Nehemaya 9:14 - EBƆRƐ BE KAWƆL

¹⁴ Fo yili kumo n sa bumo fanɛ b baa ta fo kewushiachɛ na fanɛ kachɛ cheembi. Fo daŋ kaŋɛ fo kayɛrbi Mosis nna fanɛ e ŋini bumo fo mbraana na.

Nehemaya 9:14 ပူးပေါင်းရင်းမြစ်များ

Jɛnesis 2:3

Amoso Ebɔrɛ daŋ nɛfa kachɛ shunusopo na nna n yili fanɛ kachɛ cheembi, ŋkpal manɛ so, kumo be kachɛ na nɛ e wushi ashi mbe durnya be keto be ashuŋ to.

Nehemaya 1:8

Jande nyiŋi kusɔ nɛ fo kaŋɛ fo kayɛrbi Mosis na, fanɛ nɛ anyi Israɛlebi maŋ ji kashenteŋ n sa fo, kumo ere feeŋ pesaŋ anyi to n yɔ efuli pɔtɛana ko so.

Nehemaya 10:32

An yili kumo nna fanɛ kafɛ kikɛ anyeeŋ sa gbiti be ndarbi gbrɛbi n chɛ Ebɔrɛ be lambu to be kushuŋ to.

Ɛksodɔs 16:23

Nɛ Mosis kaŋɛ bumo: “Enyɛnpe Ebɔrɛ nase mbra nna fanɛ echefo la mo gbagba be kachɛ cheembi nɛ e lara nɛ k baa la ewushi be kachɛ nna. Amoso, men tɔ amo nɛ menyee sha ketɔ edɛ to n ji nseŋ daŋɛ amo nɛ menyee sha kedaŋɛ n ji malɛ nseŋ ta amo nɛ a ka na n yili echefo.”

Ɛksodɔs 16:29

Keni! Men nyiŋi fanɛ ma, Enyɛnpe Ebɔrɛ na e sa menyi kewushiachɛ na, amoso nɛ kachɛ shesopo na mee sa menyi be ekama nchɛnnyɔ be ajibi na. Kachɛ shunusopo na, ekama e shir a wɔ mbe laŋ to. Esa kama e sa maŋ lar kowu kikɛ.”

Ɛksodɔs 24:12

Nɛ Ebɔrɛ kaŋɛ Mosis: “Dii m ba kaa jo ma kebee ere be esoso nɛ n sa fo ajembu pantraŋ pantrambi nɛ n sibɛ mbra nɛ ma mmalga n deŋi so nɛ a baa ŋini Israɛlebi kananɛ baaŋ ba wora asheŋ.”

Ezikɛl 20:11

Ndoŋ nɛ n sa bumo ma mbraana nɛ ma keŋini, nɛ b wora amo kasonu nseŋ pin kananɛ baŋ baa keta bumo be amu.

Ezikɛl 20:12

Kumo be kaman, nɛ n yili ma Kewushiachɛ n sa bumo nɛ k baa la ashi tɔɔnɛ ma nɛ bumo be kefɛato, saŋɛ na so baaŋ pin fanɛ ma, Enyɛnpe Ebɔrɛ na e shin nɛ b ki basa cheembi.

Ezikɛl 20:20

Men ta ma Kewushiachɛ naŋ ki kachɛ cheembi, saŋɛ na so k beeŋ baa la tɔɔnɛ a ŋini fanɛ men la ma basa nna nɛ ma alɛ la Enyɛnpe menyi be Ebɔrɛ na.

Levitikɔs 19:3

Men be ekama daga e sa mo nio nɛ mo tuto bunyaŋ, nseŋ ta Kewushiachɛ na kachɛ cheembi fanɛ kananɛ n yili n sa menyi na. Ma e la Enyɛnpe menyi be Ebɔrɛ na.

Levitikɔs 27:34

Mbraana nɛ Enyɛnpe Ebɔrɛ na yili n sa Mosis ashi Sainai be kebee na so fanɛ e ta n sa Israɛlebi na nna na.

Baru lela nɛ Jɔn kute na 1:17

Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Ditɛronɔmi 4:45

Israɛl be basa na ka lar Ijipt be efuli so m ba fo ketaŋɛ nɛ k dese Jɔɔdan be lɔr na be epeŋilarkpa be kaba so m mata kakpa nɛ baa tre Bɛf Piyɔɔ na, nɛ Mosis ta mbraana ere n sa bumo. Amɔriebi be ewura Sihɔn nɛ e daŋ chena Hɛshbɔn n ji kuwura na be kasawule e daa la kumo. Mosis nɛ Israɛl be basa na daŋ kɔ m pɔɔ mo

Ditɛronɔmi 4:5

Mbraana nɛ Enyɛnpe, ma Ebɔrɛ na ta n sa ma na kikɛ nɛ ŋ ŋini menyi na. Men wora amo kasonu ashi kasawule nɛ menyee yɔ nɛ men ya kɔ n sɔ n chena so na so.

Ditɛronɔmi 5:31

Ama fo ere, Mosis, e shir ma kutɔ nfe nɛ n ta ma mbraana kikɛ n sa fo nɛ fo ta amo n ya ŋini basa na, saŋɛ na so baaŋ baa wora amo kasonu ashi kasawule nɛ mee sa bumo na so.”