12 B ka dii teku na be kaman, karechɛ kikɛ fo daa bɔla awɔlpa to nna a juŋkpar fo basa kapaso, nsaa bɔla edɛ be kabɔlpi so a juŋkpar a ŋini bumo ekpa kanyɛso.
“Ŋkpal fo kuwɔrwu ka shi ga so fo daa ŋini bumo ekpa nna saŋkikɛ, fo alɛ daa maŋ yige bumo n lɛ keshishɛrsawule so. Fo daa bɔla kuwɔlpa so nna a ŋini bumo ekpa kapaso nsaa bɔla edɛ be kabɔlpi so a juŋkpar bumo kanyɛso.
Ŋkpal ŋ ka ta ma yirda n deŋi fo so so, shin nɛ m baa nyiŋi fo kasha nɛ k maa loge na be asheŋ kachipurso kikɛ. Mee kule fo nna nɛ fo ŋini ma ekpa nɛ meeŋ baa bɔla so a wora asheŋ.
Feeŋ bɔla fo kasha nɛ k maa chɛrga na so n juŋkpar basa mo nɛ fo sɔ n yige na, nsaa ta fo eleŋ na a juŋkpar ŋ ŋini bumo ekpa nɛ b ya fo kakpa cheembi nɛ fo wɔ na.
Loŋ be kachɛ na nɛ e nase kɔnɔ fanɛ e beeŋ lara bumo Ijipt be efuli so n yɔ kasawule nɛ k kɔ kanya alegaiso nsaa wora adɔjibi ga nseŋ naa la kasawule nɛ k walɛ a chɔ nsawule kikɛ nɛ mo gbagba fin n yili bumo na so.
Saŋko malɛ kuwɔlpa na bee yili kanyɛso nna n ya fo kachipurso nawule. Saŋkama malɛ nɛ k baŋ tia, bumo alɛ gba bee kaa keeyi na to nna m bɛ kumo so a yɔ.
nɛ jemanɛ kikɛ e daa juŋkpar menyi a ŋini menyi kakpa nɛ menyi beeŋ yuu keeyi n chena ashi menyi be enite to na be kɔnɔ so. Edɛ be kabulpi so nɛ e daa bɔla a juŋkpar menyi kanyɛso, nsaa bɔla kuwɔlpa so a juŋkpar menyi kapaso a ŋini menyi ekpa nɛ kakpa nɛ menyi beeŋ yuu keeyi n chena.