Nehemaya 6:16 - EBƆRƐ BE KAWƆL

¹⁶ Anyi doŋana nɛ b wɔ efuli pɔtɛ so na ka nu loŋ nɛ kufu pɛ bumo, ŋkpal ekama na ka pin fanɛ Ebɔrɛ be kechɛto so nɛ kushuŋ na tiŋ n loge.

Nehemaya 6:16 ပူးပေါင်းရင်းမြစ်များ

Nehemaya 2:10

Ama kanyɛn nɛ baa tre Sanballat nɛ e shi kade nɛ baa tre Horɔn na nɛ Tobaya nɛ e la Ammɔn be efuli so be krachigboŋ ko na ka nu fanɛ m ba na, nɛ b nya agbo ga. Ŋkpal manɛ so, b maa sha fanɛ esa kikɛ e chɛ Israɛlebi to.”

Nehemaya 4:1

Sanballat, nɛ e la Samɛria be efuli so be gomena na, ka nu fanɛ anyi Juwebi na fara a pɔr Jerusalɛm be egbalana na, nɛ e nya agbo nseŋ fara a wora anyi be basa eyurto.

Nehemaya 4:7

Sanballat nɛ Tobaya nɛ Nlɔrbu na nɛ Ammɔnebi na nɛ basa nɛ b shi kadegboŋ nɛ baa tre Ashdɔd na daŋ wu fanɛ egbal na daa dii nna a shin nɛ k shɛrto. Amoso b daŋ nya agbo nna,

Nehemaya 6:17

Loŋ be jemanɛ na so Juda be bejuŋkparpoana na nɛ Tobaya e daa sibɛ nwɔl a shoŋi abar.

Nshɛ 109:27

Shin nɛ bedoŋ e pin fanɛ fo, Enyɛnpe Ebɔrɛ na, e la ma emɔlgapo.

Nshɛ 126:2

Emushe nɛ kagbenefuli be nshɛ nɛ an daŋ ta n ji eyur. Ndoŋ nna nɛ efuli pɔtɛana be basa ji anyi be asheŋ ŋ kaŋɛ le: “Enyɛnpe Ebɔrɛ e wora asheŋgboŋ n sa mbe basa na.”

Nshɛ 129:5

Ebɔrɛ e shin nɛ bekama nɛ b kishi Jerusalɛm nɛ k yil Zayɔn be kebee so na e ji anishinyɔr nseŋ bɛta bumo be ayamu so n shile.

Nshɛ 147:2

Enyɛnpe Ebɔrɛ na bee lɔŋɛ Jerusalɛm nna a pɔr; nsaa bɛta mbe basa nɛ b daŋ pɛ n yɔ kenyaya to ashi efuli pɔtɛ wɔfɔ so na a ba epe.

Ɛksodɔs 14:25

E daŋ shin nna nɛ bumo be egbaŋɛturkoana na be aya gbaŋ n lar n lar nɛ eturko na be kefar ki bumo so kpakpa. Ndoŋ nna nɛ Ijipt be benapo na kaŋɛ abar le: “Men shin nɛ an bɛta nfe, ŋkpal manɛ so Enyɛnpe Ebɔrɛ bee kɔ anyi kena a chɛ Israɛlebi to nna na.”

Jɛremaya 33:9

Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”

Nɔmbɛs 23:23

Kudur ŋko kegbaya be eleŋ kikɛ maŋ wɔtɔ nɛ k beeŋ tiŋ ŋ kɔ m pɔɔ Israɛl be efuli ere so, Basa beeŋ ji Israɛl be asheŋ be shɛda ŋ kaŋɛ le: ‘Men keni kusɔ nɛ Ebɔrɛ wora n sa mbe basa!’

Ashuŋ Shunso 5:38

Amoso, mee kaŋɛ menyi nna na fanɛ men sa maŋ wora basa ere shɛŋ. Men yige bumo boeŋ, ŋkpal manɛ so, nɛ nyiŋgbasa gbagba e ta mbe nfɛra ŋ jɔŋɛ bumo be kushuŋ ere, k maaŋ chɛr nseŋ mur.

Joshuwa 2:11

An ka nu loŋ nɛ anyi be ŋgbene jija anyi ga nɛ ekama malɛ gba be aba pɔ mo ŋkpal menyi so. Enyɛnpe menyi be Ebɔrɛ na e naa ji kuwura esoso nɛ kasawule so kikɛ.

Joshuwa 2:9

“M baa nyi geeŋ fanɛ Enyɛnpe Ebɔrɛ na ta kasawule ere nna n sa menyi nɛ kumo be loŋ e shin nɛ kufu nɛ keyeŋiyeŋi e tɔr ekama nɛ e wɔ efuli ere so so.

Joshuwa 5:1

Amɔriebi be bewura nɛ b wɔ Jɔɔdan be epeŋitɔrkpa na nɛ Keenan be bewura nɛ b chena m mata teku nɛ baa tre Mɛditerenia na kikɛ ka nu kananɛ Enyɛnpe Ebɔrɛ shin nɛ Jɔɔdan be lɔr na ku to nɛ Israɛlebi na nite kumo to n dii na nɛ bumo ŋgbene fara a ku nɛ baa ŋana ketu Israɛlebi na ŋ kɔ.