Nehemaya 9:30 - EBƆRƐ BE KAWƆL

³⁰ Nfɛ damta nɛ fo kpele bumo kusoe kanyitiso, fo Kiyoyu malɛ bɔla anebiana so m malga kenishipereso n sa bumo, ama b kini kenu n sa fo. Amoso nɛ fo ta bumo bɔɔ bumo doŋana enɔ na.

Nehemaya 9:30 ပူးပေါင်းရင်းမြစ်များ

2 Bewura 18:11

Asiriya be ewurgboŋ na ka kɔ m pɔɔ Samɛria be kade na so nɛ e pɛ Israɛlebi na n yɔ Asiriya n ya ti ebu. E daŋ yɛr bumo be beko Halaf be kade to nseŋ yɛr beko malɛ Gozan be efuli so a mata Lɔr nɛ baa tre Habɔɔ na nseŋ yɛr beko malɛ Midia be efuli so be nde to.

2 Bewura 21:10

Kachako nɛ Enyɛnpe Ebɔrɛ bɔla mbe nyɛrbi anebiana na so ŋ kaŋɛ le:

2 Kronikɛls 24:19

Amo nɛ amo kikɛ Enyɛnpe Ebɔrɛ na daŋ shuŋi anebiana nna fanɛ b ya kpele bumo kusoe n shin nɛ b bɛta m ba mo kutɔ nɛ b kini kenu.

Ɛzra 9:10

O Ebɔrɛ, asheŋ nɛ a wora ere kikɛ be kaman, manɛ nɛ anyeeŋ naŋ kaŋɛ? Ŋkpal manɛ so, anyi maŋ wora m bɛ fo

Nehemaya 9:20

Fo Kiyoyu lela e ŋini bumo kusɔ nɛ k daga nseŋ sa bumo ajibi nɛ baa tre manna na nɛ b ji. Kumo be kaman nɛ fo sa bumo nchu nɛ b nuu.

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Nehemaya 9:29

Fo kpele bumo kusoe fanɛ b bɛ fo keŋini so ama ŋkpal bumo be kamoowuso, b kini kebɛ fo mbra na so amo nɛ esa beeŋ bɛ so nseŋ nya kebaawɔtɔ lela, ama ŋkpal bumo be ŋgbene kpakpaso so b kini kewora fo kasonu.

Nshɛ 86:15

Ama fo, Enyɛnpe Ebɔrɛ na, la ewɔrwupo nɛ kasha be Ebɔrɛ nna. Fo la esa nna nsaa kɔ kanyiti, a wu kuwɔr jemanɛ kikɛ.

Nshɛ 95:10

Nfɛ adena nɛ bumo be asheŋ daa nu Ebɔrɛ agbo, nɛ e kaŋɛ le: “Saŋkikɛ basa ere bee wora a foe ekpa nna; bumo alɛ maa pin ma asheŋ woraso to.”

Aizaaya 28:10

E bee wora ania nna nɛ e baa ŋini anyi nsibɛbi nɛ mmalgabi nɛ a maŋ kɔ afito.”

Aizaaya 42:24

Wanɛ e sa ekpa nɛ beko ba suge Israɛl be asɔ? Enyɛnpe Ebɔrɛ nɛ an wora n da so na gbagba e sa bumo ekpa nɛ b wora loŋ! Ŋkpal manɛ so, an daa maa wɔ kebaawɔtɔ nɛ e daa sha na to ŋko n daa wora mbe keŋini nɛ e sa anyi na kasonu.

Aizaaya 48:9

Ŋkpal ŋ ka bee sha basa e kpaŋ ma ketre so, nɛ mee pɛ ma agbo nsaa maŋ mur menyi na.

Aizaaya 63:10

Ade be kaman nɛ Enyɛnpe Ebɔrɛ be basa na lar mo kaman ŋ kilgi a kɔ mo nɛ mbe Kiyoyu Cheeŋ na be kagbene jija mo ga. Amoso Enyɛnpe Ebɔrɛ ki bumo doŋ nna nseŋ kɔ bumo.

Jɛremaya 25:4

Enyɛnpe Ebɔrɛ na shuŋi anebi damta nɛ b la mbe mbɔ menyi kutɔ, ama menyi maŋ nu n sa bumo.

Jɛremaya 44:22

Kabre ŋ ka bee malga ere, menyi be kasawule na dese fuloŋ nɛ esa kikɛ maŋ naa wɔ kumo so. K ki kakpa nɛ kumo be asheŋ bee keta kejijɛ nɛ basa bee ta kumo be ketre a sho basa kɔnɔ ŋkpal Enyɛnpe Ebɔrɛ na ka daa maŋ naŋ nyiti menyi be kumu kpakpaso nɛ asheŋ woraso lubi na so.

