Nehemaya 9:13 - EBƆRƐ BE KAWƆL

¹³ Fo daŋ shi ebɔrɛso nna ŋ gbelge m ba Sainai be kebee na so m ba sa fo basa mbra nɛ keŋini nɛ a walɛ ga n sa bumo.

Nehemaya 9:13 ပူးပေါင်းရင်းမြစ်များ

2 Bewura 17:37

Men baa bɛ mbra nɛ keŋini nɛ n ta n sa menyi na so kpakpa. Men sa maŋ kaŋ shuŋ kegbir kikɛ.

Ɛzra 7:6

Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Nshɛ 119:137

O Enyɛnpe Ebɔrɛ, fo niŋi nna nɛ fo mbraana malɛ bɔla ekpa.

Nshɛ 119:160

Fo mmalga kikɛ la kashenteŋ nna, nɛ fo mbraana nɛ a niŋi na wɔtɔ mbaanaayɔ.

Nshɛ 119:4

Enyɛnpe Ebɔrɛ, fo e sa anyi fo mbraana na, nsaa sha fanɛ an baa wora amo kasonu kashenteŋto.

Ɛksodɔs 16:23

Nɛ Mosis kaŋɛ bumo: “Enyɛnpe Ebɔrɛ nase mbra nna fanɛ echefo la mo gbagba be kachɛ cheembi nɛ e lara nɛ k baa la ewushi be kachɛ nna. Amoso, men tɔ amo nɛ menyee sha ketɔ edɛ to n ji nseŋ daŋɛ amo nɛ menyee sha kedaŋɛ n ji malɛ nseŋ ta amo nɛ a ka na n yili echefo.”

Ɛksodɔs 19:11

nseŋ wora shiriya a jo ma eklade. Kumo be kachɛ ma, Enyɛnpe Ebɔrɛ na beeŋ gbelge m ba Sainai be kebeegboŋ na so ashi basa na kikɛ be anishito.

Ɛksodɔs 20:1

Ade kikɛ be kaman nɛ Ebɔrɛ malga le be mmalga ere kikɛ ŋ kaŋɛ:

Ɛksodɔs 20:22

Ndoŋ nna nɛ Enyɛnpe Ebɔrɛ kaŋɛ Mosis fanɛ e kaŋɛ Israɛlebi na le: “Menyi gbagba wu nseŋ nu kananɛ ma, Enyɛnpe Ebɔrɛ na malga n sa menyi ashi ebɔrɛso nna na.

Aizaaya 64:1

Enyɛnpe Ebɔrɛ, bugi awɔlpa to nseŋ gbelge m ba nɛ kufu e pɛ abee nɛ a baa chicha.

Aizaaya 64:3

Jemanɛ ko daŋ fo nɛ fo wora asheŋgboŋ nɛ a bee mɔ kɔnɔ nɛ anyi daa maa fɛ fanɛ feeŋ wora amo. Abee ka wu fo nɛ kufu pɛ amo nɛ e bee chicha.

Habakuk 3:3

Fo e la Ebɔrɛ cheembi nɛ fo shi kadegboŋ nɛ baa tre Tɛman ashi Edɔm be keshishɛrsawule so nɛ kebee nɛ baa tre Paran na so a ba na. Fo kela nɛ kemaŋkura parga to m buu esoso kikɛ so nna, nɛ fo kapandi malɛ sɔ kasawule so be kaplɛkama.

Romebi 7:16

Nɛ ma alɛ baa wɔtɔ a wora asɔ nɛ m maa sha kebaawora, kumo ere mee ŋini fanɛ mbra na kɔ kashenteŋ nna na.

Ditɛronɔmi 33:2

“Enyɛnpe Ebɔrɛ na daŋ shi Sainai be kebeegboŋ na so nna n nyaŋɛ fanɛ epeŋi n yuu Edɔm be kasawule so nɛ mbe kemaŋkura buu mbe basa so ashi Paran be kebeegboŋ na so. Emalaika ŋgboŋ kudu e daa wɔ mo kutɔ, nɛ edɛ daa suse wuloŋ wuloŋ mbe enɔjiso to.

Ditɛronɔmi 4:33

Basa ko malɛ daŋ nu Ebɔrɛ be ebɔl ka shi edɛ to a malga bumo kutɔ fanɛ kananɛ men nu ere nseŋ kraa wɔ ŋkpa to a?

Ditɛronɔmi 4:36

E daŋ shin nɛ mbe ebɔl shi ebɔrɛso m ba nɛ men nu, saŋɛ na so e beeŋ ŋini menyi asheŋ. Mo alɛ naŋ shin nɛ men wu mbe edɛ cheembi kasawule ere so nna nɛ e bɔla kumo to m malga n sa menyi.

Ditɛronɔmi 4:8

Efuligboŋ ŋko kefimbi kikɛ maŋ wɔtɔ a kɔ mbraana nɛ a walɛ fanɛ amo nɛ ŋ ŋini menyi kabre ere.

Ditɛronɔmi 5:4

Enyɛnpe Ebɔrɛ na daŋ bɔla edɛ to nna m malga n sa an nananyɛnana ashi kebeegboŋ na ase nɛ b nu mbe ebɔl.