Nehemaya 2:4 - EBƆRƐ BE KAWƆL

⁴ Ndoŋ nna nɛ wura na naŋ bishi ma: “Manɛ nɛ fee sha fanɛ n wora n sa fo?” Nɛ ŋ kule Ebɔrɛ ma kagbene to.

Nehemaya 2:4 ပူးပေါင်းရင်းမြစ်များ

2 Samuɛl 15:31

B ka kaŋɛ Deevid fanɛ Ahitofɛl gba ti Absalɔm so nna, nɛ e kule Ebɔrɛ le: “Enyɛnpe Ebɔrɛ, jande shin nɛ Ahitofɛl be nfɛra nɛ e beeŋ sa Absalɔm na e ki nfɛra fuloŋ!”

1 Bewura 3:5

Kamɔnchɛ be kanyɛso gbagba nɛ Enyɛnpe Ebɔrɛ lara mbe kumu ŋ ŋini ewura Sɔlɔmɔn edare to m bishi mo le: “Manɛ nɛ fee sha ŋ ka wora n sa fo?”

Nehemaya 1:11

O Enyɛnpe Ebɔrɛ, nu ma nɛ fo nyɛrbi nɛ b kɔ kasha n sa fo nsaa ŋana fo ketre na be kabɔrɛkule. Chɛ ma to nɛ n nya kusɔ nɛ mee tama kabre ere nseŋ shin nɛ ewura malɛ gba e wu ma kuwɔr.” Loŋ be jemanɛ nɛ ma e daa duga ewurgboŋ Atazɛzɛs be yabra a sa mo nɛ e bee nuu.

Nehemaya 1:4

Ŋ ka nu loŋ nɛ n chena n shu nchɛ damta ŋkpal kumo so nseŋ kishi ŋ kule Ebɔrɛ ŋ kaŋɛ le:

Nehemaya 1:5

“O Enyɛnpe Ebɔrɛ nɛ fo wɔ ebɔrɛso, fo e kɔ eleŋ ga nɛ fo bunyaŋ shi m baŋ so. Fo alɛ e naa wora a bɛ fo nnɔ naseso so a sa bekama nɛ baa sha fo nsaa wora fo mmalga kasonu.

Nehemaya 2:20

Nɛ n shuli ŋ kaŋɛ le: “Ebɔrɛ nɛ e wɔ ebɔrɛso na beeŋ chɛ anyi to nɛ an pɔɔ so, ŋkpal manɛ so, an la mbe nyɛrbi nna. Mo e naŋ shin nɛ an tiŋ n shuŋ kushuŋ na n loge nɛ shɛŋ maŋ wora. Amoso anyeeŋ fara Jerusalɛm be egbalana na be kepɔr. Ama menyi ere maŋ kɔ ekpa nɛ men nya kapetɛsɔ kikɛ ashi Jerusalɛm be kadegboŋ na to, ŋkpal manɛ so, menyi maŋ ti kumo be edaŋkaresheŋ so.”

Nehemaya 2:5

Kumo be kaman nɛ ŋ kaŋɛ ewura na le: “Yiramu, jande, nɛ k maaŋ tɔrɔ fo, sa ma ekpa nɛ n yɔ Juda be kasawule so n ya lɔŋɛ kadegboŋ nɛ b puli an nanaana kumo to na m pɔr.”

Ɛsta 5:3

Ndoŋ nna nɛ ewura na bishi le: “Ewurche Ɛsta, manɛ e kɔ fo? Manɛ nɛ fee sha? Kaŋɛ ma kusɔ kama nɛ k tir fo. Hale ma efuli ere be bargato gba nɛ fee sha, meeŋ ta n sa fo.”

Ɛsta 5:6

B ka bee nuu nsa nɛ ewura na kaŋɛ Ɛsta le: “Kaŋɛ kusɔ kama nɛ fee sha nɛ n sa fo kumo. Manɛ bre e tir fo? Hale ma efuli ere be bargato gba nɛ fee sha, meeŋ sa fo kumo.”

Ɛsta 7:2

B kaa tase a nuu nsa kejigboŋ nyɔsopo na to na, nɛ ewura na naŋ bishi Ɛsta le: “Manɛ bre e tir fo? Kusɔ kama nɛ k tir fo, fo kaŋɛ ma nɛ n sa fo kumo. Hale ma efuli ere be bargato gba nɛ fee sha, feeŋ nya kumo.”

Nshɛ 136:26

Men baa di Ebɔrɛ nɛ e wɔ ebɔrɛso na epaŋ; mbe kasha nɛ k maa chɛrga na malɛ wɔtɔ nna mbaanaayɔ.

Aŋasa 3:6

Baa nyiŋi Enyɛnpe Ebɔrɛ na ashi kusɔ kama nɛ fee wora to, nɛ e baa lɔŋɛ ekpa nɛ fee bɔla so kananɛ k daga a sa fo.

Maak 10:51

Nɛ Yesu bishi mo: “Manɛ nɛ fee sha fanɛ n wora n sa fo?” Nɛ tanpo na kaŋɛ: “Enyɛnpe, mee sha ŋ ka naŋ nya ma anishi nna a wu.”

Ashuŋ Shunso 23:19

Ndoŋ nna nɛ benapo be enimu na gbagba pɛ kabrantiɛbia na be enɔ to nseŋ keta mo n lar ekarso m bishi mo: “Manɛ nɛ fee sha kekaŋɛ ma?”

Filipaiebi 4:6

Men sa maa fɔŋ kusɔ kama so men be kebaawɔtɔ to, ama kusɔ kama to men baa kaŋɛ Ebɔrɛ men be asheŋ tirso be asheŋ a kule mo fanɛ e chɛ menyi to nsaa chɔrɔ mo.