Nehemaya 7:3 - EBƆRƐ BE KAWƆL

³ Kumo be kaman nɛ ŋ kaŋɛ bekumpo fanɛ b sa maa wule a bugi Jerusalɛm be mbuna na, ama epeŋi daŋ nna pɔɛŋ. A daga fanɛ b baa ti amo a ber amo so kaaseso pɔɛŋ nsaa koso kushuŋ to. Ma alɛ naŋ kaŋɛ bumo nna fanɛ b lara bumo gbagba to be basa nɛ b shi Jerusalɛm to nɛ b baa yili egbal na be mboŋ ko a kuŋ kumo nɛ beko malɛ e baa kuŋ bumo be nwuana.

Nehemaya 7:3 ပူးပေါင်းရင်းမြစ်များ

Nehemaya 13:19

N daŋ yili kumo nna fanɛ pɔɛŋ nɛ Kewushiachɛ na e fara kaaseso na, b ti Jerusalɛm be mbuna na kikɛ nsaa maŋ bugi amo hale nɛ Kewushiachɛ na e ji n choŋ pɔɛŋ. Kumo be kaman nɛ n ta mbuna na be kekeni so be kushuŋ m bɔɔ ŋ gbagba be benyɛn nɛ n lara fanɛ b sa maŋ shin nɛ sheŋ e luri kadegboŋ na to Kewushiachɛ na enɔ.

Nehemaya 3:23

Nɛ Bɛnjamin nɛ Hashuub malɛ lɔŋɛ m pɔr egbal na be mba nɛ a bɛ so nsaa wɔ bumo elaŋ be anishito na. Maasaya pibinyɛn Azariya nɛ mo nananyɛn daa la Ananaya na malɛ e lɔŋɛ m pɔr egbal na be mba nɛ a bɛ so nsaa wɔ bumo be elaŋ be anishito na.

Nehemaya 7:2

Basa anyɔ nɛ n daŋ lara fanɛ b baa la benimu nsaa keni Jerusalɛm be kadegboŋ na so. Bumo e la n sipo Hanani nɛ Hananiya nɛ e la enapo nimuso nɛ e bee keni kakpa lempo na so na. Ŋkpal manɛ so, Hananiya la esa nɛ feeŋ tiŋ n yirda nna, mo alɛ nseŋ naa kɔ kabɔrɛŋana a chɔ basa damta.

Nehemaya 7:4

Jerusalɛm daa la kade gboŋgboŋi nna, ama basa gbrɛbi ko e daa wɔ kumo to. Bumo alɛ daa maŋ naŋ lɔŋɛ m pɔr bumo be nwu ndoŋ.

Nshɛ 127:1

Enyɛnpe Ebɔrɛ na baa maŋ chɛ to m pɔr kowu na, bepɔrpo bee gben jiga nna. Nɛ e baa maŋ kuŋ kadegboŋ na, bekumpo na bee kuŋ kumo jiga nna.

Nshɛ 147:13

Mo e shin nɛ menyi be kadegboŋ be mbunagboŋ na kɔ eleŋ; mo alɛ e naa nɛfa menyi be basa.

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.