Nehemaya 3:1 - EBƆRƐ BE KAWƆL

¹ Kananɛ b lɔŋɛ m pɔr Jerusalɛm be egbalana na nde. Bɔrɛmatapo nimuso Eliyashib nɛ mo braana bɔrɛmatapoana na e lɔŋɛ kakpa nɛ baa tre Mbolpɔ be Kabuna ekpa na m pɔr nseŋ wɔtɔ kumo akuloŋ. Kumo be kaman nɛ b yili ndoŋ n ta egbal na be mba nɛ baa tre Ebu jeŋgreŋ Kalfa nɛ Hanamɛl be Ebu jeŋgreŋ na kikɛ m bɔɔ Ebɔrɛ enɔ.

Nehemaya 3:1 ပူးပေါင်းရင်းမြစ်များ

Nehemaya 12:10

Joshuwa e daa la Joikim mo tuto, nɛ Joikim malɛ daa la Eliashib mo tuto; nɛ Eliashib malɛ daa la Joida mo tuto

Nehemaya 12:30

Bɔrɛmatapoana na nɛ Livaiebi na daŋ fɔrso daŋkare be ekpa so nna ŋ ki cheembi. Kumo be kaman nɛ b wora loŋ n sa basa nɛ b ka na nɛ mbunaana na nɛ kadegboŋ na be egbalana, nɛ amo alɛ gba ki cheembi.

Nehemaya 12:39

An shi ndoŋ nna n ya baŋ Efrayim be Kabuna na nɛ Jeshana be Kabuna na nɛ Kɔrɔtɔ be Kabuna na nɛ Hananɛl be Ebu jeŋgreŋ na nɛ Kalfa be Ebu jeŋgreŋ na nɛ Mbolpɔ be Kabuna na so. Bekumpo be Kabuna nɛ k wɔ bɔrɛlambu na ase na nɛ an ya tar.

Nehemaya 13:28

Joida nɛ mo tuto la bɔrɛmatapo nimuso Eliashib na pibinyɛn ko daŋ ta Sanballat nɛ e shi Bɛf Hɔrɔn na pibiche nna nɛ n ju mo pibinyɛn na n lar Jerusalɛm to.

Nehemaya 13:4

Bɔrɛmatapo Eliashib daa la Tobaya mo kurgepo nna nɛ e daŋ shin nɛ e daa keni bɔrɛlambu na to be ebuana nɛ baa yili asɔ amo to na so.

Nehemaya 3:20

Zabai pibinyɛn Baruk malɛ e pere kenishi n lɔŋɛ m pɔr egbal na be kaba nɛ k ka n ya fo bɔrɛmatapo nimuso Eliyashib be kowu ase na.

Nehemaya 3:21

Yuraya pibinyɛn Mɛremɔf nɛ mo nananyɛn daa la Hakkoz na e lɔŋɛ m pɔr egbal na be kaba nɛ k niŋi teteri n ya fo Eliyashib be kowu be ekar na.

Nehemaya 3:32

Shuwa be ebɔyɛpo nɛ eyawujipoana na malɛ e lɔŋɛ m pɔr egbal na be kakpa lalaloge. Kumo alɛ yili ebu nɛ k wɔ kebonfu to be ebu na nna hale n ya fo kaboŋ nɛ baa tre Mbolpɔ be Kabuna na ase nna.

Nehemaya 6:1

Sanballat nɛ Tobaya, nɛ Geshɛm nɛ an doŋana nɛ b ka na be beko nu fanɛ an pɔr egbal na n loge. Kusɔ nɛ an daa maŋ wora e la akuloŋ na be keta n wɔtɔ mbunaana na to.

Nehemaya 7:1

Naniere b loge egbal na be kelɔŋɛ m pɔr nseŋ ta mbuna na be akuloŋ na n wɔtɔ amo to. Kumo be kaman nɛ b sa bɔrɛlambu to be bekumpo na nɛ beshɛbompo na nɛ Livaiebi nɛ b ka na kikɛ bumo be ashuŋ.

Nshɛ 30:1

Enyɛnpe Ebɔrɛ, meeŋ fur fo; ŋkpal fo ka mɔlga ma nsaa maŋ shin nɛ ma doŋana ji eyur ŋkpal b ka pɔɔ ma so so.

Nshɛ 48:12

Ebɔrɛ be basa, men nite ŋ kulti Jerusalɛm ŋ karga kumo be atempreŋ jeŋgreŋ.

Aŋasa 3:6

Baa nyiŋi Enyɛnpe Ebɔrɛ na ashi kusɔ kama nɛ fee wora to, nɛ e baa lɔŋɛ ekpa nɛ fee bɔla so kananɛ k daga a sa fo.

Aŋasa 3:9

Baa ta fo kanya nɛ fo sososo be adɔjibi a bunyaŋ Enyɛnpe Ebɔrɛ na.

Jɛremaya 31:38

Kede be kaman nɛ Enyɛnpe Ebɔrɛ na kaŋɛ le: “Jemanɛ nɛ baaŋ yili Hananɛl be Ebu jeŋgreŋ na be egbaŋ to n ya fo Kukɔlɔto be Kabunagboŋ na be egbaŋ to n lɔŋɛ Jerusalɛm kikɛ m pɔr fanɛ kadegboŋ n sa ma na bee ba.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Zakareya 14:10

Kasawule nɛ k yili Gɛba n dese n ya fo Rimmɔn a laŋɛ Jerusalɛm be kelargato be kaseto be kaba so na beeŋ ki fanɛ keshishɛrsawule nɛ baa tre Araba na. Ama Jerusalɛm bre beeŋ baa kraa yil kumo be kakpa nseŋ yili kabuna nɛ baa tre Bɛnjamin be Kabunagboŋ na n salga to n ya fo kumo nɛ baa tre Kukɔlɔ to be Kabunagboŋ, be kakpa nɛ kabuna ko daa wɔ na. K kraa beeŋ yili kakpa nɛ baa tre Hananɛl be Ebu jeŋgreŋ na n salga to n ya fo kakpa nɛ baa wora bewura be eyabra na.

Baru lela nɛ Jɔn kute na 5:2

Kepa ko malɛ kɔ adɛdɛ anu a wɔ Jerusalɛm a mata kakpa nɛ baa tre Mbolpɔ be Kabuna na. Hibruwebi be ŋgbar to kepa na nɛ baa tre Betɛsda.

Ditɛronɔmi 20:5

Kumo be kaman nɛ benapo na be bejuŋkparpoana malɛ e malga n sa benapo na ŋ kaŋɛ bumo le: “Esa ko wɔ nfe nɛ e pɔr kowu popɔr, ama mo alɛ maŋ naŋ ta kumo m bɔɔ Ebɔrɛ enɔ nseŋ bela n luri kumo to a? Kumo ere e bɛta a yɔ epe. Nɛ mannɛ aloŋ e kaŋ ya wu kena to, esa pɔtɛ e naaŋ ta mbe kowu na m bɔɔ Ebɔrɛ enɔ nseŋ bela n luri kumo to.