Nehemaya 9:20 - EBƆRƐ BE KAWƆL

²⁰ Fo Kiyoyu lela e ŋini bumo kusɔ nɛ k daga nseŋ sa bumo ajibi nɛ baa tre manna na nɛ b ji. Kumo be kaman nɛ fo sa bumo nchu nɛ b nuu.

Nehemaya 9:20 ပူးပေါင်းရင်းမြစ်များ

Nehemaya 9:30

Nfɛ damta nɛ fo kpele bumo kusoe kanyitiso, fo Kiyoyu malɛ bɔla anebiana so m malga kenishipereso n sa bumo, ama b kini kenu n sa fo. Amoso nɛ fo ta bumo bɔɔ bumo doŋana enɔ na.

Nshɛ 105:41

E daŋ shin nɛ kefalta pante nɛ nchu lar kumo to eleŋso, a shile keshishɛrsawule na so fanɛ lɔr na nna.

Nshɛ 143:10

Fo e la ma Ebɔrɛ. Ŋini ma kusɔ nɛ fee sha fanɛ n wora, nseŋ shin nɛ fo Kiyoyu nɛ e du boeŋ na e baa juŋkpar ma ekpa kikɛ so.

Ɛksodɔs 16:15

Israɛlebi na ka wu amo nɛ b bishi abar: “Manɛ nna?” Ŋkpal manɛ so, b daa maŋ nyi kusɔ nɛ k daa la asɔ na. Ndoŋ nna nɛ Mosis kaŋɛ bumo le: “Ajibi nɛ Enyɛnpe Ebɔrɛ sa menyi fanɛ men baa ji nna na.

Ɛksodɔs 16:35

Israɛlebi na daŋ ji manna na nfɛ adena nna. B ji amo hale n ya fo Keenan be kasawule so nseŋ chena ndoŋ.

Ɛksodɔs 16:4

Ndoŋ nna nɛ Enyɛnpe Ebɔrɛ kaŋɛ Mosis: “Keni meeŋ shin nɛ ajibi e shi esoso n wurge fanɛ bɔrɛ na n sa menyi nɛ basa na e baa lar n ya kaa muu amo kananɛ baaŋ tiŋ n ji karechɛ kama. Loŋ nɛ meeŋ wora bumo ŋ keni baa bɛ ma keŋini so a?

Ɛksodɔs 17:3

Ama ŋkpal achukoŋ ka daa kɔ basa na ga so b baa bile asheŋ nna nsaa malga a gbiti Mosis a bishi mo: “Manɛ nna bre nɛ fo lara anyi ashi Ijipt m ba kaa shin nɛ fo ta achukoŋ m mɔ anyi nɛ an be mbia nɛ asɔbɔya kikɛ ere?”

Ɛksodɔs 17:6

Meeŋ ya kaa yil Sainai be kebee na be kefalta na ase nɛ fo ta kekpabi na ŋ ŋmɛa kefalta na nɛ nchu e lar kumo to nɛ basa na e nuu.” Ndoŋ nna nɛ Mosis wora loŋ ashi Israɛlebi be benimu na be anishito.

Aizaaya 48:21

E juŋkpar anyi m bɔla keshishɛrsawule so nseŋ shin nɛ kefalta pante n lar nchu nɛ an nuu n tuge achukoŋ.

Aizaaya 49:10

Akoŋ nɛ achukoŋ maaŋ naŋ pɛ bumo kikɛ. Epeŋi nɛ keshishɛrsawule so be ebeldɛ maaŋ naŋ tɔrɔ bumo. Ma, Enyɛnpe Ebɔrɛ na beeŋ baa wu bumo kuwɔr nsaa juŋkpar bumo a yɔ mbombi ase.

Heegai 2:5

Kɔnɔ koŋwule be ŋkre nɛ ma nɛ men nanaana daŋ kre jemanɛ nɛ b daŋ lar Ijipt be efuli so na nɛ ŋ kraa bɛ so na. Ma alɛ be Kiyoyu kraa wɔ menyi to, amoso men sa maa lɔ kufu.

Nɔmbɛs 11:17

Meeŋ gbelge m ba ndoŋ m ba malga menyi kutɔ, nseŋ sa bumo eleŋ nɛ n sa fo na, saŋɛ na so baaŋ baa chɛ fo to a keni ma basa so nɛ esulɔ na maaŋ naa la fo nawule peya.

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Romebi 15:30

Amoso, ŋ kurgepoana, mee kpal Enyɛnpe Yesu Kristo so nɛ kasha nɛ Kiyoyu na bee sa na so a kule menyi fanɛ men tu ma a kule Ebɔrɛ kpakpa a sa ma.

1 Kɔrintebi 10:3

Bumo kikɛ daŋ ji kejibi koŋwule mo nɛ k daŋ shi Ebɔrɛ kutɔ na,

Ɛfesesebi 5:9

Ŋkpal manɛ so, esa baa wɔ kefulto na to, alelasheŋ be yiri kikɛ nɛ asheŋ niŋiso nɛ kashenteŋ e naa lar mo to.

Joshuwa 5:12

B ka ji ajibi popɔr na be ŋklade nɛ ajibi nɛ a daa shi esoso a tɔr to nɛ baa tre amo manna na, maŋ naa tɔr to. Ndoŋ nna nɛ b fara a dɔ Keenan be efuli so a nya bumo be ajibi.

2 Pita 1:21

Ŋkpal manɛ so, abɔrɛsheŋ wuŋkaŋɛ kama maŋ naŋ shi dimɛdi be katiŋ so m ba, ama Kiyoyu Cheeŋ na e daŋ ta basa nɛ b malga baru nɛ k shi Ebɔrɛ kutɔ na.