Nehemaya 7:70 - EBƆRƐ BE KAWƆL

^70-72 Basa damta daŋ sa asɔ nna n chɛ bɔrɛlambu na be kelɔŋɛ m pɔr be kushuŋ to. Gomena na gbagba daŋ sa shuwa nɛ amo be egbɛ fo fanɛ kilo aburwa nɛ ntishaŋ peper adunu nɛ bɔrɛmatapoana be epiŋi alfa anu nɛ adesa. Mbuna be benimuana na malɛ daŋ sa shuwa nɛ amo be egbɛ fo fanɛ kilo kalfa nɛ adunu nɛ asa nɛ gbiti nɛ amo alɛ be egbɛ daŋ fo fanɛ kilo kagboŋ nɛ alfa ana nɛ adunu nɛ aburwa. Kusɔ nɛ basa nɛ b ka na malɛ sa e la shuwa nɛ amo be egbɛ daŋ fo fanɛ kilo kalfa nɛ adunu nɛ asa nɛ gbiti malɛ fanɛ kilo kagboŋ nɛ alfa asa nɛ adunyɔ nɛ anu nɛ bɔrɛmatapoana be epiŋi adeshe nɛ ashunu.

Nehemaya 7:70 ပူးပေါင်းရင်းမြစ်များ

1 Kronikɛls 28:17

E daŋ naŋ ŋini mo shuwa nɛ gbiti nɛ a daga fanɛ b ta n lɔŋɛ ntoe chɛgato nɛ ntishaŋ nɛ asɔnuunchu nɛ ntishaŋ jito kikɛ,

2 Kronikɛls 4:11

Hiram e daŋ lɔŋɛ mpuliya nɛ eshabɔl nɛ ntishaŋ. Asɔ nɛ e daŋ nase kɔnɔ n sa ewura Sɔlɔmɔn fanɛ e beeŋ lɔŋɛ n sa bɔrɛlambu na nseŋ lɔŋɛ amo n loge na be ako e daa la, Eshabɔrɛ anyɔ na nɛ amo be ebuuso nɛ a deŋ amo be esoso na, nɛ Asɔ nɛ b chaŋ fanɛ ŋgbɛlɛbi nɛ a mɛa abar n deŋ shabɔrɛ na be kekama so na nɛ asɔ alfa ana nɛ a du fanɛ asɔrso kulkulbi nɛ baa tre amo pomegranates nɛ b ta danyaŋ n lɔŋɛ n deŋi eshabɔrɛ na be kekama so na; nɛ eturko kudu nɛ ebɔtɛ kudu na, nɛ katishaŋgboŋ nɛ baa tre teku na, nɛ edanyaŋ be egbolu kuduanyɔ nɛ katishaŋgboŋ na yil so na, nɛ mpuliya nɛ eshabɔl nɛ ntoe chɛgato na. Huram nɛ e kɔ enɔ to be kushuŋ be kenyi ga na e daŋ lɔŋɛ asɔ ere kikɛ. Danyaŋ nɛ k bee nyɛpkɛso nɛ b daŋ ta n lɔŋɛ amo fanɛ b ta a shuŋ ashi Enyɛnpe Ebɔrɛ be bɔrɛlambu na to fanɛ kananɛ ewura Sɔlɔmɔn ŋini fanɛ b wora na gbagba.

Nehemaya 10:1

Basa nɛ b daŋ yisi enɔ nɛ ŋkre na yili e la Hakalia pibinyɛn Nehemaya nɛ e la gomena na nɛ Zɛdikaya nɛ bɔrɛmatapoana

Nehemaya 7:65

Gomena na daŋ kaŋɛ bumo ere nna fanɛ b maaŋ tiŋ n ji ajibi nɛ b ta n lara sarga n sa Ebɔrɛ na ama bɔrɛmatapo ko baaŋ ta asɔ nɛ baa tre Urim nɛ Thummim na n to beri ŋ ŋini fanɛ b la bɔrɛmatapoana kashenteŋto nna pɔɛŋ nɛ b tiŋ n ji esargajibi na.

Nehemaya 8:9

Basa na ka nu kusɔ nɛ mbra na bee kaŋɛ na nɛ k luri bumo to ga nɛ b fara a shu. Amoso Nehemaya nɛ e daa la gomena na nɛ bɔrɛmatapo Ɛzra nɛ e la mbra na be eŋinipo na nɛ Livaiebi nɛ baa kute mbra na be afito a sa basa na kaŋɛ: “Kabre la kachɛ cheembi nna n sa Enyɛnpe menyi be Ebɔrɛ na. Amoso k maŋ daga fanɛ men baa shu a wora kuwɔr be asheŋ.”

Ɛksodɔs 12:22

Men ta echeenshi n suse n suse ŋklaŋ na nseŋ ta keche n nyɔ amo to ŋ gbiti ŋ gbiti menyi be mbuna be akel to nɛ esoso kikɛ. Kumo be kaman ekama e sa maŋ kaŋ naŋ lar kowu kikɛ hale nɛ kare e ya chɛ kachipurso.

Ɛksodɔs 24:6

Nɛ Mosis ta loŋ be asɔbɔya na be ŋklaŋ be bargato n wɔtɔ ntishaŋ to nseŋ ta bargato nɛ a ka na malɛ ŋ ŋmenyaŋ bɔrɛsure na so.