Nehemaya 8:6 - EBƆRƐ BE KAWƆL

⁶ Ɛzra ka kraŋ kawɔl na n loge nɛ e kaŋɛ: “Kemaŋkura e baa la Enyɛnpe Ebɔrɛ nɛ e shi ga na peya!” Nɛ basa na kikɛ maŋ bumo be enɔana esoso nseŋ shuli so ŋ kaŋɛ: “Amɛn! Amɛn!” Kumo be kaman nɛ b gbir ŋ kurgi bumo be amu n yuu to m bunyaŋ Enyɛnpe Ebɔrɛ na.

Nehemaya 8:6 ပူးပေါင်းရင်းမြစ်များ

Jɛnesis 14:22

Nɛ Eebram kaŋɛ: “M bɔ ntaŋ Enyɛnpe Ebɔrɛ Ewurgboŋ nɛ e to esoso nɛ kasawule na be anishito

Jɛnesis 24:26

Kanyɛn na ka nu loŋ na nɛ e gbir m bunyaŋ Enyɛnpe Ebɔrɛ na

1 Kronikɛls 16:36

Men di Enyɛnpe Israɛl be Ebɔrɛ na epaŋ! Men di mo epaŋ naniere hale mbaanaayɔ! Ndoŋ nna nɛ basa na kikɛ shuli so ŋ kaŋɛ le: “Amɛn” Nseŋ di Enyɛnpe Ebɔrɛ epaŋ.

1 Kronikɛls 29:10

Ewura Deevid daŋ yili basa na kikɛ be anishito nna n di Enyɛnpe Ebɔrɛ epaŋ ŋ kaŋɛ le: “Enyɛnpe Ebɔrɛ nɛ fo la an nana Jeekɔb be Ebɔrɛ na, kapandi e baa la fo peya mbaanaayɔ!

1 Kronikɛls 29:20

Kede be kaman nɛ ewura Deevid kaŋɛ basa na kikɛ le: “Men di Enyɛnpe men nananyɛnana be Ebɔrɛ na epaŋ.” Ndoŋ nna nɛ basa na kikɛ di Ebɔrɛ epaŋ nseŋ jɔŋɛ ŋ kurgi bumo be amu n yuu to m bunyaŋ Enyɛnpe Ebɔrɛ nɛ ewura Deevid kikɛ.

2 Kronikɛls 20:18

Ndoŋ nna nɛ ewura Jehoshafat nɛ basa na kikɛ kurgi amu n yuu to, m bunyaŋ Enyɛnpe Ebɔrɛ.

2 Kronikɛls 29:10

Naniere bre ma nɛ Enyɛnpe nɛ e la Israɛl be Ebɔrɛ na beeŋ tiŋi ŋkre dra na to. Ashere nɛ n wora loŋ, mbe agbo maaŋ naa wɔ anyi so.

2 Kronikɛls 29:30

Ewura na nɛ efuli na so be bejuŋkparpoana na daŋ kaŋɛ Livaiebi na nna fanɛ b baa boŋ nshɛ nɛ ewura Deevid nɛ anebi Asaf daŋ sibɛ n nase na. B ka bee boŋ amo nɛ ekama be kagbene fuli nɛ b gbir m bunyaŋ Ebɔrɛ.

2 Kronikɛls 6:4

Le nɛ e daŋ kaŋɛ: “Kapandi e baa la Enyɛnpe Ebɔrɛ nɛ e la Israɛl be Ebɔrɛ na peya! Mo e daŋ shin nɛ mbe nnɔ naseso bɔlɔ so n sa n tuto ewura Deevid nseŋ kaŋɛ mo fanɛ,

Nehemaya 5:13

Kumo be kaman nɛ n saŋɛ kreso nɛ n ta n chɛ ma kashɛr to na nseŋ gbaŋgbaŋ kumo to a ŋini fanɛ loŋ nɛ Ebɔrɛ beeŋ gbaŋgbaŋ bekama nɛ b maa bɛ bumo be nnɔ nase so so na. Kumo alɛ be kaman nɛ ŋ kaŋɛ le: “Ebɔrɛ beeŋ sɔ men be ebuana nɛ kusɔ kama nɛ men kɔ, saŋɛ na so, men maa naa kɔ shɛŋ.” Ndoŋ nna nɛ bekama nɛ b daa wɔ ndoŋ na shuli so ŋ kaŋɛ: “Amɛn!” Kumo be kaman nɛ b di Enyɛnpe Ebɔrɛ na epaŋ. Ade kikɛ be kaman nɛ bejuŋkparpoana na bɛ bumo be nnɔ naseso so.

Nehemaya 8:7

B ka wora loŋ n loge nɛ b koso n yili nɛ Joshuwa nɛ Bani nɛ Sherebia nɛ Jamin nɛ Akkub nɛ Shebataya nɛ Hodia nɛ Maaseia nɛ Kɛlita nɛ Azariya nɛ Jozabad nɛ Hanan nɛ Pɛleeyaa nɛ b la Livaiebi na luri basa na to n ya kaa kute mbra nɛ Ɛzra kraŋ na be afito a ŋini bumo.

