Nehemaya 8:13 - EBƆRƐ BE KAWƆL

¹³ Kumo be ŋklade nɛ nnaŋ to be benimuana na kikɛ, nɛ bɔrɛmatopoana na nɛ Livaiebi na yɔ Ɛzra kutɔ nɛ e ya ŋini bumo mbra na.

Nehemaya 8:13 ပူးပေါင်းရင်းမြစ်များ

2 Kronikɛls 30:23

nɛ bumo kikɛ naŋ yili kumo fanɛ b naŋ ji kejigboŋ na nchɛ ashunu n ti so. Ndoŋ nna nɛ b ji kumo kagbenefuliso nchɛ ashunu n ti so.

Nehemaya 8:12

Kumo be kaman nɛ basa na kikɛ lar n yɔ bumo peana n ya ji nseŋ nuu kagbenefuliso Bumo alɛ daŋ chige ajibi nɛ asɔnuuso nna n sa beko, ŋkpal manɛ so, b pin kusɔ nɛ mbra nɛ b kraŋ n sa bumo na bee ŋini.

Nehemaya 8:14

B ba pin fanɛ mbra nɛ Ebɔrɛ bɔla bumo nananyɛn Mosis so n sa bumo na bee ŋini fanɛ jemanɛ kama nɛ baa ji Abuu to be Kachɛgboŋ na kufɔl shunusopo na to na, a daga fanɛ b baa yuu abuu nɛ a maa chɛr nsaa wɔ amo to hale nɛ kachɛgboŋ na e fo ekar.

Aŋasa 12:1

Ekama nɛ e bee sha keniŋi bee nya kenyi nna. Ama ekama nɛ e kishi keniŋi la ewulpo nna.

Luuk 24:32

Nɛ b kaŋɛ abar le: “Amoso nɛ e daŋ bugi abɔrɛsibɛ na to a malga a sa anyi ekpa to nɛ anyi be ŋgbene daŋ fuli anyi ga loŋ na.”

Ashuŋ Shunso 13:42

Pɔɔl nɛ Baanabas ka bee lar nshɛrbu na to nɛ basa na kule bumo fanɛ b naŋ bɛta m ba kewushiachɛ nɛ k naa ba m ba kaŋɛ bumo asheŋ na be ako n ti so.

Ashuŋ Shunso 4:1

Pita nɛ Jɔn daa maŋ naŋ malga n sa basa na n loge nɛ bɔrɛmatapoana na be beko nɛ bɔrɛlambu na to be bekumpoana be enimu nɛ Esadusiana na be beko ba bumo kutɔ.