Nehemaya 5:2 - EBƆRƐ BE KAWƆL

² Le nɛ beko daa kaŋɛ: “Nnaŋgboŋ nɛ anyi be beko kɔ a bela. Ayu damta nɛ e daga fanɛ an nya a ji nseŋ tiŋ a wɔ ŋkpa to.”

Nehemaya 5:2 ပူးပေါင်းရင်းမြစ်များ

Jɛnesis 41:57

Basa daa shi efuli kama so nna gba a ba Josɛf kutɔ m ba kaa tɔ ayu, ŋkpal manɛ so, akoŋ na daa shi ga nna ashi kaplɛkama.

Jɛnesis 42:2

N nu fanɛ ajibi wɔ Ijipt, amoso men yɔ ndoŋ n ya tɔ ako m ba, saŋɛ na so akoŋ maaŋ mɔ anyi.”

Jɛnesis 43:8

Kamalga ere be kaman nɛ Juda kaŋɛ mo tuto Jeekɔb: “Ta kebia na m bɔɔ na enɔ nɛ an yɔ epul ere to, saŋɛ na so anyi nɛ fo nɛ anyi be mbia beeŋ baa wɔtɔ ŋkaa maaŋ wu.

Jɛnesis 47:19

Amoso wora kusɔ ko nɛ an sa maŋ wu fo anishito ŋko n shin nɛ anyi be nsawule e baa dese jiga loŋ. Amoso tɔ anyi nseŋ sa anyi asɔ duuso nɛ an duu, saŋɛ na so anyi nɛ anyi be nsawule kikɛ beeŋ ki ewura Fɛɛro peya.”

2 Bewura 4:1

Kachako nɛ ekulpoche nɛ e la anebiana na be katuŋ to be eche na yɔ Elaisha kutɔ n ya kaŋɛ mo le: “N nyɛnpe, ma kul wu nna. Fo alɛ nyi e ka daa la esa nɛ e kɔ kabɔrɛŋana ga. Naniere esa ko nɛ e paŋ amansherbi a maŋ tiŋ ŋ ka na, ba nɛ e ba keta ma mbinyɛnsobi anyɔ.”

Nehemaya 5:3

Nɛ beko malɛ kaŋɛ le: “Akoŋ be jemanɛ na, anyi be adɔsawule nɛ ndibi sɔrso be adɔ nɛ nwu nɛ an daŋ ta n yili tarma nseŋ nya ayu n ji.”

Heegai 1:6

Men duu asɔ damta, ama asɔ gbrɛbi nɛ men teŋi. Menyee ji ga, ama menyi alɛ maa moɛ. Menyee nuu nchu ga, ama a maa tuge menyi achukoŋ. Menyee buu asɔbuuso, ama men kraa shu awo. Beshumpo bee shuŋ a nya kakɔka, ama k du fanɛ b kaa bee ta amo a wɔtɔ ekɔlgu nɛ a futi to nna.”

Malakai 2:2

Men shin nɛ menyi be asheŋ woraso e baa sa ma bunyaŋ. Men baa maa nu kusɔ nɛ mee kaŋɛ menyi, meeŋ shin nɛ kɔnɔsho a pɛ menyi. Asɔ kama nɛ a la nɛfa n sa menyi na gba, meeŋ sho amo kɔnɔ. Kashenteŋto, n tiŋ n sho amo kɔnɔ gba, ŋkpal men ka maŋ ta ma mmalga kenishipereso so.”

Ditɛronɔmi 23:19

Fo kama nɛ fo ta amansherbi ŋko ajibi ŋko kusɔ ko m paŋ fo barkasa Israɛl be esa, fo sa maŋ kaŋ wɔtɔ mo nchu.