Nehemaya 8:1 - EBƆRƐ BE KAWƆL

¹ Afɔl ashunu nɛ Israɛlebi na daŋ ta n chena bumo be ndeana to n loge. Kufɔl shunusopo na to be kachɛ sososo na nɛ bumo kikɛ gama abar so ashi Jerusalɛm be kadegboŋ na to be kelɔnɛ nɛ k dese kabuna nɛ baa tre Nchu be Kabuna na ase. Kumo be kaman nɛ b kaŋɛ bɔrɛmatapo Ɛzra, nɛ e daa ŋini mbra nɛ Ebɔrɛ daŋ bɔla an nananyɛn Mosis so n ta n sa Israɛlebi na, fanɛ e ya ta mbra be kawɔl na m ba.

Nehemaya 8:1 ပူးပေါင်းရင်းမြစ်များ

2 Bewura 23:2

nɛ mo nɛ bumo nɛ bɔrɛmatapoana na nɛ anebiana na nɛ damawuraana nɛ betirpo kikɛ yɔ bɔrɛlambu na to. Ndoŋ nna na nɛ ewura na kraŋ Ebɔrɛ be mbra be kawɔl nɛ b daŋ wu bɔrɛlambu na to na kikɛ bumo kikɛ be anishito.

2 Kronikɛls 34:15

Hilkiya daŋ ta kawɔl na nna n sa Shafan nɛ e la esibɛpo ashi ewura be laŋ to na nseŋ kaŋɛ le: “N wu mbra be kawɔl ere bɔrɛlambu to nna.”

2 Kronikɛls 34:30

nɛ mo nɛ bumo nɛ bɔrɛmatapoana na nɛ Livaiebi na nɛ basa nɛ b ka na, damawuraana nɛ betirpo kikɛ, n yɔ bɔrɛlambu na to. B ka shɛr na nɛ ewura na kraŋ Ebɔrɛ be ŋkre be kawɔl nɛ b daŋ wu bɔrɛlambu na to na bumo kikɛ be anishito.

Ɛzra 7:1

Asheŋ ere kikɛ be kaman nɛ anebi Ɛzra shi Babilɔn be efuli so m bɛta m ba Jerusalɛm Pɛshiya be ewurgboŋ Atazɛzɛs be jemanɛ to. Kananɛ anebi Ɛzra be kanaŋ to lar nde: Ɛzra mo tuto e daa la Seraya, nɛ Seraya malɛ mo tuto daa laa Azariya nɛ mo alɛ daa la Hilkiya pibinyɛn.

Ɛzra 7:10

Ɛzra bre daŋ ta Ebɔrɛ be mbra na be kekoya nɛ amo be kenu nseŋ wora, nɛ mbra na be atande be keta ŋ ŋini Israɛl be efuli so kenishipereso nna.

Ɛzra 7:11

Kawɔl nɛ ewurgboŋ Atazɛzɛs sibɛ n ta m bɔɔ Ɛzra nɛ e daa la bɔrɛmatapo nɛ eŋinipo nsaa nyi Enyɛnpe Ebɔrɛ na be atande nɛ e ta n sa Israɛlebi na nde:

Ɛzra 7:6

Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Nehemaya 12:26

Joshuwa pibinyɛn, ewura Jowakim nɛ mo nananyɛn daa la ewura Jozadak na be jemanɛ to kikɛ nɛ basa ere wɔtɔ. Loŋ be jemanɛ na ma e daa la gomena nɛ Ɛzra nɛ e daa ŋini Mosis be mbra na malɛ daa la bɔrɛmatapo.

Nehemaya 12:37

B ka ta n ya fo Kechubu be Kabuna na ase nɛ b dii atemprembi nɛ baa diiso a yɔ ewura Deevid be Kadegboŋ na to na n ya baŋ mbe Lambu na so m bɛta n yɔ egbal nɛ k wɔ Nchu be Kabuna nɛ k wɔ kadegboŋ na be epeŋilarkpa be kaba so ase na.

Nehemaya 3:26

E daŋ pɔr nna m ba fo kakpa nɛ k mata Nchu be kabuna nɛ k wɔ a laŋɛ epeŋilarkpa be kaba so nɛ ebu jeŋgreŋ nɛ k mata bɔrɛlambu na ase na nna. K mata kadegboŋ na be kaba nɛ baa tre Ofɛl nɛ bɔrɛlambu na be beshumpo na daa wɔ ndoŋ na nna.

Nehemaya 8:16

Ndoŋ nna nɛ basa na ya ku ndibi nɛ amo be afantaŋ maa gbaŋgbaŋ na be ayabi m ba yuu abuu bumo be achoŋiana so nɛ bumo be elaŋ to be alɔnɛ so nɛ bɔrɛlambu na be kelɔnɛ so nɛ alɔnɛ nɛ a dese m mata mbuna nɛ baa tre Nchu be Kabuna nɛ Efrayim be Kabuna ase na so.

Nehemaya 8:3

Yili kachipurdidi n ya fo kapiidi nɛ e yili kelɔnɛ nɛ k mata kabuna so a kraŋ mbra be kawɔl na a sa basa na nɛ baa nu kumo nɛnɛ.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Levitikɔs 9:5

Ndoŋ nna nɛ b bar asɔ nɛ Mosis kaŋɛ fanɛ b bar na kikɛ ashi wajɛbu na be anishito nɛ basa na kikɛ shɛr ndoŋ nɛ b bunyaŋ Enyɛnpe Ebɔrɛ na.

Malakai 4:4

Men baa nyiŋi men nananyɛn ma kayɛrbi Mosis be keŋini na, nɛ mbra nɛ n ta n sa mo ashi kebeegboŋ nɛ baa tre Sainai na so fanɛ e ta n sa Israɛl be basa kikɛ nɛ b bɛ amo so na.

Matiu 13:52

Nɛ e kaŋɛ le: “Mbraŋinipo kama nɛ b ŋini mo ebɔrɛso be kuwura na to be asheŋ baa du fanɛ laŋwura ko ka bela asɔ popɔr nɛ asɔ dra ashi mbe kpanjawu to be ebu to n lar na nna.”

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.

Matiu 23:2

“Mbraŋinipoana na nɛ Efarisiana na yil anebi Mosis be katelamu to nna.

Matiu 23:34

To, mee shuŋi anebiana nɛ benyiashempo nɛ beŋinipo menyi kutɔ nna na, ama menyeeŋ mɔ bumo be beko nseŋ ta beko ŋ gbir m mata kedibi largato so nseŋ bri beko malɛ ashi menyi be nshɛrbuana to n ju bumo ashi kade ko to n yɔ kepɔtɛ to.

Ditɛronɔmi 31:11

Jemanɛ nɛ Israɛl be basa beeŋ ba gama abar so nɛ b shuŋ Enyɛnpe menyi be Ebɔrɛ na ashi kakpa nɛ menyeeŋ baa shuŋ Ebɔrɛ na nɛ menyeeŋ kraŋ kumo n sa bumo.

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.

Demujipoana 20:8

Nɛ basa na kikɛ kpa n niŋi to kɔnɔkoŋwuleso ŋ kaŋɛ le: “Anyi be ekama maa bɛta a yɔ epe. Ayai, ekoŋwule kama gba maaŋ bɛta n yɔ mo pe.