Nshɛ 134:2

Men maŋ menyi be enɔana so kabɔrɛkule to ashi Enyɛnpe Ebɔrɛ be bɔrɛlambu to ŋ kpaŋ mo.

Nshɛ 141:2

Nu ma kekule fanɛ duwu be efɛa belbelso, nseŋ wu ma enɔana nɛ m maŋ so ere fanɛ kaaseso be sarga nɛ mee lara a sa fo.

Nshɛ 28:2

Jande, nu ma kekule, saŋɛ so nɛ m maŋ ma enɔana so n shoŋi fo bɔrɛlambu cheembi na a bunyaŋ fo nsaa kule fo, a fin kechɛto ere.

Nshɛ 41:13

Kechɔrɔ e baa la Enyɛnpe Israɛl be Ebɔrɛ na peya hale mbaanaayɔ. Amɛn.

Nshɛ 63:4

Meeŋ di fo epaŋ saŋɛ so nɛ n wɔ ŋkpa to kikɛ; nseŋ maŋ ma enɔana so ashi fo ketre to.

Nshɛ 95:3

Ŋkpal manɛ so, Enyɛnpe Ebɔrɛ na e la Ewurgboŋ; agbirana maŋ la shɛŋ mbe anishito.

Ɛksodɔs 12:27

Men kaŋɛ bumo fanɛ: ‘K la Enyɛnpe Ebɔrɛ be kebansonchoŋ be sarga nna. E daŋ baŋ anyi Israɛlebi be nwu so nna ashi Ijipt be efuli so nseŋ ya mɔ Ijiptebi be ewurkoŋnyɛnana, ama shɛŋ daa maŋ wora anyi ere be basa.’ ” Ndoŋ nna nɛ Israɛlebi gbir m bunyaŋ Enyɛnpe Ebɔrɛ na.

Ɛksodɔs 4:31

nɛ b yirda kusɔ nɛ e kaŋɛ na. Kumo be buushi, Israɛlebi na ka nu fanɛ Enyɛnpe Ebɔrɛ wu kananɛ baa tɔrɔ bumo na nsaa shin nɛ e chɛ bumo to nɛ b gbir m bunyaŋ mo.

Jɛremaya 28:6

“Enyɛnpe Ebɔrɛ na e shin nɛ kusɔ nɛ fo kaŋɛ ere gbagba e wora m bɔlɔ so loŋ. Mee tama fanɛ e daŋ bɛta asɔ kama nɛ Babilɔnebi na ta ashi bɔrɛlambu ere to nɛ anyi be basa nɛ b daŋ pɛ n yɔ Babilɔn be efuli so na m ba, k beeŋ par ma.

Nfabel 3:41

Men shin nɛ an bugi anyi be ŋgbene n sa Ebɔrɛ nɛ e wɔ ebɔrɛso na nseŋ kaŋɛ mo le:

Levitikɔs 9:24

Epul na to nɛ Enyɛnpe Ebɔrɛ na shin nɛ edɛ ba buu sarga chɔɔso na nɛ nfɔ na kikɛ so bɔrɛsure na so n chɔɔ amo m mur. Basa na kikɛ ka wu loŋ nɛ b boŋ to kagbenefuliso n ta enɔana m buu bumo be anishi so nseŋ kur amu n yuu to.

Matiu 26:39

Ndoŋ nna nɛ e yɔ anishito gbrɛbi n ya gbir n kur kumu n yuu nseŋ kule Ebɔrɛ ŋ kaŋɛ le: “N Tuto, nɛ ekpa wɔtɔ, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

1 Kɔrintebi 14:16

Nɛ fee ta fo kiyoyu a chɔrɔ Ebɔrɛ, nuso nɛ esa pɔtɛ mo nɛ e ba asɔri na to ŋkaa maa nu ŋgbar na bee wora a shuli ‘Amɛn’ a wɔtɔ fo kechɔrɔ na to? Ŋkpal manɛ so, e maŋ nyi kusɔ nɛ fee kaŋɛ.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

1 Timoti 2:8

Mee sha nna fanɛ kaplɛkama benyɛn nɛ b maa ta bumo be enɔana a shuŋ alubi e baa maŋ amo so kabɔrɛkule to nsaa maa keta kanya agbo ŋko a kini keyirda fanɛ Ebɔrɛ bee nu kabɔrɛkule.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

Kelaraŋŋini 7:11

Saŋɛ ere malɛ kikɛ nɛ emalaika na kikɛ yili ŋ kulti kuwurputi na nɛ bejuŋkparpoana na nɛ asɔbɔya keniso ana na. Ndoŋ nna nɛ b gbir nseŋ dese kasawule kuwurputi na be anishito m maŋ Ebɔrɛ so