Nehemaya 9:24 - EBƆRƐ BE KAWƆL

²⁴ Ade kikɛ be kaman nɛ bumo nanaana kɔ n suge Keenanebi be kasawule. Fo e daŋ chɛ bumo to nɛ b kɔ m pɔɔ bewuraana nɛ efuli pɔtɛana so. Fo e shin nɛ b tiŋ n wora bumo doŋana kusɔ kama nɛ baa sha kikɛ.

Nehemaya 9:24 ပူးပေါင်းရင်းမြစ်များ

1 Kronikɛls 22:18

E yɛ: “Enyɛnpe men be Ebɔrɛ na e chɛ menyi to nseŋ sa menyi kagbenewushi ekpa kama so. E chɛ ma to nɛ ŋ kɔ m pɔɔ basa nɛ b daa wɔ kasawule na so nseŋ shin nɛ baa shuŋ ma nɛ Enyɛnpe Ebɔrɛ na.

Ɛsta 9:5

Ŋkpal loŋ so Juwebi na daŋ wora bumo doŋana na kusɔ k par bumo nna nseŋ ta etokobi m mɔ bumo kikɛ.

Nɔmbɛs 14:31

Menyi be mbia nɛ men yɛ baaŋ pɛ ŋ ki anya na nɛ meeŋ yɛra kasawule nɛ men kini na so nɛ k ki bumo peya.

2 Timoti 2:26

nseŋ nya nfɛra n lar Setani be kejigbelɛ nɛ e ta m pɛ bumo n shin nɛ baa nu a sa mo na to.

Joshuwa 10:40

Joshuwa daŋ kɔ m pɔɔ efuli na kikɛ so nna. E daŋ pɔɔ bewura nɛ b wɔ abee be efuli nɛ k wɔ nferinto na so, nɛ bumo nɛ b wɔ epeŋilarkpa be kaba so na, nɛ bumo nɛ b wɔ abee nɛ a wɔ epeŋitɔrkpa be kaba so na, nɛ bumo nɛ b chena kelargato be kaseto be keshishɛrsawule so na kikɛ so nna. Ndoŋ be esa kama daa maŋ pete. Kupɔrso kikɛ daa maŋ ji efute, ŋkpal manɛ so, loŋ nɛ Enyɛnpe Israɛl be Ebɔrɛ na daŋ kaŋɛ bumo fanɛ b wora.

Joshuwa 11:23

Joshuwa daŋ sɔ kasawule na kikɛ nna fanɛ kananɛ Enyɛnpe Ebɔrɛ daŋ kaŋɛ Mosis na, nseŋ barga kumo to n sa Israɛlebi na yiri yiri so nɛ k ki bumo be kapetɛ. Yili kumo be saŋɛ na so nɛ b wushi gbrɛbi ashi kena be kekɔ to.

Joshuwa 12:12

Eglɔn be ewura nɛ Gɛza be ewura.

Joshuwa 12:24

Tiiza be ewura. Bumo kikɛ daa wɔ bewura adesa nɛ kako.

Joshuwa 18:1

Israɛlebi na ka kɔ n sɔ kasawule na n loge, nɛ bumo kikɛ ya gama abar so ashi Shilo nseŋ yuu Enyɛnpe Ebɔrɛ be nshɛr be wajɛbu ndoŋ.

Joshuwa 21:43

Enyɛnpe Ebɔrɛ na daŋ ta kasawule nɛ e nase kɔnɔ kpakpaso fanɛ e beeŋ sa bumo nananyɛnana na nna n sa Israɛlebi na. B ka kɔ n sɔ kasawule na nɛ b chena kumo so.

Joshuwa 21:45

Enyɛnpe Ebɔrɛ be nnɔ nɛ e daŋ nase n sa Israɛlebi na kikɛ daŋ bɔlɔ so nna.

Demujipoana 4:23

Loŋ be kachɛ na nɛ Enyɛnpe Ebɔrɛ na shin nɛ Israɛlebi na kɔ m pɔɔ Keenan be ewura Jabin so.