkre nɛ fo nase na nsaa ŋini bekama nɛ baa sha fo nsaa wora fo aparsheŋ na kasha saŋkama na,

Danɛl 9:6

Anyi alɛ naŋ kini kenu n sa anebiana nɛ b la fo nyɛrbi m bɔla fo ketre so m malga n sa anyi be bejuŋkparpoana nɛ bewuraana nɛ an nananyɛnana nɛ anyi be efuli so ebi kikɛ na.

Danɛl 9:8

Anyi be bewura nɛ an be bejuŋkparpoana nɛ an nananyɛnana kikɛ wora anishinyɔr be asheŋ nɛ alubi ŋ gbiti fo Enyɛnpe Ebɔrɛ.

Levitikɔs 26:18

Ade kikɛ be kaman, nɛ men kraa maŋ wora ma kasonu, meeŋ shin nɛ menyi be kasogberge e ti so ale shunu.

Levitikɔs 26:21

Nɛ men kraa maa sa ma kashuli nseŋ kini kenu n sa ma, ŋ kraa beeŋ shin nɛ men be kasogberge e naaŋ ti so ale shunu.

Levitikɔs 26:24

kumo ere meeŋ baa kraa la men doŋ nseŋ shin nɛ menyi be kasogberge a ti so ale shunu a chɔ dra na peya.

Levitikɔs 26:28

kumo ere meeŋ nya agbo n wɔtɔ menyi nseŋ shin nɛ menyi be kasogberge e ti so ale shunu so a chɔ adra na.

Ditɛronɔmi 7:12

Nɛ men nu nseŋ wora mbraana ere kasonu kashenteŋto, Enyɛnpe menyi be Ebɔrɛ na beeŋ baa bɛ menyi nɛ mo be kɔnɔkoŋwule be ŋkre na so nseŋ ŋini menyi mbe kasha nɛ k maa loge na fanɛ kananɛ e nase men nananyɛnana kɔnɔ na.

Ditɛronɔmi 7:13

Enyɛnpe menyi be Ebɔrɛ na beeŋ baa sha menyi nseŋ nɛfa menyi, saŋɛ na so menyeeŋ kurge mbia damta n salga to. Mo alɛ beeŋ naŋ nɛfa menyi be adɔsawule, saŋɛ na so, menyeeŋ nya ajibi damta nɛ yabra belbelso nɛ ɔlif be ŋku, nɛ menyi be ana nɛ mbolpɔ e kurge ga. Kasawule nɛ e nase kumo kɔnɔ n sa men nananyɛnana na so nɛ e beeŋ sa menyi enɛfa ere na.

Ditɛronɔmi 7:21

Amoso men sa maa ŋana basa ere jemanɛ nɛ menyi nɛ bumo beeŋ tu abar kena to. Menyi nɛ Enyɛnpe menyi be Ebɔrɛ na e wɔtɔ. E la Ebɔrɛ gboŋgboŋi nɛ mbe asheŋ kɔ kufu nna.

Ditɛronɔmi 7:9

Ŋkpal loŋ so, men baa nyiŋi fanɛ Enyɛnpe menyi be Ebɔrɛ na nawule e la Kashenteŋ be Ebɔrɛ nsaa la Kashenteŋjipo. E beeŋ wora m bɛ mbe kɔnɔkoŋwule be ŋkre so nseŋ lara mbe kasha nɛ k maa loge na ŋ ŋini basa nɛ baa sha mo nsaa wora mbe mbraana kasonu na, yili kenana ko n ya fo kenana ko loŋ be kagboŋ so.