Nehemaya 8:10 - EBƆRƐ BE KAWƆL

¹⁰ Kumo be kaman nɛ Nehemaya kaŋɛ basa na: “Naniere men yɔ epe n ya wora kejigboŋ n ji menyi be nnɔ nseŋ ku ajibi na be ako n sa bumo nɛ b maŋ kɔ shɛŋ nɛ b ji na. Kabre la kachɛ cheembi nna n sa Enyɛnpe anyi be Ebɔrɛ na. Amoso men sa maŋ shin nɛ men be ŋgbene a baa jija menyi. Enyɛnpe Ebɔrɛ beeŋ sa menyi kagbenefuli nɛ k beeŋ sa menyi eleŋ.”

Nehemaya 8:10 ပူးပေါင်းရင်းမြစ်များ

1 Bewura 8:66

Kumo be kachɛ burwasopo na, nɛ ewura Sɔlɔmɔn shin nɛ basa na kikɛ yɔ bumo peana. Nɛ bumo be ŋgbeneana fuli bumo ga ŋkpal kananɛ Enyɛnpe Ebɔrɛ daŋ nɛfa mbe basa Israɛlebi, nɛ mbe kayɛrbi ewura Deevid na so.

1 Kronikɛls 16:27

Kemaŋkura nɛ kuwurji daga mo nna, nɛ eleŋ nɛ kagbenefuli kikɛ bɔlɔ mbe bɔrɛlambu to.

Nehemaya 8:11

Ndoŋ nna nɛ Livaiebi na bee nite a kulti a leŋ basa na to fanɛ b yige kushu n saa maŋ shin nɛ bumo be ŋgbene e baa jija bumo kachɛ cheembi ere.

Nehemaya 8:12

Kumo be kaman nɛ basa na kikɛ lar n yɔ bumo peana n ya ji nseŋ nuu kagbenefuliso Bumo alɛ daŋ chige ajibi nɛ asɔnuuso nna n sa beko, ŋkpal manɛ so, b pin kusɔ nɛ mbra nɛ b kraŋ n sa bumo na bee ŋini.

Ɛsta 9:19

Amoso nɛ Juwebi nɛ b wɔ ndekarso na yili kufɔl nɛ baa tre Adar na be nchɛ kuduana na fanɛ kagbenefuli nɛ kejigboŋ be kewushiachɛ nɛ kachɛ nɛ baa chige abar ajibi na.

Ɛsta 9:22

Le be nchɛ ere nɛ Juwebi na daŋ pɔɔ bumo doŋana so nɛ bumo kagbenejija ki kagbenefuli na. E daŋ kaŋɛ bumo nna fanɛ b ta loŋ be nchɛ na nna ŋ ki kejigboŋ nɛ ajibi be kedaŋɛ n chige abar nɛ betirpo.

Nshɛ 149:2

Israɛl be basa, men shin nɛ menyi be ŋgbene e fuli menyi ŋkpal menyi be etopo na so; menyi Jerusalɛm to be basa malɛ e ji eyur ŋkpal menyi be ewura so!

Nshɛ 89:17

Ŋkpal manɛ so, bumo be kemaŋkura nɛ eleŋ shi fo kutɔ nna, nɛ fo kuwɔrwu malɛ bee shin nɛ anyee nya eleŋ a ti so.

Aŋasa 17:22

Kebaa du wasawasa bee teŋi esa be ŋkpa so nna; ama saŋkama be kenishitogbir bee ku esa be ŋkpa so manaŋ manaŋ nna.

Kaŋinichiŋgeliŋ 11:2

Baa chige fo asɔ to a sa basa be yiri yiri damta, ŋkpal manɛ so, fo maaŋ tiŋ m pin jemanɛ nɛ kumu lubi beeŋ tu fo.

Kaŋinichiŋgeliŋ 2:24

Kusɔ nɛ ekama baa wora e la kebaa ta mbe kanya a ji a nuu nsaa ji mbe kumu. Ama ade kikɛ be nfɛra nɛ n fɛ nseŋ wu fanɛ amo kikɛ bee shi Ebɔrɛ kutɔ nna.

