Nehemaya 3:4 - EBƆRƐ BE KAWƆL

⁴ Yuraya pibinyɛn, Mɛremɔf nɛ mo nananyɛn la Hakɔz na, e lɔŋɛ m pɔr egbal na be kaba nɛ k bɛ so na. Bɛrekaya pibinyɛn, Mɛshulam nɛ mo nananyɛn daa la Mɛshezabel na malɛ e lɔŋɛ m pɔr egbal na be kaba nɛ k bɛ so na nɛ Baana pibinyɛn Zadɔk malɛ lɔŋɛ m pɔr kaba nɛ k wɔ kumo alɛ be kekel to na.

Nehemaya 3:4 ပူးပေါင်းရင်းမြစ်များ

Ɛzra 2:61

Bumo nɛ b shi bɔrɛmatapoana be kabuna ama bumo alɛ be asheŋ daa maŋ wɔ nwɔl to a ŋini fanɛ b shi bɔrɛmatapoana be kanaŋ to na malɛ e daa la Hobaya be kaman to ebi nɛ Hakkoz be kaman to ebi nɛ Baazilaya be kaman to ebi. B daa tre mo Baazilaya nna ŋkpal e ka daŋ ta Giliad be efuli so be eche nɛ e shi Baazilaya be kanaŋ to so.

Ɛzra 8:33

Kachɛ nasopo na nɛ an yɔ bɔrɛlambu na to n ya karga gbiti nɛ shuwa nɛ echeenshi na kikɛ m bɔɔ Uriya pibinyɛn, Mɛremɔf, nɛ e daa la bɔrɛmatapo na enɔ. Mo nɛ Finihas pibinyɛn, Eliaza, nɛ Joshuwa pibinyɛn, Jozabad, nɛ Binuyi pibinyɛn, Nowadiya nɛ b la Livaiebi na e daa la.

Nehemaya 10:15

nɛ Buuni nɛ Azgad nɛ Bebai,

Nehemaya 10:21

nɛ Meshezabe nɛ Zadɔk nɛ Jadua,

Nehemaya 3:21

Yuraya pibinyɛn Mɛremɔf nɛ mo nananyɛn daa la Hakkoz na e lɔŋɛ m pɔr egbal na be kaba nɛ k niŋi teteri n ya fo Eliyashib be kowu be ekar na.

Nehemaya 3:3

Hassina be kaman to ebi e lɔŋɛ m pɔr kaba nɛ baa tre Kɔrɔtɔ be kabuna ekpa na. B daŋ ta mbunagboŋ na be ndibi nna n wɔtɔ nseŋ gbir akuloŋ na n wɔtɔ. Kumo be kaman nɛ b gbir abɛlso m mata akuloŋ na so nsaa ta ndibi gbɛgbɛso a kɔl amo to a ber so.

Nehemaya 3:30

Shɛlemaya pibinyɛn Hananaya nɛ Hanun nɛ e la Zalaf pibi shesopo na malɛ e lɔŋɛ m pɔr egbal na be kaba nɛ k bɛ kumo so na. Kumo a ti so bumo be kakpa nyɔsopo nɛ b pɔr. Bɛrekaya pibinyɛn Mɛshulam e lɔŋɛ m pɔr kaba nɛ k bɛ kumo so so nsaa wɔ mo gbagba be laŋ be anishito na.

Nehemaya 3:5

Tekua be kade to ebi e daŋ daga fanɛ b lɔŋɛ m pɔr kaba nɛ k bɛ so na, ama bumo be bejuŋkparpoana na bre kini fanɛ b maaŋ shuŋ kushuŋ kpakpaso nɛ benimu nɛ baa keni beshumpo na so na sa bumo na.

Nehemaya 6:18

Basa damta daa yil Tobaya be kaman nna ŋkpal Ara pibinyɛn, Shekanaya ka la mo shanyɛn so. Kusɔ nɛ k naŋ ti so e la fanɛ mo pibinyɛn Jehohanan e ta Berekia pibinyɛn, Mɛshulam pibiche a kil.

Nehemaya 7:63

Bɔrɛmatapoana nɛ b daa maŋ tiŋ n nya kawɔl nɛ k bee ŋini kananɛ bumo be nnaŋ lar e la Hobia nɛ Hakɔz nɛ Bazilai. Bazilai nɛ e shi bɔrɛmatapoana be kabuna ere mo nananyɛn daŋ ta Giliad be kasawule so be Bazilai be kabuna be eche nna nseŋ ta mo shanyɛn be ketre n nase mbe kabuna na. Ŋkpal b k daa maŋ tiŋ ŋ ŋini kananɛ bumo kekurge to lar so, b daa maŋ sa bumo ekpa nɛ b ki bɔrɛmatapoana.