Nehemaya 2:6 - EBƆRƐ BE KAWƆL

⁶ Ewura na nɛ mbe eche e daa tase, nɛ e bishi ma le: “Nchɛ afanɛ nɛ feeŋ ta n lɔŋɛ m pɔr kumo n loge nseŋ bɛta m ba?” Nɛ ŋ kaŋɛ mo jemanɛ nɛ meeŋ bɛta m ba. Nɛ kumo be loŋ par ewura na, nɛ e shuli nseŋ sa ma akpa.

Nehemaya 2:6 ပူးပေါင်းရင်းမြစ်များ

Nehemaya 1:11

O Enyɛnpe Ebɔrɛ, nu ma nɛ fo nyɛrbi nɛ b kɔ kasha n sa fo nsaa ŋana fo ketre na be kabɔrɛkule. Chɛ ma to nɛ n nya kusɔ nɛ mee tama kabre ere nseŋ shin nɛ ewura malɛ gba e wu ma kuwɔr.” Loŋ be jemanɛ nɛ ma e daa duga ewurgboŋ Atazɛzɛs be yabra a sa mo nɛ e bee nuu.

Nehemaya 13:6

Ewurgboŋ Atazɛzɛs ka bee ji Babilɔn be efuli so be kuwura be kafɛ adesa nɛ anyɔ to nɛ le be kesheŋ ere daŋ wora. N daa maŋ wɔ Jerusalɛm to loŋ be jemanɛ na ŋkpal ŋ ka daŋ yɔ nɛ n ya bɔ ewura Atazɛzɛs kubɔya a laŋɛ kananɛ asheŋ nite ashi Juda be efuli so na so. Kumo be kaman nɛ ŋ kule ewurgboŋ na ekpa m bɛta n yɔ Jerusalɛm.

Nehemaya 2:4

Ndoŋ nna nɛ wura na naŋ bishi ma: “Manɛ nɛ fee sha fanɛ n wora n sa fo?” Nɛ ŋ kule Ebɔrɛ ma kagbene to.

Nehemaya 2:5

Kumo be kaman nɛ ŋ kaŋɛ ewura na le: “Yiramu, jande, nɛ k maaŋ tɔrɔ fo, sa ma ekpa nɛ n yɔ Juda be kasawule so n ya lɔŋɛ kadegboŋ nɛ b puli an nanaana kumo to na m pɔr.”

Nehemaya 5:14

Atazɛzɛs ka ji kuwura be nfɛ adunyɔ n ya fo nfɛ adesa nɛ anyɔsopo to nɛ ma e la Juda be efuli so be gomena. Nfɛ kuduanyɔ nɛ n la gomena na kikɛ, ma ŋko ŋkurgepoana maŋ sɔ ajibi nɛ a daga ma fanɛ gomena na.

Aizaaya 58:12

Menyi be basa beeŋ lɔŋɛ m pɔr mboŋ nɛ e bure a dese n chɛr na n yili amo be egbaltɔlase dra na so. Saŋɛ na so ekama beeŋ pin fanɛ men la basa nɛ baa lɔŋɛ egbalana nɛ alambure a pɔr nna.”

Aizaaya 61:4

Kumo be kaman nɛ b lɔŋɛ m pɔr ndegboŋ nɛ a bure n dese dra dra na kikɛ na.

Aizaaya 65:24

Pɔɛŋ nɛ baaŋ kule ma kusɔ kama gba nɛ n tiŋ n nu bumo be kekule.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.