Nehemaya 7:4 - EBƆRƐ BE KAWƆL

⁴ Jerusalɛm daa la kade gboŋgboŋi nna, ama basa gbrɛbi ko e daa wɔ kumo to. Bumo alɛ daa maŋ naŋ lɔŋɛ m pɔr bumo be nwu ndoŋ.

Nehemaya 7:4 ပူးပေါင်းရင်းမြစ်များ

Nehemaya 11:1

Basa na be bejuŋkparpoana na daa wɔ Jerusalɛm to nna nɛ bumo nɛ b ka na malɛ to beri n lara basa kudu kikɛ to be esa koŋwule nɛ e ya chena Jerusalɛm nɛ k la kade cheembi na to nɛ bekpanu nɛ b ka na malɛ a ya chena nde mo nɛ a ka na to. Ŋkpal manɛ so nwu daa maŋ shi Jerusalɛm to.

Nehemaya 11:2

Ndoŋ nna nɛ basa na nɛfa bekama nɛ b shuli fanɛ bumo ere beeŋ yɔ Jerusalɛm n ya chena na.

Nehemaya 7:3

Kumo be kaman nɛ ŋ kaŋɛ bekumpo fanɛ b sa maa wule a bugi Jerusalɛm be mbuna na, ama epeŋi daŋ nna pɔɛŋ. A daga fanɛ b baa ti amo a ber amo so kaaseso pɔɛŋ nsaa koso kushuŋ to. Ma alɛ naŋ kaŋɛ bumo nna fanɛ b lara bumo gbagba to be basa nɛ b shi Jerusalɛm to nɛ b baa yili egbal na be mboŋ ko a kuŋ kumo nɛ beko malɛ e baa kuŋ bumo be nwuana.

Nehemaya 7:5

Amoso Ebɔrɛ daŋ sa ma nfɛra nna fanɛ ŋ gama basa na nɛ bumo be bejuŋkparpo nɛ ekrachi na ŋ keni basa nɛ ewurgboŋ Nebukadneeza pɛ n yɔ Babilɔn be efuli so nɛ b bɛta m ba na be nnaŋ be atre be nwɔl to ŋ karga bumo. Kusɔ nɛ n wu nwɔl na to nde.

Aizaaya 58:12

Menyi be basa beeŋ lɔŋɛ m pɔr mboŋ nɛ e bure a dese n chɛr na n yili amo be egbaltɔlase dra na so. Saŋɛ na so ekama beeŋ pin fanɛ men la basa nɛ baa lɔŋɛ egbalana nɛ alambure a pɔr nna.”

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.