Nehemaya 5:11 - EBƆRƐ BE KAWƆL

¹¹ Men yige menyi be akɔ kama nɛ b ji na ŋ kɛ bumo, hale nɛ a la amansherbi ŋko aboyu ŋko asɔnuuso ŋko ɔlif be ŋku gba. Men bɛta bumo be nsawule nɛ ndibisɔrso be adɔana nɛ ɔlif be ndibi be mboŋana nɛ bumo be elaŋana n sa bumo manaŋ.”

Nehemaya 5:11 ပူးပေါင်းရင်းမြစ်များ

2 Samuɛl 12:6

Ŋkpal le be kesheŋ lubi nɛ e wora n sa maŋ wu kuwɔr ere so a daga fanɛ e ka kusɔ nɛ e ta na be ntuŋ ana.”

Nehemaya 5:10

Naniere n shin nɛ basa na paŋ amansherbi nɛ aboyu ma kutɔ nna. Nteriana nɛ basa nɛ baa shuŋ a sa ma na gba ti so. Naniere men shin nɛ an kikɛ e ta asɔ nɛ b paŋ anyi na ŋ kɛ bumo.

Nehemaya 5:12

Nɛ bejuŋkparpo na kaŋɛ le: “Kusɔ kama nɛ fo kaŋɛ, anyeeŋ wora loŋ. Anyi beeŋ ta bumo be mpetɛ n sa bumo, anyi alɛ maŋ naŋ bishi bumo anyi be akɔ nɛ b ji na gba.” Ndoŋ nna nɛ n tre bɔrɛmatapoana na nseŋ shin nɛ bejuŋkparpoana na nase kɔnɔ bumo be anishito saŋɛ na so baaŋ bɛ bumo be nnɔ nɛ b nase na so.

Aizaaya 58:6

Ekishi nɛ k bee par ma a ŋini menyee ka bee shuŋ ma kashenteŋto e la men ka beeŋ lara kanyaŋ nɛ kebaakɔrfɛ basa nɛ b maŋ wora shɛŋ nsaa wɔ kabuti to na nseŋ shin nɛ ekama e nya a wora asheŋ yila yila so.

Luuk 3:8

Men baa wora asheŋ nɛ a bee ŋini fanɛ men lar men be alubi to n sa maa wɔtɔ a kaŋɛ men be amu le: ‘An nana e la Eebraham,’ a fɛ fanɛ menyeeŋ ji n lar. Ma e kaŋɛ menyi na fanɛ Ebɔrɛ beeŋ tiŋ n ta ajembu ere m pɔr kaman to ebi n sa Eebraham.

Ditɛronɔmi 6:11

nɛ nwu nɛ asɔ lela bɔlɔ amo to nɛ menyi gbagba maŋ ta amo n wɔtɔ ndoŋ na, n sa menyi. Enyɛnpe Ebɔrɛ na beeŋ sa menyi atirbu nɛ menyi gbagba maŋ kur nɛ ndibi be adɔ nɛ ɔlif be ndibi be adɔ nɛ menyi gbagba maŋ dɔ n duu. Enyɛnpe Ebɔrɛ na kaŋ yɛr menyi kasawule ere so nɛ men ya nya asɔ nɛ menyee sha kikɛ a ji,

1 Samuɛl 12:3

Ma e yili nfe na. Nɛ n wora kusɔ ko ŋ gbɛ to nna, kumo ere men kaŋɛ kulubi nɛ n wora na ashi Enyɛnpe Ebɔrɛ nɛ mbe ewura laraso na kikɛ be anishito. Wanɛ be kena ŋko kurma nɛ n daŋ suge? Wanɛ nɛ n daŋ puni ŋko m mɛaŋ? Wanɛ kutɔ nɛ n daŋ sɔ brɔbu? Nɛ fanɛ n wora asɔ ere be kekama nna, kumo ere meeŋ ka kumo be kukɔ.”