Nehemaya 2:5 - EBƆRƐ BE KAWƆL

⁵ Kumo be kaman nɛ ŋ kaŋɛ ewura na le: “Yiramu, jande, nɛ k maaŋ tɔrɔ fo, sa ma ekpa nɛ n yɔ Juda be kasawule so n ya lɔŋɛ kadegboŋ nɛ b puli an nanaana kumo to na m pɔr.”

Nehemaya 2:5 ပူးပေါင်းရင်းမြစ်များ

2 Samuɛl 14:22

Nɛ Jɔab dese ewura Deevid be anishito kasawule bunyanso n chɔrɔ mo ŋ kaŋɛ le: “Ebɔrɛ e nɛfa fo Yiramu! Naniere nɛ m pin fo kagbene ka fuli ma so ŋkpal fo ka wora kusɔ nɛ mee sha n sa ma so.”

Ɛzra 5:17

Yiramu, nɛ fee sha, fo shin nɛ b keni Babilɔn be bewura be adrasheŋ be nwɔl to, feeŋ wu fanɛ kashenteŋ nɛ ewurgboŋ Sairus daŋ sa ekpa fanɛ b lɔŋɛ Ebɔrɛ be lambu na m pɔr ashi Jerusalɛm to. Kumo be kaman nɛ ewura e shin nɛ an nu kusɔ nɛ e bee sha demu ere to.’ ”

Nehemaya 2:4

Ndoŋ nna nɛ wura na naŋ bishi ma: “Manɛ nɛ fee sha fanɛ n wora n sa fo?” Nɛ ŋ kule Ebɔrɛ ma kagbene to.

Nehemaya 2:6

Ewura na nɛ mbe eche e daa tase, nɛ e bishi ma le: “Nchɛ afanɛ nɛ feeŋ ta n lɔŋɛ m pɔr kumo n loge nseŋ bɛta m ba?” Nɛ ŋ kaŋɛ mo jemanɛ nɛ meeŋ bɛta m ba. Nɛ kumo be loŋ par ewura na, nɛ e shuli nseŋ sa ma akpa.

Ɛsta 1:19

Yiramu, nɛ k par fo bre, fo nase mbra nɛ baaŋ sibɛ n wɔtɔ Pɛshiya nɛ Midia be efuli so be mbra be nwɔl to nɛ esa kikɛ maaŋ tiŋ n chɛrga kumo, fanɛ Vashti e sa maŋ naŋ ta keya n cha ewura pe kikɛ. Kumo be kaman nɛ fo ta mbe kuwurche na n sa eche nɛ e bɔ mo.

Ɛsta 5:8

“Nɛ k par fo Yiramu, fo nɛ Heman e naŋ ba tu ma n ji kejigboŋ nfe echefo, saŋɛ na so, meeŋ kaŋɛ fo kusɔ nɛ mee sha.”

Ɛsta 7:3

Ndoŋ nna nɛ ewurche Ɛsta kaŋɛ: “Yiramu, nɛ k par fo bre, kumo ere fo wora le be kusɔ ere n sa ma. Mɔlga ma ŋkpa nseŋ sɔ ma basa n yige n sa ma.

Ɛsta 8:5

“Yiramu, nɛ k par fo nsaa walɛ n sa fo, nɛ fee fɛ ma asheŋ bre, kumo ere fo sibɛ nwɔl ŋ kaŋɛ fanɛ kananɛ Heman kre fanɛ b mɔ anyi Juwebi kikɛ ashi fo kasawule so na e sa maŋ naŋ wora.

Aŋasa 3:4

Ŋkpal manɛ so nɛ fo baa wora loŋ, fo asheŋ beeŋ baa bɔlɔ Ebɔrɛ nɛ dimɛdi kikɛ kenishi.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Matiu 23:27

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Men du fanɛ nchaŋana nɛ b ta asɔ fuful n nyɔɔ amo be esoso nɛ a walɛ so kowu nɛ amo be epun to bre bɔlɔ bubuni be awibi n lubi so na nna.

Ruf be kawɔl 2:13

Ndoŋ nna nɛ Ruf kaŋɛ Bowas: “N nyɛnpe, Ebɔrɛ e shin nɛ ma asheŋ e baa kraa bɔlɔ fo kenishi saŋkikɛ. M maŋ fo mbitaana ere be ekama be eyilikpa so, ama fo malga ma kutɔ nɛnɛ nseŋ wushi ma, fo kenya, be kagbene.”