Nehemaya 3:3 - EBƆRƐ BE KAWƆL

³ Hassina be kaman to ebi e lɔŋɛ m pɔr kaba nɛ baa tre Kɔrɔtɔ be kabuna ekpa na. B daŋ ta mbunagboŋ na be ndibi nna n wɔtɔ nseŋ gbir akuloŋ na n wɔtɔ. Kumo be kaman nɛ b gbir abɛlso m mata akuloŋ na so nsaa ta ndibi gbɛgbɛso a kɔl amo to a ber so.

Nehemaya 3:3 ပူးပေါင်းရင်းမြစ်များ

2 Kronikɛls 33:14

Kede be kaman nɛ ewura Manase lɔŋɛ m pɔr ewura Deevid be kade be egbal nyɔsopo na n shin nɛ k dii n ti so. E daŋ fara kebuye nɛ k dese m mata Gihɔn be kaba so na nna m pɔr kumo n ya fo kelargato be esoso be kaba so be kabuna nɛ baa tre Kɔrɔtɔ be Kabuna na be kaba so a mata kade na be kaba nɛ baa tre Kebeegboŋ Ɔfɛl na. Mo alɛ daŋ naŋ shin nna nɛ benapo be benimu nɛ bumo be benapo chena Juda be nde nɛ b pɔr egbal ŋ kulti na be kekama to.

Ɛzra 2:35

Sɛnaa ebi daa la basa ŋgboŋ asa nɛ alfa ashe nɛ adesa.

Nehemaya 12:39

An shi ndoŋ nna n ya baŋ Efrayim be Kabuna na nɛ Jeshana be Kabuna na nɛ Kɔrɔtɔ be Kabuna na nɛ Hananɛl be Ebu jeŋgreŋ na nɛ Kalfa be Ebu jeŋgreŋ na nɛ Mbolpɔ be Kabuna na so. Bekumpo be Kabuna nɛ k wɔ bɔrɛlambu na ase na nɛ an ya tar.

Nehemaya 2:8

Ma alɛ daa beeŋ baa sha kawɔl nɛ meeŋ ta n ya sa kanyɛn nɛ baa tre Asaf nɛ e bee keni ewura be kupo so na, saŋɛ na so Asaf beeŋ sa ma ekpa nɛ ŋ ku ndibi be kupo na to n lɔŋɛ mbuna n wɔtɔ ebu lempo jeŋgreŋ nɛ a yil m mata bɔrɛlambu na nɛ kadegboŋ na gba to be egbalana na nɛ laŋ nɛ ŋ gbagba beeŋ ya kaa wɔtɔ to na. Ebɔrɛ ka daa wɔ ŋ kutɔ so, ewura na daŋ shuli nna n sa ma kusɔ kama nɛ n daŋ kule mo.

Nehemaya 3:4

Yuraya pibinyɛn, Mɛremɔf nɛ mo nananyɛn la Hakɔz na, e lɔŋɛ m pɔr egbal na be kaba nɛ k bɛ so na. Bɛrekaya pibinyɛn, Mɛshulam nɛ mo nananyɛn daa la Mɛshezabel na malɛ e lɔŋɛ m pɔr egbal na be kaba nɛ k bɛ so na nɛ Baana pibinyɛn Zadɔk malɛ lɔŋɛ m pɔr kaba nɛ k wɔ kumo alɛ be kekel to na.

Nehemaya 3:6

Pasea pibinyɛn Jowada nɛ Besodaya pibinyɛn Meshulam e lɔŋɛ m pɔr kabunagboŋ nɛ baa tre Jeshana be kabuna na. B daŋ ta mbuna be ndibi na nɛ amo be akuloŋ ana nna n wɔtɔ amo be kakpa nseŋ naŋ ta abersobi na malɛ gba n wɔtɔ akuloŋ ana na to nseŋ ta ndibi gbɛgbɛso ŋ kɔl amo to m ber so.

Nehemaya 6:1

Sanballat nɛ Tobaya, nɛ Geshɛm nɛ an doŋana nɛ b ka na be beko nu fanɛ an pɔr egbal na n loge. Kusɔ nɛ an daa maŋ wora e la akuloŋ na be keta n wɔtɔ mbunaana na to.

Nehemaya 7:1

Naniere b loge egbal na be kelɔŋɛ m pɔr nseŋ ta mbuna na be akuloŋ na n wɔtɔ amo to. Kumo be kaman nɛ b sa bɔrɛlambu to be bekumpo na nɛ beshɛbompo na nɛ Livaiebi nɛ b ka na kikɛ bumo be ashuŋ.

Nshɛ 147:13

Mo e shin nɛ menyi be kadegboŋ be mbunagboŋ na kɔ eleŋ; mo alɛ e naa nɛfa menyi be basa.

Zefanaiya 1:10

Kede be kaman nɛ Enyɛnpe Ebɔrɛ na naŋ kaŋɛ: “Loŋ be kachɛ na, menyeeŋ nu kushu damta ashi Jerusalɛm be kabunagboŋ nɛ baa tre Kɔrɔtɔ na ase. Menyi kraa beeŋ nu b kaa bee boŋ to awɔrso ashi kadegboŋ na to be echenakpa popɔr na nseŋ nu awɔrgboŋ ko fanɛ asɔ ka tɔr m bure na ashi abee so.