Nehemaya 4:4 - EBƆRƐ BE KAWƆL

⁴ Ama n daŋ kule Ebɔrɛ nna ŋ kaŋɛ: “O Ebɔrɛ, basa ere kishi anyi nna nsaa sha fanɛ asheŋ lubi e tu anyi. Jande nu anyi be kekule nseŋ shin nɛ bumo be katege na e laŋɛ bumo be amu so! Shin nɛ b baa la basa nɛ bumo doŋana beeŋ pɛ bumo kena to ŋ gberge bumo n yɔ kabuti to.

Nehemaya 4:4 ပူးပေါင်းရင်းမြစ်များ

Nehemaya 5:9

Ndoŋ nna nɛ n naŋ kaŋɛ le: “Kusɔ nɛ men wora na maŋ daga kuraa! A daga fanɛ anyi be kebaawɔtɔ e baa sa Ebɔrɛ bunyaŋ, saŋɛ na so nnyamase na maaŋ wu kulubi anyi to.

Nshɛ 79:12

O Enyɛnpe Ebɔrɛ, fo e naaŋ ka efuli pɔtɛana nɛ a kulti anyi ere kukɔ ale shunu so; ŋkpal b ka tege fo na so.

Aŋasa 3:34

Mo nɛ basa nɛ baa maŋ bumo be amu so maŋ kɔ shɛŋ, ama e bee shu basa nɛ baa bar bumo be amu ase bre so nna.

Nfabel 1:22

Sa maŋ kplaŋ bumo be asheŋ lubi so n shin nɛ b nya bumo be amu n ji. Kananɛ fo baŋ gberge anyi kusoe ŋkpal anyi be alubi so na, gberge bumo alɛ gba kusoe ŋkpal bumo be alubi so. Anyee munto a shu kagbenejijaso nna. Anyi be tama kikɛ loge.”

Hoziya 12:14

Israɛl be basa shin nɛ Enyɛnpe Ebɔrɛ na nya agbo alegaiso. B daŋ daga luwu gba nna ŋkpal bumo be alubi so. Enyɛnpe Ebɔrɛ na malɛ beeŋ gberge bumo kusoe ŋkpal anishinyɔr nɛ b ta n ji mo na so.

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”