Nehemaya 6:11 - EBƆRƐ BE KAWƆL

¹¹ Ndoŋ nna nɛ ŋ kaŋɛ: “Ma ere maŋ la basa nɛ baa shile a ŋana na be ako nna. Fee fɛ nna fanɛ meeŋ shile ŋ ŋana bɔrɛlambu ere to nna ŋkpal ma kumɔlga so a? M maaŋ wora loŋ kikɛ.”

Nehemaya 6:11 ပူးပေါင်းရင်းမြစ်များ

Nehemaya 6:12

Ŋ ka lɔŋɛ n fɛ kesheŋ ere be nfɛra nɛnɛ na nɛ n pin fanɛ Ebɔrɛ maŋ malga Shemaya kutɔ, ama Tobaya nɛ Sanballat e daŋ sa mo brɔbu nseŋ kaŋɛ mo fanɛ e kpele ma kusoe.

Nehemaya 6:3

Nɛ ma alɛ shuŋi mbɔ ŋ kaŋɛ bumo le: “Ŋ kɔ kushuŋ kpakpaso nna a wora, amoso m maaŋ tiŋ n yɔ ndoŋ. M maaŋ tiŋ ŋkpal ma nɛ menyi be kewu abar so n yige kushuŋ ere.”

Nehemaya 6:9

B daa sha fanɛ b funti anyi nna nɛ an sa maŋ tiŋ n loge kushuŋ na. Nɛ ŋ kule Ebɔrɛ ŋ kaŋɛ le: “Ebɔrɛ sa ma eleŋ naniere!”

Nshɛ 112:6

Shɛŋ maaŋ tiŋ n chɛrga bumo be kesheŋ wora; basa malɛ maaŋ teŋ bumo be alelasheŋ so kikɛ.

Nshɛ 112:8

Shɛŋ maa fɔŋ bumo ŋko a da bumo kufu; b baa nyi geeŋ fanɛ bumo doŋana beeŋ ji n tɔr.

Aŋasa 28:1

Basa lubi bee shile nna nsaa gbɛ a keni fanɛ esa ko ka bee ju bumo na, ama basa nɛ baa wora asheŋ niŋiso bre bee nite kenyɛnso nna fanɛ buluŋ na.

Kaŋinichiŋgeliŋ 10:1

Kananɛ ashushombi bee wu a wɔtɔ tulale to nɛ amo be efɛa bee chɛrga na, aloŋ nɛ kawuli fimbi kikɛ bee jija esa be kanyiasheŋ nɛ kemaŋkura.

Aizaaya 10:18

Kumo be kaman nɛ menyi be apo nɛ adɔsawule lelaana kikɛ e mur cheche fanɛ kananɛ kulɔ mɔso bee mur esa na.

Nɔmbɛs 3:10

Lara Ɛɛrɔn nɛ mbe bibinyɛn nɛ b baa la bɔrɛmatapoana. Esa pɔtɛ kama nɛ e pɛl n shuŋ bɔrɛmatapo be kushuŋ b mɔ mo.”

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

Ashuŋ Shunso 8:1

Sɔɔl gba daŋ shuli fanɛ Stiven be luwu na bɔla ekpa. Kumo be kamɔnchɛ na kikɛ nɛ b fara a tɔrɔ Jerusalɛm to ebi be beyirdapoana na ga. Nɛ beyirdapoana na kikɛ pesaŋ to n sɔ Judiya nɛ Samɛria be efuliana na kikɛ so ŋ ka beshuŋipo na.

Filipaiebi 2:17

Nɛ fanɛ b lara ma ŋklaŋ ere ma to n chulgi amo n wurge n ti men be yirda nɛ men kɔ a deŋi Ebɔrɛ so fanɛ sarga na so gba, k par ma. Ma alɛ beeŋ tu menyi a kɔ kagbenefuli.

Filipaiebi 2:30

E daŋ ta mbe kumu nna a sha kesa ma kechɛto nɛ menyi ere gbagba daa maaŋ tiŋ n sa ma.

Hibruwebi 11:27

Yirda so nɛ e daŋ lar Ijipt to nseŋ daa maŋ ŋana ewura na be agbo na. E daa kɔ mbe yirda na to nna kpakpa fanɛ e ka wu esa nɛ b maa wu kenishiso na.

1 Samuɛl 19:5

E ta mbe kumu gba nna ŋ kpa kelera saŋɛ nɛ e ya mɔ Goliɛf na. Kumo alɛ be loŋ e shin nɛ Enyɛnpe Ebɔrɛ kɔ n sɔ Israɛl be basa na. Fo alɛ gba ka wu kumo be loŋ nɛ fo kagbene fuli fo. Nɛ manɛ e ba nɛ fee sha kewora esa nɛ e maŋ wora shɛŋ kulubi hale a fin Deevid nɛ fo mɔ kenyanyaŋɛso?”