Nehemaya 8:3 - EBƆRƐ BE KAWƆL

³ Yili kachipurdidi n ya fo kapiidi nɛ e yili kelɔnɛ nɛ k mata kabuna so a kraŋ mbra be kawɔl na a sa basa na nɛ baa nu kumo nɛnɛ.

Nehemaya 8:3 ပူးပေါင်းရင်းမြစ်များ

Nehemaya 13:1

Kachɛ nɛ b kraŋ Mosis be mbra na awɔrso n sa ekama na nɛ kelar efuli fanɛ Ammɔnebi nɛ Mowabebi maŋ daga fanɛ b ti Ebɔrɛ be basa so.

Nehemaya 8:1

Afɔl ashunu nɛ Israɛlebi na daŋ ta n chena bumo be ndeana to n loge. Kufɔl shunusopo na to be kachɛ sososo na nɛ bumo kikɛ gama abar so ashi Jerusalɛm be kadegboŋ na to be kelɔnɛ nɛ k dese kabuna nɛ baa tre Nchu be Kabuna na ase. Kumo be kaman nɛ b kaŋɛ bɔrɛmatapo Ɛzra, nɛ e daa ŋini mbra nɛ Ebɔrɛ daŋ bɔla an nananyɛn Mosis so n ta n sa Israɛlebi na, fanɛ e ya ta mbra be kawɔl na m ba.

Nehemaya 8:18

Baŋ yili kachɛ nɛ b fara kachɛgboŋ na be keji n ya fo kumo be kachɛ shunusopo na, Ɛzra daa kraŋ mbra be kawɔl na nna a sa basa na karechɛ kikɛ. Kachɛ burwasopo na nɛ ekama gama abar so nɛ b bunyaŋ Ebɔrɛ, fanɛ kananɛ mbra na ŋini na.

Nehemaya 8:4

B daŋ ta ndibi n yuu kejaŋ nna nɛ Ɛzra yili kumo so loŋ be kachɛ nna. Basa nɛ b daa yil mbe jisoso a la Mattitia nɛ Shema nɛ Anaya nɛ Yuriya nɛ Hilkiya nɛ Maseya. Bumo nɛ bumo alɛ daa yil mbe bena so malɛ e daa la Pedaya nɛ Mishaal nɛ Malkiya nɛ Hashum nɛ Hash Badaana nɛ Zakareya nɛ Mɛshulam.

Nehemaya 8:5

Ɛzra daŋ yili kejaŋ jeŋgreŋ na so nna a keni basa na kaseto nɛ bumo alɛ gba be anishi yuu mo so. E ka bugi kawɔl na to a kraŋ na kikɛ nɛ basa na kikɛ yil nna.

Maak 12:37

Deevid gbagba daŋ tre mo mo Nyɛnpe. Nɛ nuso nɛ Kristo na beeŋ wora a la mo nanabi?” Jimaŋ damta ko daŋ nu mbe kamalga na nɛ bumo be ŋgbene fuli bumo.

Luuk 19:48

Ama bumo alɛ daa maŋ tiŋ n nya shɛŋ n wora ŋkpal kananɛ basa daŋ baa wɔtɔ a nu mbe kamalga na so.

Luuk 8:18

Amoso, men baa da so kananɛ menyeeŋ nu asheŋ so, ŋkpal manɛ so, ekama nɛ e kɔ beeŋ nya n ti so, ama ekama nɛ e maŋ kɔ shɛŋ na gba, baaŋ sɔ gbrɛ nɛ e bee tama fanɛ e kɔ na gba mo kutɔ.”

Ashuŋ Shunso 13:15

Esa ko ka kraŋ Mosis be mbraana na nɛ anebiana be nwɔl na be mboŋ ko n loge nɛ nshɛrbu na to be benimuana na shuŋi kabɔ bumo kutɔ ŋ kaŋɛ: “Bekurgepoana, nɛ men kɔ kamalga nɛ menyeeŋ ta ŋ leŋ basa ere to, men baa malga.”

