Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nehemaya 9:16 - EBƆRƐ BE KAWƆL

16-17 Ama an nanaana nɛ b la ŋgbene kpakpasowuraana na daa maŋ wora fo kasonu. B daŋ teŋ emamachisheŋ nɛ fo daŋ wora n sa bumo na so nna, nseŋ daŋ yili kumo fanɛ baaŋ bɛta n yɔ Ijipt be efuli so n naŋ ya ki anya ndoŋ. Ama fo, anyi be Ebɔrɛ na bee wu kuwɔr, nsaa ta alubi a paŋ manaŋ manaŋ nna. Fo la alelaworpo nna nsaa kɔ kasha nɛ kanyiti. Jemanɛ nɛ b lɔŋɛ kenabi be kapɔrduli a bunyaŋ kumo na,

အခန်းကိုကြည့်ပါ။ ကော်ပီ




Nehemaya 9:16
33 ပူးပေါင်းရင်းမြစ်များ  

Amo nɛ amo kikɛ Israɛlebi na daa maŋ wora kasonu n sa Enyɛnpe Ebɔrɛ na. Bumo alɛ gba daa kɔ asoe kpakpaso nna fanɛ bumo nananyɛnana nɛ b daŋ kini keshuŋ Enyɛnpe bumo be Ebɔrɛ na.


An nananyɛnana daa maŋ ji kashenteŋ, bumo alɛ daa maŋ wora kasonu n sa Enyɛnpe an be Ebɔrɛ na. Mannɛ Enyɛnpe Ebɔrɛ na nawule nɛ b daŋ kini, b daŋ kplaŋ mbe bɔrɛlambu na gba so nna.


Menyi ere e sa maŋ wora amu kpakpaso fanɛ kananɛ men nananyɛnana daŋ wora na, ama men baa nu a sa Enyɛnpe Ebɔrɛ na. Men ba men Nyɛnpe Ebɔrɛ be bɔrɛlambu cheembi nɛ k wɔ Jerusalɛm na to m ba bunyaŋ mo saŋɛ na so e maaŋ naŋ nya agbo n wɔtɔ menyi.


Ewura Zɛdikaya daŋ kini kenu n sa ewura Nebukadneeza nɛ e daŋ tintiŋ mo nɛ e bɔ Ebɔrɛ fanɛ e beeŋ bugi kagbene a shuŋ mo na nna. E daa kɔ kumu kpakpaso nna nseŋ kini kechɛrga m bɛta m ba Enyɛnpe Israɛl be Ebɔrɛ na kutɔ.


Fo daa nyi kananɛ Ijipt be ewurgboŋ Fɛɛro nɛ mbe ekrachiana nɛ efuli na kikɛ be basa daŋ kɔrfɛ fo basa. Amoso fo daŋ wora emamachisheŋ nɛ e bee keta kufu nna ŋ gbiti Ijipt be efuli so be ewura Fɛɛro nɛ mbe basa nseŋ nya ketre lela nɛ k wɔtɔ hale nɛ mbre.


Fo kpele bumo kusoe fanɛ b bɛ fo keŋini so ama ŋkpal bumo be kamoowuso, b kini kebɛ fo mbra na so amo nɛ esa beeŋ bɛ so nseŋ nya kebaawɔtɔ lela, ama ŋkpal bumo be ŋgbene kpakpaso so b kini kewora fo kasonu.


Anyi nɛ an nanaana kikɛ wora asheŋ lubi ga.


O ma basa, men nu ma kasokpele ere. Israɛlebi, n daa beeŋ baa sha fanɛ men nu n sa ma!


nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”


Kumo be kaman nɛ Enyɛnpe Ebɔrɛ naŋ kaŋɛ Mosis: “N nyi kananɛ basa ere kɔ kusoe kpakpaso.


Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.