Jɛremaya 44:4

Ma alɛ kraa shuŋi ma anya anebiana na menyi kutɔ nɛ baa kaŋɛ menyi fanɛ men sa maa wora asheŋ lubi nɛ ŋ kishi na.

Jɛremaya 44:5

Ama menyi maa nu ŋko n wɔtɔ lakal kusɔ nɛ baa kaŋɛ na to. Men kini keyige kebaalara esarga a sa agbirana na.

Jɛremaya 7:25

Yili jemanɛ nɛ men nananyɛnana lar Ijipt be efuli so m ba fo kabre, ŋ kraa shuŋi anebiana nɛ b la ma mbɔ men kutɔ nna.

Nfabel 2:17

Kusɔ nɛ Enyɛnpe Ebɔrɛ na kre nseŋ kaŋɛ fanɛ e beeŋ wora na nɛ e wora na. Dra na kikɛ nɛ e kpele anyi kusoe fanɛ e maaŋ wu anyi kuwɔr; e yɛ e beeŋ mur anyi, mo alɛ mur anyi kashenteŋto. E shin nɛ an doŋana pɔɔ anyi so nɛ bumo be ŋgbene fuli, ŋkpal an ka kɔ n tɔr so so.

Danɛl 9:6

Anyi alɛ naŋ kini kenu n sa anebiana nɛ b la fo nyɛrbi m bɔla fo ketre so m malga n sa anyi be bejuŋkparpoana nɛ bewuraana nɛ an nananyɛnana nɛ anyi be efuli so ebi kikɛ na.

Zakareya 7:12

nseŋ wora bumo be ŋgbene kpakpa fanɛ awarabi nsaa maa kaŋ asoe a nu mmalga nɛ ma, Enyɛnpetale Ebɔrɛ na be Kiyoyu bɔla anebi juŋkparsoana so n ta n sa bumo na ŋko a bɛ ma mbra so. Amoso n daŋ nya agbo nna ga n wɔtɔ bumo.

Zakareya 7:13

Ŋkpal b ka daŋ kini kenu n sa ma jemanɛ nɛ n daa malga bumo kutɔ na so, nɛ ma alɛ gba maŋ nu bumo be kekule.

Nɔmbɛs 11:26

Bejuŋkparpo adushunu na be benyɔ nɛ b da maŋ lar keeyi na to n yɔ wajɛbu na ase e daa la Eldad nɛ Mɛdad. Ama eleŋ na daŋ ba bumo alɛ gba so nna ashi keeyi na to nɛ b fara a malga a cha awɔr fanɛ anebiana na.

Ashuŋ Shunso 13:18

Ebɔrɛ na e daŋ ta mbe eleŋgboŋ n lara bumo ashi Ijipt ŋ keni bumo so kiyi to kanyitiso loŋ nfɛ adena.

Ashuŋ Shunso 28:25

Pɔɔl ka malga kesheŋ koŋwule ere n loge nɛ b fara a ji abar emɔrɔ a yɔ. Le nɛ e daŋ kaŋɛ: “Kashenteŋ nɛ Kiyoyu Cheeŋ na daŋ shin nɛ anebi Aizaaya daŋ wu ŋ kaŋɛ men nanaana fanɛ e ya kaŋɛ basa na le:

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Romebi 2:4

Ŋko fo kpal Ebɔrɛ be kelela ka shi mo to ga na so nna nɛ e ka maa nya manaŋ a gberge basa kusoe na nɛ mbe kanyiti na so so nna a fɛl mo a? Fo maŋ nyi fanɛ Ebɔrɛ be kelela wɔtɔ nna nɛ fo nya n lar fo alubi to a?

1 Pita 1:11

Kristo be Kiyoyu mo nɛ e daa wɔ bumo to na daŋ wu Kristo be etɔrɔ nɛ kemaŋkura mo nɛ k beeŋ lar etɔrɔ na be kaman na nna ŋ kaŋɛ bumo nɛ b wora ania a fin saŋɛ nɛ asheŋ na kikɛ beeŋ wora.

2 Pita 1:21

Ŋkpal manɛ so, abɔrɛsheŋ wuŋkaŋɛ kama maŋ naŋ shi dimɛdi be katiŋ so m ba, ama Kiyoyu Cheeŋ na e daŋ ta basa nɛ b malga baru nɛ k shi Ebɔrɛ kutɔ na.

2 Pita 3:9

Amoso, Enyɛnpe na maŋ wushi ashi mbe kɔnɔ nɛ e nase fanɛ e beeŋ wora na to nna fanɛ kananɛ basa ko bee fɛ esa be kewushi na nna. Kanyiti nɛ e bee ji menyi a maa sha fanɛ esa kikɛ e mur, ama e bee sha fanɛ ekama e lar mbe alubi to nna.