Nehemaya 8:7 - EBƆRƐ BE KAWƆL

^7-8 B ka wora loŋ n loge nɛ b koso n yili nɛ Joshuwa nɛ Bani nɛ Sherebia nɛ Jamin nɛ Akkub nɛ Shebataya nɛ Hodia nɛ Maaseia nɛ Kɛlita nɛ Azariya nɛ Jozabad nɛ Hanan nɛ Pɛleeyaa nɛ b la Livaiebi na luri basa na to n ya kaa kute mbra nɛ Ɛzra kraŋ na be afito a ŋini bumo.

Nehemaya 8:7 ပူးပေါင်းရင်းမြစ်များ

1 Bewura 8:14

Israɛlebi na kikɛ daŋ shɛr abar so a yil ndoŋ nna nɛ ewura Sɔlɔmɔn kilgi mbe anishito n shoŋi bumo nseŋ nɛfa bumo.

2 Kronikɛls 30:22

Ewura Hɛzekaya daŋ chɔrɔ Livaiebi na nna ŋkpal kenyi nɛ b daa kɔ a juŋkpar basa nɛ baa bunyaŋ Enyɛnpe Ebɔrɛ na so. Nchɛ ashunu nɛ b ta n lara sarga n di Enyɛnpe bumo nananyɛnana be Ebɔrɛ na epaŋ na be kaman,

2 Kronikɛls 35:3

Kusɔ nɛ e daŋ kaŋɛ Livaiebi nɛ b ta m bɔɔ Enyɛnpe Ebɔrɛ enɔ nɛ b la Israɛlebi be mbra ŋinipoana na nde: “Men maaŋ naa sulɔ Enyɛnpe Ebɔrɛ be ŋkre be deka cheembi na a nite a kilgi to, ŋkpal manɛ so k tea yil bɔrɛlambu nɛ ewura Sɔlɔmɔn nɛ e la ewura Deevid pibinyɛn na pɔr nɛ menyeeŋ baa shuŋ Enyɛnpe men be Ebɔrɛ na nɛ mbe basa Israɛlebi na to nna.

Ɛzra 8:18

Ŋkpal Ebɔrɛ be kuwɔrwu ka daa wɔ anyi so so, Livainyɛn ko nɛ e shi Maali be kabuna nɛ baa tre mo Shɛribiya na nɛ b daŋ lara n sa anyi. E daa shuŋ ga. Mo nɛ mbe mbinyɛnsobi nɛ mo siponyɛnsoana kuduaburwa e daŋ ba.

Nehemaya 10:18

nɛ Hodia nɛ Haashum nɛ Bɛzai,

Nehemaya 10:2

Seria nɛ Azariya nɛ Jɛremaya, nɛ Paasha nɛ Amariya nɛ Malkija nɛ Haatush nɛ Shebania nɛ Maluk nɛ Harim nɛ Meremɔf nɛ Obadaya nɛ Danɛl nɛ Ginetɔn nɛ Baruk nɛ Mɛshulam nɛ Abija nɛ Mijamin nɛ Mazia nɛ Bilgai nɛ Shemaya.

Nehemaya 11:16

Bumo nɛ b bɛ so e la Shabbeta nɛ Jozabad nɛ b daa la Livaiebi na be benimu nsaa keni bɔrɛlambu na be kowushina be ashuŋ so na.

Nehemaya 11:19

Basa nɛ b daa keni mbunaana na so na malɛ e daa la Akuub nɛ Taalmɔn nɛ mo kurgepoana. B daa la basa kalfa nɛ adushunu nɛ anyɔ nna.

Nehemaya 12:33

Kumo be kaman nɛ Azariya nɛ Ɛzra nɛ Mɛshulam nɛ b la bɔrɛmatapoana na

Nehemaya 3:17

Livaiebi nɛ b lɔŋɛ m pɔr egbal na n chɔga so na e daa la Bani pibinyɛn Rehum nɛ Hashabia nɛ e daa keni Keyila be kebonfu be bargato so na. Mo ere daŋ yili mbe kebonfu be katelamu to n shuŋ kushuŋ na nna.

Nehemaya 3:19

Joshuwa pibinyɛn Eza nɛ e daa keni Mizpa be kade so na e daŋ lɔŋɛ m pɔr kaba nɛ k wɔ kakpa nɛ b daa yili benapo be akɔsɔ na be anishito hale n ya fo kakpa nɛ b gbɛ egbal na.

Nehemaya 3:23

Nɛ Bɛnjamin nɛ Hashuub malɛ lɔŋɛ m pɔr egbal na be mba nɛ a bɛ so nsaa wɔ bumo elaŋ be anishito na. Maasaya pibinyɛn Azariya nɛ mo nananyɛn daa la Ananaya na malɛ e lɔŋɛ m pɔr egbal na be mba nɛ a bɛ so nsaa wɔ bumo be elaŋ be anishito na.

Nehemaya 8:12

Kumo be kaman nɛ basa na kikɛ lar n yɔ bumo peana n ya ji nseŋ nuu kagbenefuliso Bumo alɛ daŋ chige ajibi nɛ asɔnuuso nna n sa beko, ŋkpal manɛ so, b pin kusɔ nɛ mbra nɛ b kraŋ n sa bumo na bee ŋini.

Nehemaya 8:4

B daŋ ta ndibi n yuu kejaŋ nna nɛ Ɛzra yili kumo so loŋ be kachɛ nna. Basa nɛ b daa yil mbe jisoso a la Mattitia nɛ Shema nɛ Anaya nɛ Yuriya nɛ Hilkiya nɛ Maseya. Bumo nɛ bumo alɛ daa yil mbe bena so malɛ e daa la Pedaya nɛ Mishaal nɛ Malkiya nɛ Hashum nɛ Hash Badaana nɛ Zakareya nɛ Mɛshulam.

Nehemaya 8:6

Ɛzra ka kraŋ kawɔl na n loge nɛ e kaŋɛ: “Kemaŋkura e baa la Enyɛnpe Ebɔrɛ nɛ e shi ga na peya!” Nɛ basa na kikɛ maŋ bumo be enɔana esoso nseŋ shuli so ŋ kaŋɛ: “Amɛn! Amɛn!” Kumo be kaman nɛ b gbir ŋ kurgi bumo be amu n yuu to m bunyaŋ Enyɛnpe Ebɔrɛ na.

Nehemaya 9:3

Awa asa nɛ b yil a nu b ka bee kraŋ Enyɛnpe bumo be Ebɔrɛ na be mbra be kawɔl na. Kumo be kaman nɛ b naŋ ta awa asa malɛ ŋ kule Ebɔrɛ ŋ kaŋɛ bumo be alubi nseŋ bunyaŋ Enyɛnpe Ebɔrɛ na.

Nehemaya 9:4

Ndoŋ nna nɛ Joshuwa nɛ Kadmiɛl nɛ Bani nɛ Shebania nɛ Bunni nɛ Sherebia nɛ Bani nɛ Chenani dii n yili kejaŋ nɛ k yuu n sa Livaiebi na so ŋ kule Enyɛnpe bumo be Ebɔrɛ na awɔrso.

Levitikɔs 10:11

Menyi alɛ e ŋini Israɛlebi na mbraana nɛ m bɔla Mosis so n ta n sa menyi na kikɛ nyam.”

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Ditɛronɔmi 33:10

Bumo e naaŋ ŋini fo basa fo mbra nɛ b bɛ amo so. Bumo alɛ e naaŋ baa lara esarga fo bɔrɛsure so.