Nehemaya 7:65 - EBƆRƐ BE KAWƆL

⁶⁵ Gomena na daŋ kaŋɛ bumo ere nna fanɛ b maaŋ tiŋ n ji ajibi nɛ b ta n lara sarga n sa Ebɔrɛ na ama bɔrɛmatapo ko baaŋ ta asɔ nɛ baa tre Urim nɛ Thummim na n to beri ŋ ŋini fanɛ b la bɔrɛmatapoana kashenteŋto nna pɔɛŋ nɛ b tiŋ n ji esargajibi na.

Nehemaya 7:65 ပူးပေါင်းရင်းမြစ်များ

Ɛzra 2:63

Ndoŋ nna Juwebi be gomena yili fanɛ b maŋ kɔ ekpa nɛ b ji ajibi nɛ b ta n lara sarga n sa Ebɔrɛ na n ya fo fanɛ bɔrɛmatapoana ka beeŋ ba bishi Ebɔrɛ m pin fanɛ b la bɔrɛmatapoana nna ŋko b maŋ la.

Nehemaya 10:1

Basa nɛ b daŋ yisi enɔ nɛ ŋkre na yili e la Hakalia pibinyɛn Nehemaya nɛ e la gomena na nɛ Zɛdikaya nɛ bɔrɛmatapoana

Nehemaya 7:66

Basa nɛ b daŋ bɛta m ba na kikɛ daŋ koso basa ŋgboŋ adena nɛ anyɔ nɛ alfa asa nɛ adeshe nna. Bumo be nyɛrbi nɛ mbita malɛ daa la basa ŋgboŋ ashunu nɛ alfa asa nɛ adesa nɛ ashunu nna. Bumo be beshɛbompo nyɛnso nɛ becheso kikɛ daa la basa alfa anyɔ nɛ adena nɛ anu nna. Bumo be egbaŋɛ malɛ daa la alfa ashunu nɛ adesa nɛ ashe nna. Bumo be ekurma nɛ a duli egbaŋɛ na malɛ daa la alfa anyɔ nɛ adena nɛ anu nna. Bumo be enyɔma daa la alfa ana nɛ adesa nɛ anu nna. Nɛ bumo be ekurma gbagba malɛ daa la ŋgboŋ ashe nɛ alfa ashunu nɛ adunyɔ.

Nehemaya 7:70

Basa damta daŋ sa asɔ nna n chɛ bɔrɛlambu na be kelɔŋɛ m pɔr be kushuŋ to. Gomena na gbagba daŋ sa shuwa nɛ amo be egbɛ fo fanɛ kilo aburwa nɛ ntishaŋ peper adunu nɛ bɔrɛmatapoana be epiŋi alfa anu nɛ adesa. Mbuna be benimuana na malɛ daŋ sa shuwa nɛ amo be egbɛ fo fanɛ kilo kalfa nɛ adunu nɛ asa nɛ gbiti nɛ amo alɛ be egbɛ daŋ fo fanɛ kilo kagboŋ nɛ alfa ana nɛ adunu nɛ aburwa. Kusɔ nɛ basa nɛ b ka na malɛ sa e la shuwa nɛ amo be egbɛ daŋ fo fanɛ kilo kalfa nɛ adunu nɛ asa nɛ gbiti malɛ fanɛ kilo kagboŋ nɛ alfa asa nɛ adunyɔ nɛ anu nɛ bɔrɛmatapoana be epiŋi adeshe nɛ ashunu.

Nehemaya 8:9

Basa na ka nu kusɔ nɛ mbra na bee kaŋɛ na nɛ k luri bumo to ga nɛ b fara a shu. Amoso Nehemaya nɛ e daa la gomena na nɛ bɔrɛmatapo Ɛzra nɛ e la mbra na be eŋinipo na nɛ Livaiebi nɛ baa kute mbra na be afito a sa basa na kaŋɛ: “Kabre la kachɛ cheembi nna n sa Enyɛnpe menyi be Ebɔrɛ na. Amoso k maŋ daga fanɛ men baa shu a wora kuwɔr be asheŋ.”

Ɛksodɔs 28:30

Saŋkama nɛ Ɛɛrɔn bee yɔ Enyɛnpe Ebɔrɛ na be anishito, a daga fanɛ e di demuji be kɔlgu nɛ Urim nɛ Tumim wɔ kumo to na nɛ a baa chɛ mo to nɛ e baa pin Enyɛnpe Ebɔrɛ na be nfɛra.

Levitikɔs 2:10

Amo be amo nɛ a beeŋ ka na beeŋ baa la bɔrɛmatapoana peya nna. Amo alɛ la ajibi nɛ a du cheembi ga nna ŋkpal a ka shi ajibi nɛ b ta n lara sarga n sa Enyɛnpe Ebɔrɛ na to so.

Levitikɔs 2:3

Amo be amo nɛ a beeŋ ka kusɔ to na kikɛ la bɔrɛmatapoana na peya nna. Amo alɛ la ajibi nɛ a du cheembi ga nna ŋkpal a ka shi ajibi nɛ b ta n lara sarga n sa Enyɛnpe Ebɔrɛ na to so.

Levitikɔs 8:8

Kumo be kaman nɛ e ta demuji be kɔlgu na n di mo nseŋ ta ajembubi nɛ baa ta a to beri a pin Ebɔrɛ be nfɛra nɛ baa tre amo urim nɛ tumim na n wɔtɔ kɔlgu na to.

Nɔmbɛs 27:21

Bɔrɛmatapowura Eliaza beeŋ baa ŋini mo kusɔ nɛ ma, Enyɛnpe Ebɔrɛ bee sha e ka bee wora. Loŋ e naŋ shin nɛ e baa tiŋ a juŋkpar Israɛlebi na a yɔ a ba.”

Ditɛronɔmi 33:8

A laŋɛ Livai be yiri be kaplɛa so, le nɛ Mosis kaŋɛ: “Fo Enyɛnpe Ebɔrɛ na e naa shin nɛ Livaiebi nɛ b la fo nyɛrbi a ji kashenteŋ na bee bɔla Urim nɛ Tumim so a pin fo aparsheŋ. Fo e daŋ wora bumo ŋ keni ashi Massa, nseŋ mige bumo to m pin fanɛ b la beshenteŋjipoana nna ashi Mɛriba be nchu na ase.