Nehemaya 3:15 - EBƆRƐ BE KAWƆL

¹⁵ Kolhoze pibinyɛn Shalum, nɛ e daa keni Mizpa be kebonfu so na e daŋ lɔŋɛ m pɔr Kuchubu be Kabuna ekpa na. E daŋ ta kusɔ nna n ti mbuna na. Kumo be kaman nɛ e wɔtɔ akuloŋ nɛ amo be abɛlso be abersobi nseŋ ta ndibi gbɛgbɛso m ber amo so. Mo koŋwule na e daŋ lɔŋɛ m pɔr egbal nɛ k wɔ kakpa nɛ baa tre Shɛla be Kepa na. K daŋ mata ewura be kambɔl na nna nseŋ ta hale n ya fo atemprembi nɛ e dii a yɔ ewura Deevid be kadegboŋ na to na.

Nehemaya 3:15 ပူးပေါင်းရင်းမြစ်များ

2 Samuɛl 5:9

B ka sɔ kumɔlga be kakpa lempo na n loge, nɛ ewura Deevid chena ndoŋ nseŋ nase kumo “Deevid be kade.” Kumo be kaman nɛ e pɔr nwu m bɛ abar so n chambɔ kumo ashi kebee nɛ k wɔ ndoŋ be epeŋilarkpa be kaba so na.

2 Bewura 25:4

Loŋ be kafɛ na to nɛ Babilɔn be benapo na daŋ bure kade na be egbal n luri kade na to, nɛ ewura Zɛdikaya nɛ mbe benapo shile m bɔla kabunabi nɛ k wɔ kade na be egbal anyɔ be kefɛato a mata bewura be kambɔl na n sɔ Jɔɔdan be lɔr na be ketaŋɛ to be kaba so.

2 Kronikɛls 32:30

Ewura Hɛzekaya e daŋ wora nchu be kubɔr nɛ nchu bee shi Gihɔn be kebuye to a bɔla to a yɔ Jerusalɛm be kade to na. Ewura Hɛzekaya daŋ ji kɔŋkɔŋ kusɔ kama nɛ e bee wora to nna.

Nehemaya 12:37

B ka ta n ya fo Kechubu be Kabuna na ase nɛ b dii atemprembi nɛ baa diiso a yɔ ewura Deevid be Kadegboŋ na to na n ya baŋ mbe Lambu na so m bɛta n yɔ egbal nɛ k wɔ Nchu be Kabuna nɛ k wɔ kadegboŋ na be epeŋilarkpa be kaba so ase na.

Nehemaya 2:14

Ŋ ka fo Kadegboŋ na be epeŋilarkpa na nɛ ŋ kilgi n yɔ kechubu be kabunagboŋ na ase nɛ ewura be Kepa na ase. Ama ekpa na daa maŋ naaŋ kpalga to a shi n sa kurma nɛ n daa dii na.

Nehemaya 2:17

Ama ŋ ka bɛta n yɔ na nɛ n ya kaŋɛ bumo le: “Menyi alɛ gba wu tɔrɔ nɛ an wɔ kumo to ŋkpal Jerusalɛm ka bure a dese nɛ kumo be mbunagboŋana kikɛ chɔɔ n tɔr nna na! Men wora ania n shin nɛ an pɔr kadegboŋ ere be egbalana nɛ a tɔr ere, saŋɛ na so anyi maaŋ naŋ ji anishinyɔr.”

Nehemaya 3:12

Halohɛsh pibinyɛn Shalum, nɛ e daa keni Jerusalɛm be Kebonfu nyɔsopo na so na nɛ mbe mbichesobiana e lɔŋɛ m pɔr egbal na be kaba nɛ k bɛ so na.

Nehemaya 3:14

Rekkab pibinyɛn Malchija nɛ e daa keni Bɛf Hakkerɛm be kebonfu so na e daŋ lɔŋɛ m pɔr Epi be Kabuna ekpa na be egbal. E daŋ ta mbuna na be akuloŋ ana kikɛ nna n wɔtɔ mbuna na to nseŋ ta abɛlso be abersobi malɛ gba m mata amo so nseŋ ta ndibi gbɛgbɛso ŋ kɔl amo to m ber so.

Nehemaya 3:19

Joshuwa pibinyɛn Eza nɛ e daa keni Mizpa be kade so na e daŋ lɔŋɛ m pɔr kaba nɛ k wɔ kakpa nɛ b daa yili benapo be akɔsɔ na be anishito hale n ya fo kakpa nɛ b gbɛ egbal na.

Nehemaya 3:7

Melataya nɛ e shi Gibiɔn be kade to nɛ Jadon nɛ e shi Mɛronɔt be kade to na, n ta basa nɛ b shi Gibiɔn nɛ Mizpa be ndeana to na e lɔŋɛ m pɔr egbal na be kaba nɛ k bɛ so na. B daŋ pɔr hale n fo Yufreetes be epeŋitɔrkpa be kebonfu na be gomena be kowu ekpa nna.

Nehemaya 3:9

Hur pibinyɛn Refaya nɛ e daa keni Jerusalɛm be kebonfu be bargato na so na malɛ e lɔŋɛ m pɔr egbal na be kaba nɛ k bɛ so na.

Kaŋinichiŋgeliŋ 2:6

N daŋ kur atirbu nɛ baaŋ baa jɔ nchu amo to a wurge ndibi na so nna.

Aizaaya 8:6

“Basa ere kini kechubɔr nɛ baa tre Shilowa na be nchu nɛ a bee shile yɛlyɛlbi na, nseŋ yɔ ewura Rezin nɛ ewura Pɛka be kaba so nɛ kagbenefuli.

Jɛremaya 40:6

Nɛ n yɔ Gɛmaliya kutɔ ashi kade nɛ baa tre Mizpa na nseŋ ya kaa wɔ basa nɛ b ka kasawule na so na to.

Luuk 13:4

Ŋko menyee tama fanɛ basa kuduaburwa nɛ Sailowam be kejaŋ jeŋgreŋ daŋ tɔr bumo so m mɔ na e daŋ wora n da Ebɔrɛ so ga a chɔ basa nɛ b daa wɔ Jerusalɛm to na kikɛ a?

Baru lela nɛ Jɔn kute na 9:7

“Yɔ Sailowam be kepa to n ya fɔr amo n lɛ ndoŋ.” Sailowam be kifito e la Shuŋi. Ndoŋ nna nɛ kanyɛn na yɔ ndoŋ n ya fɔr nseŋ fara a wu a ba.

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.

Demujipoana 20:3

Bɛnjamin be yiri to be basa gba daŋ nu fanɛ Israɛl be basa daŋ shɛr ashi Mizpa nna. Ama bumo ere daŋ maŋ yɔ nshɛr na to. Eyiriana na be benimuana na ka gama n loge, nɛ Israɛl be basa na bishi Livai be kanyɛn na le: “Kaŋɛ anyi, nuso nɛ le be kesheŋ lubi ere wora?”