Nehemaya 9:25 - EBƆRƐ BE KAWƆL

²⁵ Kumo be kaman nɛ b suge ndegboŋ nɛ egbalana kulti na nɛ adɔsawule nɛ e walɛ. B daŋ suge nwu nɛ basa daa wɔ amo to nɛ atirbu nɛ b kur n laa to a saŋ nchu, nɛ ndibi sɔrso be adɔana, nɛ ɔlifs be ndibi be adɔana nɛ ndibi sɔrso damtaana nna. B daa ji nna a moɛ nseŋ daa ji eyur ŋkpal fo enɛfa damta so.

Nehemaya 9:25 ပူးပေါင်းရင်းမြစ်များ

1 Bewura 14:9

Fo alubi nɛ fo wora gba chɔ bewura kama nɛ b juŋkpar fo na be alubi, ŋkpal manɛ so fo kini ma nseŋ nyaŋɛ ma agbo to ŋkpal fo ka ya ka bunyaŋ agbir nɛ fo ta abɛlso n lɔŋɛ na so.

1 Bewura 8:66

Kumo be kachɛ burwasopo na, nɛ ewura Sɔlɔmɔn shin nɛ basa na kikɛ yɔ bumo peana. Nɛ bumo be ŋgbeneana fuli bumo ga ŋkpal kananɛ Enyɛnpe Ebɔrɛ daŋ nɛfa mbe basa Israɛlebi, nɛ mbe kayɛrbi ewura Deevid na so.

Nehemaya 9:35

Ŋkpal fo nɛfa nɛ fo daŋ ta n sa fo basa so bewura e daa juŋkpar bumo. Loŋ be saŋɛ na, nɛ b daa wɔ kasawule nɛ fo ta n sa bumo na so, ama b kini nsaa wɔ kulubi to.

Nshɛ 105:44

E daŋ suge efuli pɔtɛana ko be nsawule nɛ asɔ kama nɛ b gben n nya nna n sa Israɛlebi na.

Nshɛ 65:11

Fo e naa shin nɛ adɔjibi bee wora nɛnɛ nɛ mpuro bee bɔlɔ a wurge.

Aŋasa 30:9

Saŋɛ na so maaŋ ki damawura nseŋ teŋ fo so ŋko nɛ ketir e shin nɛ n ya yuri n jija fo ketre.

Aizaaya 6:10

Kumo be kaman nɛ e naŋ kaŋɛ ma le: “Shin nɛ basa ere be nfɛra e mel to nɛ bumo be asoe e ti nɛ bumo be anishi e tan, saŋɛ na so b maaŋ baa wu ŋko a nu ŋko a pin asheŋ to. Nɛ mannɛ aloŋ, baaŋ baa wu ŋko a nu ŋko a pin asheŋ to nseŋ bɛta m ba ma kutɔ m ba nya kechɛ.”

Aizaaya 63:7

Meeŋ malga Enyɛnpe Ebɔrɛ na be alelasheŋ be asheŋ nseŋ kpaŋ mo ŋkpal asɔ nɛ e bee wora a sa anyi so. E nɛfa Israɛl be basa ga nna ŋkpal mbe kuwɔrwu nɛ kasha nɛ k wɔtɔ jemanɛ kikɛ na so.

Jɛremaya 2:7

Kumo be kaman nɛ m bar bumo kasawule nɛ k bee wora adɔjibi nɛnɛ so; saŋɛ na so, baaŋ dɔ n nya adɔjibi nɛ kasawule na so be asɔ lela ga. Ama b daŋ wora alubi n jija ma kasawule na, n shin nɛ kasawule nɛ n sa bumo na ki kusɔ nɛ ŋ gbagba kishi kumo.

Jɛremaya 31:14

Meeŋ sa bɔrɛmatapoana na kusɔ jiso alegaiso, nseŋ sa ma basa asɔ kama nɛ a daga bumo. Ma, Enyɛnpe Ebɔrɛ e kaŋɛ na.”

Jɛremaya 32:23

Ama b ka ba kasawule ere so m ba sɔ kumo ŋ ki bumo peya na be kaman, b maŋ wora fo kasonu ŋko m bɛ fo mbra so. Kusɔ kama nɛ fo yili bumo fanɛ b wora na b maŋ wora kumo. Amoso nɛ fo shin nɛ kemur ere ba bumo so na.

Ezikɛl 20:6

Loŋ be kachɛ na nɛ e nase kɔnɔ fanɛ e beeŋ lara bumo Ijipt be efuli so n yɔ kasawule nɛ k kɔ kanya alegaiso nsaa wora adɔjibi ga nseŋ naa la kasawule nɛ k walɛ a chɔ nsawule kikɛ nɛ mo gbagba fin n yili bumo na so.

Danɛl 11:24

E beeŋ kɔ n sɔ efuli nɛ k kɔ dama nseŋ wora asheŋ nɛ mo nananyɛnana b ekama maŋ naŋ wora kikɛ. E beeŋ barga mbe asɔ nɛ e ya kɔ kena n suge na to n sa basa nɛ b bɛ mo so na. E beeŋ kre k ya kɔ efuliana be kumɔlga be mboŋ lempoana na kena, ama mo alɛ be saŋɛ maaŋ baa shibi.

Hoziya 13:6

Ŋ ka bar menyi kasawule lela na so m ba sa menyi ajibi nɛ men ji m moɛ n daŋ na, nɛ kamoowu luri menyi to nɛ men teŋ ma so.

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Romebi 2:4

Ŋko fo kpal Ebɔrɛ be kelela ka shi mo to ga na so nna nɛ e ka maa nya manaŋ a gberge basa kusoe na nɛ mbe kanyiti na so so nna a fɛl mo a? Fo maŋ nyi fanɛ Ebɔrɛ be kelela wɔtɔ nna nɛ fo nya n lar fo alubi to a?

Ditɛronɔmi 3:5

B daŋ pɔr egbalana nna n wɔtɔ amo mbunagboŋ nɛ abersobi ŋ kulti nde na kikɛ n wɔtɔ. Ndewurbi damta nɛ b maŋ pɔr egbalana ŋ kulti amo gba daa wɔ efuli na so nna.

Ditɛronɔmi 32:13

Kumo be kaman nɛ e shin nɛ b ji kuwura abeesawule so, nseŋ naŋ shin nɛ b ji asɔ nɛ b dɔ n nya bumo be adɔ to. B daŋ nya emushoŋ ashi abee so n ji; bumo be ɔlifs be ndibi purge nɛnɛ kejasawule so.

Ditɛronɔmi 32:14

Bumo be ana nɛ mboe sa bumo kenyipochu damta ga; Bashan be kasawule so nɛ bumo be mbolpɔ nɛ mboe nɛ ana daa ji. Bumo alɛ daŋ naa kɔ ayu lela nɛ yabra belbelso ga.

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.