Nehemaya 6:2 - EBƆRƐ BE KAWƆL

² Ŋkpal Sanballat nɛ Geshɛm ka bee sha fanɛ b tɔrɔ ma so, b ta kubɔya nna n shoŋi ma fanɛ m ba nɛ ma nɛ bumo e wu abar ashi ndebiana nɛ e wɔ kakpa nɛ baa tre Ono be Ketaŋɛ na be kuko to.

Nehemaya 6:2 ပူးပေါင်းရင်းမြစ်များ

2 Samuɛl 20:9

Nɛ Jɔab kaŋɛ Amasa le: “Ŋkurgepo, alenfia wɔtɔ a?” Nɛ e ta enɔ jisa m pɛ mbe katɔl to m ber mo to kashaso.

2 Samuɛl 3:27

Abna ka ba na nɛ Jɔab keta mo n lar kabunagboŋ na ekpa fanɛ e ka bee sha nɛ e kuli m malga mo kutɔ na, nseŋ ta kasaŋɛ n da mbe epun nɛ e wu. Ŋkpal Abna ka mɔ Jɔab mo sipo Asahɛl so nɛ Jɔab malɛ mɔ mo na.

1 Kronikɛls 8:12

Elpaal malɛ gba daa kɔ mbinyɛnsobi asa nna. Bumo e la Eba nɛ Misham nɛ Shemɛd. Shemɛd e daŋ juŋkpar n chena Ono nɛ Lɔd nɛ ndewurbi nɛ a kulti amo na.

Nehemaya 11:35

nɛ Lɔd nɛ Ono, nɛ ketaŋɛ nɛ baa tre Enɔto be beshumpo be Ketaŋɛ na.

Nehemaya 3:22

Bɔrɛmatapoana nɛ b chɛ to n lɔŋɛ m pɔr egbal na e daa la: Bɔrɛmatapoana nɛ b shi Kebonfu nɛ k kulti Jerusalɛm na e lɔŋɛ m pɔr egbal na be kaba nɛ k bɛ so na.

Nehemaya 6:3

Nɛ ma alɛ shuŋi mbɔ ŋ kaŋɛ bumo le: “Ŋ kɔ kushuŋ kpakpaso nna a wora, amoso m maaŋ tiŋ n yɔ ndoŋ. M maaŋ tiŋ ŋkpal ma nɛ menyi be kewu abar so n yige kushuŋ ere.”

Nshɛ 12:2

Ekama bee fule mo barkasa nna. Mmalga belbelso nɛ b kɔ a fule abar.

Nshɛ 37:12

Belubiworapo bee kre basa lela asheŋ lubi nna, nsaa keni bumo yurkishiso.

Nshɛ 37:32

Belubiworapo bre bee ŋana nna a fin basa lela nɛ b mɔ.

Kaŋinichiŋgeliŋ 4:4

Kumo be kaman nɛ n naaŋ pɛshɛ m pin kusɔ nɛ k ba nɛ basa bee pere kenishi a shuŋ ga nɛ b dii dama. Amo kikɛ to nɛ n wu fanɛ an ka bee besa abar eyur so nɛ k du loŋ. Ama amo kikɛ la fuloŋ nna. K du fanɛ fo ka ju a bɛ afu so nna.

Jɛremaya 41:2

nɛ Ishmaɛl nɛ basa kudu nɛ b daa wɔ mo kutɔ na pee etokobi m mɔ Gɛdaliya.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.