Ashuŋ Shunso 13:27

Ŋkpal manɛ so, basa nɛ bumo nɛ bumo be benimu wɔ Jerusalɛm to ere daa maŋ nyi fanɛ mo e la emɔlgapo na, bumo alɛ daa maŋ pin anebiana be mmalga nɛ b sibɛ n nase nɛ b baa kraŋ amo kewushiachɛ kama na gba to. Ama bumo alɛ daŋ shin nɛ b mɔ Yesu n shin nɛ anebiana be mmalga na bɔla ekpa.

Ashuŋ Shunso 15:21

Ŋkpal manɛ so, basa ka fara a kraŋ Mosis be mbra na ashi nshɛrbuana to kewushiachɛ kama na nɛ kananɛ b malga amo be asheŋ kade kama to na chɛr ga kabre.”

Ashuŋ Shunso 16:14

Ndoŋ nɛ an ya chena m malga n sa beche ko ka ba shɛr. Beche nɛ b daŋ nu anyi be kamalga na be eko e daa la Libiya, e daa la ewajɛ peper kunɔkunɔ nɛ amo be yawu daa du kpakpa na be efapo nna n shi Tayataira. E daa la eche nɛ e daŋ bunyaŋ Ebɔrɛ nna nɛ Enyɛnpe bugi mbe kagbene nɛ e bugi asoe n nu kusɔ nɛ Pɔɔl daa kaŋɛ na.

Ashuŋ Shunso 17:11

Ndoŋebi bre daŋ bugi bumo be asoe a sha kenu kubɔya na ga nsaa koya abɔrɛsibɛ na kachɛ kama a keni ŋko Pɔɔl be mmalga na bɔla ekpa a.

Ashuŋ Shunso 20:11

Kumo be kaman nɛ Pɔɔl naŋ bɛta n dii n yɔ esoso be ebu na to n ya buri bodobodo to n we. Pɔɔl ka malga bumo kutɔ loŋ hale nɛ epeŋi ya pete nɛ e yige bumo nseŋ yɔ.

Ashuŋ Shunso 20:7

Bɔkwe be kachɛ juŋkparso be kanyɛso ko an shɛr m bɔ enɔ n wɔtɔ kɔnɔkoŋwuleso be kawiejibi na to nɛ Pɔɔl kpal e ka beeŋ lar kade na to kumo be ŋklade na so m bɔ kubɔya na loŋ nɛ kiidiso ya fo.

Ashuŋ Shunso 28:23

Kede be kaman nɛ b sa Pɔɔl kachɛ nɛ baaŋ ba. Kachɛ na ka fo nɛ bumo be bedamta ba kakpa nɛ Pɔɔl daa wɔ na nɛ e baŋ yili chipurso m bɔ Ebɔrɛ be kuwura na to be asheŋ na ŋ ŋini bumo loŋ n ya fo kanyɛso. E daŋ bɛ Mosis be mbra na nɛ anebiana na be nsibɛ na so nna ŋ kɔ ga n fin keshin nɛ basa na yirda Yesu.

Ditɛronɔmi 31:9

Mosis daŋ sibɛ Ebɔrɛ be mbra na nna n wɔtɔ kawɔl to nseŋ ta kumo n sa Israɛl be bejuŋkparpoana na nɛ bɔrɛmatapoana nɛ b shi Livai be yiri to nsaa keni Enyɛnpe Ebɔrɛ na be kɔnɔkoŋwule be ŋkre be deka so na.

1 Tɛsalɔnikaebi 2:13

Saŋkama anyee chɔrɔ Ebɔrɛ ga ŋkpal kananɛ men sɔ Ebɔrɛ be kubɔya nɛ an daŋ bar menyi na so. Men sɔ kubɔya na fanɛ Ebɔrɛ peya. Kashenteŋ malɛ nna fanɛ Ebɔrɛ be kubɔya nna, kumo alɛ e wɔ menyi beyirdapo to a shuŋ na.

Joshuwa 8:35

Mosis be mbra na be kedosobi gba maŋ ka nɛ Joshuwa maŋ kraŋ ŋ ŋini jimaŋ na. Beche nɛ mbia nɛ befɔ nɛ b wɔ bumo to na kikɛ daŋ ti so.

Kelaraŋŋini 2:29

Amoso, ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na.’ ”

Kelaraŋŋini 3:22

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na.’ ”