Nehemaya 9:1 - EBƆRƐ BE KAWƆL

¹ Kufɔl shunusopo na be kachɛ adunyɔ nɛ ana na nɛ Israɛlebi na shɛr ŋ kishi nseŋ buu nli be nle nseŋ wora eshishɛr ŋ gbiti bumo be amu to a ŋini bumo be ŋgbene ka jija bumo ŋkpal bumo be alubi so so.

Nehemaya 9:1 ပူးပေါင်းရင်းမြစ်များ

2 Samuɛl 1:2

Kumo be nchɛ asa be kaman nɛ kabrantiɛbia ko shi ewura Sɔɔl be keeyi to m ba. E daŋ kpɛa mbe asɔbuuso to nna nseŋ wora shishɛr n wurge mbe kumu so a ŋini kagbenejija nɛ k tɔr mo so. Kumo be kaman nɛ e yɔ Deevid kutɔ n ya jɔŋɛ m bunyaŋ mo.

2 Kronikɛls 20:3

Ndoŋ nna nɛ kufu pɛ Jehoshafat ga nɛ e kule Enyɛnpe Ebɔrɛ fanɛ e ŋini mo kusɔ nɛ e beeŋ wora. Kumo be kaman nɛ e shin nɛ efuli na be basa kikɛ kishi ŋ kule Ebɔrɛ n sa mo.

2 Kronikɛls 7:10

Kumo be ŋklade nɛ k la kufɔl shunusopo na be nchɛ adunyɔ nɛ asa na, nɛ ewura Sɔlɔmɔn shin nɛ basa na kikɛ yɔ bumo peana. Bumo be ŋgbene daŋ fuli bumo ga ŋkpal kananɛ Enyɛnpe Ebɔrɛ daŋ nɛfa mbe basa Israɛlebi, nɛ ewura Deevid nɛ ewura Sɔlɔmɔn so.

Ɛzra 8:21

Ahava be kabombi na ase nɛ ŋ kaŋɛ fanɛ a daga an kikɛ ka kishi nseŋ bar anyi be amu kaseto ashi Ebɔrɛ be anishito nseŋ kule mo nɛ e juŋkpar anyi nseŋ keni anyi nɛ anyi be mbia nɛ anyi be asɔ kikɛ so ashi anyi be enite to.

Ɛzra 8:23

Ndoŋ nna nɛ an kishi ŋ kule Ebɔrɛ fanɛ e kuŋ anyi nɛ mo alɛ nu anyi be kekule.

Nehemaya 8:2

Ndoŋ nna nɛ Ɛzra ya ta mbra be kawɔl na m ba. Benyɛn nɛ beche nɛ mbia nɛ baa pin asheŋ to na kikɛ e daŋ shɛr ndoŋ.

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Ɛsta 4:3

Efuli na so be kaplɛkama malɛ nɛ b kraŋ kawɔl na jimaŋ to, Juwebi nɛ b wɔ ndoŋ bee teŋi keeli nna a boŋto a shu. B daŋ kishi nna nseŋ shu ga nɛ bumo be bedamta ta kagbenejijaso be asɔbuuso m buu nseŋ dese nsunɔ to.

Job be kawɔl 2:12

B kraa wɔ kufɔ kufɔ nna nseŋ wu Job, ama b daa maŋ pin mo. B ka ba pin fanɛ Job nna nɛ b fara a shu a boŋ to awɔrso nseŋ kpɛa bumo be asɔbuuso to nsaa wora eshishɛr a wurge bumo be amu so a ŋini fanɛ bumo be ŋgbene jija bumo.

Aizaaya 22:12

Enyɛnpetale Ebɔrɛ na daŋ kaŋɛ menyi loŋ be kachɛ na fanɛ men baa shu anishichubi nsaa boŋ to awɔrso, nseŋ she menyi be amu m buu keeli be asɔbuuso.

Jowɛl 2:12

Ama naniere Enyɛnpe Ebɔrɛ na yɛ: “Men lar men be alubi to m bugi men be ŋgbene n sa ma kashenteŋto nseŋ ta ekishi nɛ anishichubi nɛ ŋgbenejija be kushu m bɛta m ba ma kutɔ.

Levitikɔs 23:39

Jemanɛ kikɛ nɛ men dɔ n teŋi, men ji Abuu to be Kachɛgboŋ ere m bunyaŋ Enyɛnpe Ebɔrɛ na. Menyeeŋ fara kufɔl shunusopo na be kachɛ kuduanusopo na n ji kumo nchɛnshunu. Kachɛ sososo na la kewushiachɛ nna nɛ kachɛ burwasopo na gba la kewushiachɛ.

Joshuwa 7:6

Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”

Demujipoana 20:26

Ndoŋ nna nɛ Israɛl be basa na kikɛ yɔ Bɛtɛl, kakpa nɛ baa shuŋ Ebɔrɛ na, n ya shu ga a maŋ ji shɛŋ ashi Enyɛnpe Ebɔrɛ be anishito hale nɛ epeŋi ya tɔr. Kaase ka fo nɛ b lara esarga chɔɔso nɛ kɔnɔkoŋwule be esarga n sa Enyɛnpe Ebɔrɛ na a fin mbe nɛfa.

1 Samuɛl 4:12

Kumo be kamɔnchɛ na kikɛ nɛ Bɛnjamin be kanaŋ to be enapo ko shile kena na to n yɔ Shilo. E daŋ kpɛa mbe asɔbuuso to nna nseŋ muu shishɛr n wurge mbe kumu so a ŋini kagbenejija nɛ k tɔr mo so.

1 Samuɛl 7:6

Nɛ Israɛlebi na ba shɛr abar so ashi Mizpa. Samuɛl e daa la bumo be ejuŋkparpo. B daŋ saŋ nchu nna n chulgi n wurge kasawule fanɛ sarga n sa Enyɛnpe Ebɔrɛ. Bumo alɛ daŋ kishi kumo be kamɔnchɛ kikɛ nna nseŋ bugi to ŋ kaŋɛ Enyɛnpe Ebɔrɛ fanɛ b wora alubi n da mo so.