Nehemaya 7:1 - EBƆRƐ BE KAWƆL

¹ Naniere b loge egbal na be kelɔŋɛ m pɔr nseŋ ta mbuna na be akuloŋ na n wɔtɔ amo to. Kumo be kaman nɛ b sa bɔrɛlambu to be bekumpo na nɛ beshɛbompo na nɛ Livaiebi nɛ b ka na kikɛ bumo be ashuŋ.

Nehemaya 7:1 ပူးပေါင်းရင်းမြစ်များ

2 Bewura 7:10

Ndoŋ nna nɛ b lar Siriyaebi be benapo na be keeyi to m bɛta n yɔ Samɛria be kade na to n ya ponte ŋ kaŋɛ kumo be mbunakumpoana na le: “An ka yɔ Siriyaebi be benapo na be keeyi to, anyi maŋ wu esa, anyi alɛ maŋ nu esa kama gba be asheŋ ndoŋ. Bumo be egbaŋɛ nɛ ekurma nawule a chɛ a mur ndoŋ ashi bumo be ewajɛbu ase.”

2 Kronikɛls 31:2

Ewura Hɛzekaya daŋ naŋ lɔŋɛ nna n yili bɔrɛmatapoana nɛ Livaiebi na be ntuŋ nɛ ashuŋ nɛ baa shuŋ. Ashuŋ na be ako e la kebaalara esarga chɔɔso nɛ kɔnɔkoŋwule be esarga nɛ kebaabunyaŋ Ebɔrɛ nɛ kebaadi Ebɔrɛ epaŋ nsaa juŋkpar kabɔrɛchɔrɔ ashi bɔrɛlambu na to.

Ɛzra 3:8

Kafɛ nɛ Israɛlebi na ba Enyɛnpe Ebɔrɛ na be lambu na ase ashi Jerusalɛm to na be kufɔl nyɔsopo to nɛ Shɛɛltiɛl pibinyɛn, Zerubabel nɛ Jozadak pibinyɛn, Joshuwa nɛ bumo kurgepoana, nɛ b la bɔrɛmatapoana nɛ Livaiebi nɛ bekama nɛ b bɛta m ba Jerusalɛm to na, fara bɔrɛlambu na be kepɔr. B daŋ lara Livaiebi nɛ b fo nfɛ adunyɔ m baŋ so na nna fanɛ b baa keni kushuŋ na so.

Nehemaya 10:39

Israɛl be basa nɛ Livaiebi na daga fanɛ b bar bumo be nyifu nɛ asɔnuuso, nɛ ɔlif be ŋku kakpa nɛ baa yili bɔrɛlambu na to be asɔ nɛ b kɔ a daŋɛ nɛ asɔ jito na. Bɔrɛlambu na be kakpa nɛ bekenipo nɛ beshɛbompoana nɛ bɔrɛmatapoana na wɔ na. Anyi maaŋ kplaŋ anyi be Ebɔrɛ na be bɔrɛlambu so kikɛ.

Nehemaya 11:3

Bekama nɛ b wɔ nde nɛ a wɔ Juda be efuli so na daŋ chena bumo gbagba be nsawule so nna ashi bumo be nde to nsaa ji bumo be amu so. Bumo e daa la Israɛlebi na be beko nɛ bɔrɛmatapoana na nɛ Livaiebi na nɛ bɔrɛlambu na to be beshumpo na nɛ ewura Sɔlɔmɔn be nyɛrbi be kaman to ebi.

Nehemaya 12:24

Hashabia nɛ Sherebia nɛ Kadmɛl pibinyɛn Joshuwa nɛ Binui nɛ basa nɛ baa sɔ bumo so a boŋ nshɛ na e daŋ juŋkpar Livaiebi na be ntuŋ anyɔ m boŋ kapandi be nshɛ m maŋkura Ebɔrɛ fanɛ kananɛ Ebɔrɛ be kayɛrbi ewura Deevid daŋ yili kumo na.

Nehemaya 6:1

Sanballat nɛ Tobaya, nɛ Geshɛm nɛ an doŋana nɛ b ka na be beko nu fanɛ an pɔr egbal na n loge. Kusɔ nɛ an daa maŋ wora e la akuloŋ na be keta n wɔtɔ mbunaana na to.

Nehemaya 6:15

Nchɛ adunu nɛ anyɔ nɛ an ta m pɔr Jerusalɛm be egbalana na n loge. Juwebi be kufɔl nɛ baa tre Elul na be kachɛ adunyɔ nɛ anusopo na nɛ egbal na be kushuŋ loge.

Nehemaya 6:19

Basa bee kaŋɛ ma ashuŋ lela nɛ Tobaya bee wora kikɛ nna saŋɛ na so baaŋ nu ma kɔnɔ to be kamalga n ya kaŋɛ mo. Saŋkama mo alɛ bee sibɛ nwɔl nna a funti ma.