K daa beeŋ par ma ga fanɛ men ka beeŋ bɛ kusɔ nɛ n yili n sa menyi so! Aloŋ daa beeŋ shin nɛ men nya nɛfa fanɛ kananɛ kabombi bee nya nchu nsaa maa wɔlto na. Men daa beeŋ baa kɔ a pɔɔ so fanɛ kananɛ ketili bee ku teku so a ba kedeŋi so na.


N nyi menyi ka la amu kpakpaso wuraana, menyi be amu du kpakpa nna fanɛ abɛlso, nɛ menyi be nsɔto malɛ du kpakpa fanɛ danyaŋ.


Ade be kaman nɛ Enyɛnpe Ebɔrɛ be basa na lar mo kaman ŋ kilgi a kɔ mo nɛ mbe Kiyoyu Cheeŋ na be kagbene jija mo ga. Amoso Enyɛnpe Ebɔrɛ ki bumo doŋ nna nseŋ kɔ bumo.


fanɛ Enyɛnpetale, Israɛl be Ebɔrɛ na yɛ: “Meeŋ shin nɛ kasogberge nɛ ŋ kaŋɛ fanɛ meeŋ bar kadegboŋ ere nɛ nde kama nɛ e kulti kumo na so na kikɛ e ba amo so, ŋkpal menyi be ŋgbene ka du kpakpa nɛ menyi maa nu a sa ma mmalga so.”


Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?


Amo nɛ amo kikɛ men to be esa kikɛ m maa nu a sa ma. Menyi be ŋgbene bee wora kpakpa nna a ti so nɛ menyee kini ma nsaa lar ma kaman gba a chɔ men nananyɛnana na.


Ama Jerusalɛm to be basa lar ma kaman nseŋ kini kewora m bɛ ma mbraana nɛ ma atande so. B kplaŋ ma mbraana so nsaa wora alubi a chɔ efuliana nɛ a kulti bumo na gba.


Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.


Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.


N nyi kananɛ bumo be amu nɛ ŋgbene du kpakpa. Jemanɛ nɛ n wɔ bumo to gba, b lar Enyɛnpe Ebɔrɛ na kaman. Ma luwu be kaman bre baaŋ wora kumo nɛ k chɔ loŋ.


Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.


Nɛ fanɛ baaŋ baa kɔ le be nfɛra nsaa bunyaŋ ma jemanɛ kikɛ nseŋ naa wora ma mbraana kasonu, kumo ere asheŋ beeŋ nyalɛ n sa bumo nɛ bumo be kamanebi hale mbaanaayɔ.


Kede be kaman, nɛ Enyɛnpe Ebɔrɛ na naŋ kaŋɛ ma le: “N nyi kananɛ Israɛl be basa ere kpeŋ nsaa beeŋ tiŋ n lar ma kaman.


Baa nyiŋi Eebraham nɛ Aizek nɛ Jeekɔb nɛ b daa la fo nyɛrbi dra dra na be asheŋ, nsaa maŋ keni basa ere be ŋkpensheŋ nɛ kumukpakpaso nɛ kulubi nɛ b wora.


A daga men baa nyi fanɛ Enyɛnpe menyi be Ebɔrɛ na maa ta kasawule lela nɛ k bee wora adɔjibi ga na nna a sa menyi ŋkpal k ka daga menyi so. Mannɛ aloŋ nna, ŋkpal manɛ so, men kpeŋ nna.


Nɛ saŋɛ baa wɔtɔ nɛ baa tre kabre be saŋɛ, men baa leŋ abar to, saŋɛ na so, alubi be kafulesheŋ kama maaŋ shin nɛ menyi be ekama be kagbene e ki kpakpa.


Kumo alɛ nɛ men teŋ nu na fanɛ: “Men baŋ nu Ebɔrɛ be ebɔl kabre, men sa maŋ wora menyi be ŋgbene kpakpa fanɛ kananɛ b daŋ koso saŋko a kɔ Ebɔrɛ be eleŋ na.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