Nehemaya 7:5 - EBƆRƐ BE KAWƆL

⁵ Amoso Ebɔrɛ daŋ sa ma nfɛra nna fanɛ ŋ gama basa na nɛ bumo be bejuŋkparpo nɛ ekrachi na ŋ keni basa nɛ ewurgboŋ Nebukadneeza pɛ n yɔ Babilɔn be efuli so nɛ b bɛta m ba na be nnaŋ be atre be nwɔl to ŋ karga bumo. Kusɔ nɛ n wu nwɔl na to nde.

Nehemaya 7:5 ပူးပေါင်းရင်းမြစ်များ

Ɛzra 2:62

Ŋkpal bumo be asheŋ ka maŋ wɔ nwɔl to fanɛ b shi bɔrɛmatapoana be kabuna so, b daŋ maŋ sɔ bumo fanɛ bɔrɛmatapoana. Amoso b daa maŋ sa bumo ekpa fanɛ b shuŋ bɔrɛmatapoana be kushuŋ.

Ɛzra 7:27

Ndoŋ nna nɛ Ɛzra kaŋɛ le: “Kemaŋkura e baa la an nananyɛnana be Ebɔrɛ na peya. Mo e sa ewura na le be nfɛra nɛ e ta bunyaŋ n sa Enyɛnpe Ebɔrɛ be lambu nɛ k wɔ Jerusalɛm na.

Nehemaya 5:19

O Ebɔrɛ, mee kule fo nna nɛ fo nyiŋi kusɔ nɛ n wora n sa basa ere nseŋ nɛfa ma.

Nehemaya 6:14

Ndoŋ nna nɛ ŋ kule Ebɔrɛ le: “Ebɔrɛ nyiŋi kusɔ nɛ Tobaya nɛ Sanballat wora nɛ anebiche nɛ baa tre Nodaya nɛ anebiana nɛ b ka na be kananɛ b fin ekpa nɛ b funti ma. Jande gberge bumo kikɛ kusoe n sa ma.”

Nehemaya 7:4

Jerusalɛm daa la kade gboŋgboŋi nna, ama basa gbrɛbi ko e daa wɔ kumo to. Bumo alɛ daa maŋ naŋ lɔŋɛ m pɔr bumo be nwu ndoŋ.

Aŋasa 2:6

Ŋkpal manɛ so, Enyɛnpe Ebɔrɛ na e naa sa kanyiasheŋ. Mo kutɔ nɛ kenyi nɛ asheŋ be kepinto bee shi.

Aŋasa 3:6

Baa nyiŋi Enyɛnpe Ebɔrɛ na ashi kusɔ kama nɛ fee wora to, nɛ e baa lɔŋɛ ekpa nɛ fee bɔla so kananɛ k daga a sa fo.

1 Kɔrintebi 15:10

Ama ŋkpal Ebɔrɛ be kuwɔr be kakɛ so nɛ n du kananɛ n du ere na, mo alɛ be kuwɔr be kakɛ mo nɛ k ba ma so ere maŋ la jiga nna. Ama nɛ fo keni to, ma e shuŋ ga a chɔ bumo kikɛ, mannɛ ma gbagba bre, Ebɔrɛ be kuwɔr be kakɛ na e wɔ ma to a shuŋ.

2 Kɔrintebi 3:5

Ama mannɛ fanɛ an gbagba ka kɔ eleŋ ko fanɛ an gbagba e wora kushuŋ na, Ebɔrɛ kutɔ nɛ anyi be eleŋ na bee shi.

2 Kɔrintebi 8:16

Mee chɔrɔ Ebɔrɛ ga ŋkpal e ka ta kagbene koŋwule be kasha mo nɛ an kɔ a sa menyi na n wɔtɔ Taites be kagbene to so.

Kɔlɔsiebi 1:29

Kede so nɛ m baa mɔ ma kumu a ta eleŋ nɛ Yesu Kristo bee sa ma a shuŋ na.

Jeems 1:16

Ŋ kurgepo shasoana, men sa maŋ fule men be amu.