Kaŋinichiŋgeliŋ 3:13

Ŋkpal manɛ so ajibi nɛ anyee nya a ji nɛ nchu nɛ anyee nuu nɛ tɔnɔ kama nɛ anyee nya ashi anyi be ashuŋ to ere kikɛ la Ebɔrɛ be kakɛ nna.

Kaŋinichiŋgeliŋ 5:18

Kusɔ nɛ n wu e la fanɛ, kusɔ lela mo nɛ dimɛdi daga kewora an be ŋkpa shiimbi nɛ Ebɔrɛ ta n sa anyi durnya ere to e la fanɛ an baa ta kusɔ kama nɛ an gben n nya a ji eyur. Kusɔ nɛ k baŋ daga dimɛdi kikɛ nna na.

Kaŋinichiŋgeliŋ 9:7

Baa ji a nuu kagbenefuliso! Kusɔ nɛ Ebɔrɛ yili dra kikɛ fanɛ fo baa wora nna na.

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Aizaaya 49:5

Enyɛnpe Ebɔrɛ e lara ma n sa mbe kumu pɔɛŋ nɛ b kurge ma. Mo e lara ma fanɛ m baa la mbe kayɛrbi, saŋɛ na so meeŋ bɛta mbe basa Israɛlebi nɛ b pesaŋ to na m ba mo kutɔ. Enyɛnpe Ebɔrɛ na e shin nɛ n nya kemaŋkura; ma eleŋ bee shi mo kutɔ nna.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Jowɛl 2:23

Zayɔnebi, men shin nɛ men be ŋgbene e fuli menyi ŋkpal kusɔ nɛ Enyɛnpe, men be Ebɔrɛ na wora n sa menyi na so. E sa menyi dɔchubɔrɛso be bɔrɛ nɛ bɔrɛchu lela nɛ a shin nɛ men be adɔjibi wora nɛnɛ fanɛ kananɛ a chɛr a wora na.

Zakareya 14:21

Baaŋ ta mpuliya daŋɛso kikɛ ashi Jerusalɛm to nɛ Juda be efuli so kikɛ m bɔɔ Enyɛnpetale Ebɔrɛ na enɔ nɛ e wora amo cheembi. Basa nɛ baa lara esarga na beeŋ ta amo a daŋɛ esarga be eblaŋ. Jemanɛ na kaŋ fo, eyawujipo maaŋ naa wɔ Enyɛnpetale Ebɔrɛ na be bɔrɛlambu na to.

Luuk 11:41

Kusɔ nɛ k daga kewora e la men ka bee ta asɔ ashi menyi be ekpanjawu to a kɛ betirpo nɛ kusɔ kama e nyalɛ n sa menyi.

2 Kɔrintebi 8:2

B luri etɔrɔ damta kpakpasoana to n lar nɛ ketir pɛ bumo, ama bumo alɛ be ŋgbene daŋ fuli bumo ga. Kumo alɛ nɛ ketir gboŋgboŋi na shin nɛ b bugi enɔ ŋ kɛ nɛnɛ.

Filipaiebi 3:4

Kashenteŋto, ma ere gbagba kɔ ekpa nɛ n tiŋ n ta ma yirda n wɔtɔ eyur ere be asheŋ to. Ŋkpal manɛ so, nɛ esa kama nɛ e bee fɛ fanɛ e kɔ ekpa nɛ e tiŋ ŋkpal kumo so n ta mbe yirda n wɔtɔ eyur ere be asheŋ to, meya chɔ amodoŋwura peya.

Kelaraŋŋini 11:10

Kasawule so be basa be ŋgbene beeŋ fuli bumo ŋkpal basa anyɔ na be luwu so. Baaŋ ji bumo be amuana nseŋ kɛ ŋ kɛ abar asɔ ŋkpal kananɛ anebi anyɔ na daŋ bar kasawule ere so ebi tɔrɔ nsaa maŋ naa wɔtɔ na so.

1 Samuɛl 25:8

Fo bishi fo mbolpɔkpapoana na, bumo alɛ gba beeŋ kaŋɛ fo le be kesheŋ koŋwule ere. Kejigboŋ be kachɛ nɛ an ba na, amoso Deevid yɛ, fo keta anyi nɛnɛ. E yɛ kusɔ kama nɛ fo kɔ, fo ta kumo n chɛ fo teri Deevid nɛ fo nyɛrbi to.”