Nehemaya 9:2 - EBƆRƐ BE KAWƆL

² B daŋ barga bumo amu ashi befɔ na kutɔ nna nseŋ ya yili m bugi to ŋ kaŋɛ bumo nɛ bumo nanaana be alubi nɛ b wora.

Nehemaya 9:2 ပူးပေါင်းရင်းမြစ်များ

1 Bewura 8:47

fo nu fo basa be kabɔrɛkule. Nɛ fanɛ b chɛrga bumo be nfɛra nseŋ kule fo a bugi to a kaŋɛ bumo be alubi kananɛ b la basa lubi nɛ kananɛ b la amu kpakpasowuraana ashi efuli na so, kumo ere Enyɛnpe Ebɔrɛ, fo nu bumo be kekule.

Ɛzra 10:11

Amoso, men tuba n lar men be alubi to ashi men nananyɛnana be Ebɔrɛ na be anishito nseŋ fara a wora mbe aparsheŋ. Men lar basa pɔtɛ nɛ b wea men to ere be asheŋ to nseŋ yige befɔche nɛ men ta a kil na.”

Ɛzra 6:21

Basa nɛ b chena m mata Israɛlebi na nseŋ lara bumo be amu ashi nnyamase nɛ bumo be agbirsheŋ to nseŋ ta bumo be amu n sa Israɛl be Ebɔrɛ na e tu Israɛlebi na n ji kejigboŋ na.

Ɛzra 9:1

Asheŋ ere kikɛ ka wora n loge be kaman, nɛ Israɛlebi be bejuŋkparpo na ba kaŋɛ ma fanɛ basa na nɛ bɔrɛmatapoana na nɛ Livaiebi na kra maŋ lara bumo be amu ashi basa nɛ b chena ŋ kulti bumo na be asheŋ woraso lubi to. B ta bumo be amu n wɔtɔ Keenanebi nɛ Hitebi nɛ Pɛrizebi nɛ Jebusiebi nɛ Ammɔnebi nɛ Mowabebi nɛ Ijiptebi nɛ Amɔriebi be mbushusheŋ nɛ b daa wora to nna.

Ɛzra 9:15

Enyɛnpe Israɛl be Ebɔrɛ, kashenteŋ jipo e la fo. Fo maŋ shin nɛ an mur, ama fo shin nɛ an ji ŋkpa. Anyee shuli kewora n jija fo anishito nsaa nyi fanɛ an daa maŋ kɔ ekpa nɛ an ba fo anishito gba kuraa.”

Ɛzra 9:2

Juwebi be benyɛn nɛ bumo be bibinyɛnsobiana daa ta eyiri pɔtɛana be mbichesobi nna a kil nɛ loŋ nɛ Ebɔrɛ be basa maŋ naa du cheembi. Israɛlebi be benimuana na e daŋ sɔ kumo be kejuŋkpar.

Nehemaya 1:6

Enyɛnpe Ebɔrɛ, keni ma so nseŋ nu ma kekule ŋkpal kananɛ mee kule fo kapa nɛ kanyɛ ere a sa fo nyɛrbi Israɛlebi na so. N shuli fanɛ anyi Israɛlebi nɛ an nanaana kikɛ wora alubi ŋ gbiti fo.

Nehemaya 10:28

Anyi Israɛlebi na kikɛ, ta bɔrɛmatapoana nɛ Livaiebi nɛ bɔrɛlambu to be bekumpo na nɛ beshɛbompoana na nɛ bɔrɛlambu to be beshumpo na nɛ bejuŋkparpoana na n ta anyi be beche nɛ mbia nɛ b daŋ kikɛ n ti so, barga anyi be amu ashi befɔ nɛ b wɔ kasawule ere so to nna. Naniere an wora kɔnɔkoŋwule nna fanɛ anyeeŋ pin kusɔ nɛ anyee wora to nɛnɛ. Amoso nɛ an baŋ maŋ naŋ wora Enyɛnpe anyi be Ebɔrɛ na be mbra nɛ keŋini nɛ e ta m bɔla mbe kayɛrbi Mosis so n sa anyi na kasonu, kumo ere Ebɔrɛ be kɔnɔsho e ba anyi so.

Nehemaya 13:3

B ka kraŋ Mosis be mbra na nɛ Israɛlebi na nu so, b daŋ fara a ju basa kama nɛ bumo nanaana daa la befɔ ashi bumo to na nna.

Nehemaya 13:30

Kumo be kaman nɛ n wora ania fanɛ befɔ maaŋ naŋ nya ekpa a leŋ basa na to a wɔtɔ asheŋ lubi to nseŋ naŋ sa bɔrɛmatapoana na nɛ Livaiebi na ashuŋ nɛ baaŋ baa shuŋ jemanɛ kikɛ.

Nshɛ 144:11

Jande kɔ m mɔlga ma alɛ gba ashi befɔ fɛpoana nɛ b maa ji kashenteŋ na be enɔ to.

Nshɛ 144:7

Shi esoso ndoŋ n teŋi fo enɔ to m pɛ ma n chule ashi nchu be kechimbi to n sɔ ma n yige; mɔlga ma ashi efuli pɔtɛ be basa be enɔana to.

Aŋasa 28:13

Esa kama nɛ e bee ta mbe alubi a ŋana maaŋ yɔ anishito kikɛ, ama Ebɔrɛ beeŋ wu esa nɛ e bee bugi to a kaŋɛ mbe alubi nsaa tuba a lar amo to bre kuwɔr.

Aizaaya 2:6

O Ebɔrɛ, fo kplaŋ Israɛlebi nɛ b la fo basa so, ŋkpal b ka yɔ efuli pɔtɛana nɛ a wɔ epeŋilarkpa be kaba so be bekpalpo kutɔ so. B daa luri Filisti be efuli so be belejipo so nna nseŋ daŋ naa tu nnyamase a ji keteri.

Jɛremaya 14:20

Enyɛnpe Ebɔrɛ, an wora alubi n da fo so. Anyi nɛ an nananyɛnana kikɛ wora n jija ŋkpal an ka kini fo nseŋ lar fo kaman so.

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Danɛl 9:20

N daa bugi to a kaŋɛ Enyɛnpe ma Ebɔrɛ na ma nɛ ma basa Israɛlebi be alubi nna nsaa kule mo fanɛ e naŋ lɔŋɛ m pɔr bɔrɛlambu cheembi na.

Hoziya 5:7

B maŋ naa ji kashenteŋ a sa Enyɛnpe Ebɔrɛ na. Bumo nɛ esakaleche e kurge mbia. Ŋkpal loŋ so bumo nɛ bumo be ndɔana kikɛ beeŋ mur kachɛ nɛ baaŋ ji bumo be kufɔl popɔr be kejigboŋ na.