Nehemaya 4:9 - EBƆRƐ BE KAWƆL

⁹ Ama an kule anyi be Ebɔrɛ nseŋ lara benapo nɛ b baa keni so nsaa kuŋ egbal na kapa nɛ kanyɛ kikɛ.

Nehemaya 4:9 ပူးပေါင်းရင်းမြစ်များ

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Nehemaya 4:10

Loŋ be jemanɛ na nɛ Juda be basa na daa kɔ bumo be kashɛ ko a boŋ nɛ k bee keta kebɔltofinfin. B yɛ: “An gben a chul to ŋkpal an ka sulɔ esulɔ gbɛgbɛso so. Ajembu burtoso na shi ga n sa anyi nɛ an sulɔ n ya lɛ. Nuso nɛ anyeeŋ wora n tiŋ m pɔr egbal na n loge kabre?”

Nehemaya 4:11

An doŋana malɛ daŋ naa kaŋɛ le nna: “Pɔɛŋ nɛ Jerusalɛm be basa ere e pin kusɔ nɛ k bee wora na, nɛ an ŋana n ya mɔ bumo kikɛ nɛ bumo be kushuŋ na e ba ekar.”

Job be kawɔl 5:12

Mo e naa melgi basa nɛ b nyi asheŋ ga be ŋkre a buu, nsaa bɔla benyiashempo be kanyiasheŋ so a pɛ bumo; saŋɛ na so kusɔ kama nɛ baa wora maa nyalɛ a sa bumo.

Nshɛ 33:10

Enyɛnpe Ebɔrɛ na e naa jija efuliana be ŋkre. Mo e naa kuŋ bumo be nfɛra lubiana ekpa.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Aŋasa 22:12

Enyɛnpe Ebɔrɛ be anishi yuu beshenteŋjipo kikɛ so nna, ama e maa sa befɛpo bre be malga kashuli.

Matiu 26:41

Men baa da so a kule Ebɔrɛ fanɛ men maaŋ luri kechɔŋkeni to. Kiyoyu na bre bee sha, eyur na e maŋ kɔ eleŋ.”

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.